Giografia del Malawi

Topografia del Malawi

El Malawi el xe on paexe de l’Africa del Sud. El xe na longa strisia de tera incuneà tra Mozanbico e Zanbia. El confina anca co la Tanzania. El Malawi el ga on longo trato de costa lacustre sol Lago Malawi, condivixo co el Mozanbico, ma nol ga sbochi al mar.

Morfologia

El Monte Mulanje (3002 m), al confin co el Mozanbico en tel centro sud del paexe, el xe el punto de partenza de la Rift Valley (la val spacà), che la sale a nord fin a la val del Giordano, tra Israele e Giordania. En te la Val Spacà se cata el Lago Malawi, el terzso de grandeza en Africa. Dal lago vien fora el Fiume Shire chel traversa el paexe a sud par ndar a imeterse en tel Fiume Zanbezsi. Ai do lati de la Val Spacà se cata altipiani basi (900 – 1200 metri).

A nord, l’altipian el sale fin a 2600 metri, mentre a sud se cata el altipian del Shire, el altipian de Zonba (2130 m) e el masicio del Mulanje. El teren el siende rapidamente a l’extremo sud fin a rivar a Nsanje a 60 metri sul livel del mar. El paexe el xe traversà da varie cadene de coline e se cata poca pianura. Oltre a lo Shire, no se cata fiumi grandi, ma ghe xe tanti torenti curti. El Malawi el sofre de sicità, anca parché el xe ono de i paexi pi densamente popolà de l’Africa. En Malawi se cata cinque parchi naxionali:

• Cape Maclear National Park
• Kasungu National Park
• Lengwe National Park
• Liwonde National Park
• Nyika National Park

Clima

El clima del Malawi el xe tropicale. La piova la vien da novenbre a aprile. Le tenperature le va da quele calde del sud e de i fondo vale (29-35 masima), a quele calde de giorno e frede de note so i altipiani (6-8 minima / 23 masima).

Portałi:
• Portałe de Africa
|