Santa Łusia

Lùsia da Siracuxa (Siracuxa, 283 c.a - Siracuxa, 304 c.a), ła xe venerà come santa dała Ciesa catolega e dała Ciesa ortodosa, ła xe morta martire durante łe persecussion di Diocleziano a Siracuxa.

[[Imagine:Lorenzo Lotto 004.jpg|200px|thumb|Lorenzo Lotto - Santa Lùsia davanti al giudice Pascasio]]

La festa de Santa Lùsia

In çerte zone de l'Itałia setentrionałe, come Trentin, Lonbardia orientałe, Emiłia ocidentałe, Veronexe e in provincia de Udine, ghè na vecia tradission ligà a Santa Lùsia, che dixe che la nòte del 13 de diçenbre ła Santa ła ghe porta dei regałi a tuti i butini che durante l'ano i gà fato i bravi e i sà conportà ben, mentre a cuéi che sà conporta mal ła ghe porta un saco de carbon. Ełora qûalche jorno prima i butini i ghe scrive na letera, come che i fa in altri posti con Babo Natałe, dixendoghe che regałi che i vorìa, e durante ła note del 13 la mama e el papà i prepara i regałi da qûalche parte de ła caxa, in maniera che la matina dopo el butin el je cata. Però bisogna che la sera prima i butini i vaga in leto presto, parché se i resta alsà a spetare che riva Santa Lùsia, ela quando la je vede la ghe tira de ła çenare in tei oci, faxendołi deventar orbi.

Santa Lusia ła xe ła patrona de:

thumb|200px|right|Ła sepoltura de santa Lùsia, Caravagio

• Siracuxa
• Arcidiocesi de Siracuxa
• Santa Lucia del Mela (ME)
• Arcidiocesi di Messina-Lipari-Santa Lucia del Mela
• Savoca (ME)
• Coparo (FE)
• Venasca (CN)
• Montefiore dell'Aso (AP)
• Belpasso (CT)
• Miglierina (CZ)
• Savignano sul Rubicone (FC)
• Santa Sofia (FC)
• Cortenuova (BG)