Baraca

Na baraca la è an edificio a pjanta retangolar o quadra che se cata a redoss de 'n edificio pì grant, e che la ghe è funžional a questo.

Strutura

De solito la à na strutura a involucro scatolar. Žerte barache le è fate par intjer de seti matoi (de solito forati), ma la gran part la à an teler costituì da 'n numero pari de pilastri de legn, fer, matoi o cimento armà, a i quai ghe gnen dontà la strutura portante de 'l quert, fata de legn o de fer. Al tanponament de i mur al pol esser fat de tole, de lamiere o al pol anca no esserghen. De solito al quert al è a una o do falde, quatà a cop, scandole, tegole, ondulato, lamjere o qualche olta carta catramada. An tipo particolar de baraca al è quela de lamjera ondulada co 'l quert tondo che se cronpea prefabricada.

Uso

Le barache le gnen doperade par i pì svariadi motivi. De solito le soperiss a qualche funžion che no la pol esser fata par motivi igienici o de posto 'te 'l edificio ligà. I usi che se vet pì da spess i è par al ricovero de machine agricole, trator, machine da segar, machine, atreži vari, stele, fjen, foje. Žerte olte la baraca la pol gner doperada anca par farghe inte žerte atività, come par esenpio feste, sgnapa da troi, o mistjer.