Difarense intrà łe version de "Storia del Botswana"

Da Wikipedia, l'ençiclopedia libara.
Contenuto cancellato Contenuto aggiunto
Nova pàxena: thumb|250px|Mapa del Botswana La '''Storia del Botswana''' la parte da la presenzsa de popoli bosimani en te la region za en tel paleolitico. I eventi i ...
(Nisuna difarensa)

Version de le 15:13, 23 zen 2008

Mapa del Botswana

La Storia del Botswana la parte da la presenzsa de popoli bosimani en te la region za en tel paleolitico. I eventi i ga acelerà en tenpi storici, co le migrazsioni de i popoli del sud e la proclamazsion del protetorato, che la porterà al Botswana moderno.

Presistoria

Bosimane san

So le coline de Tsodilo, en tel nord ovest del paexe, i ricatamenti archeologici i xe stà datadi de 19.000 ani fa.Le popolazsioni che le vivea qi le xera de caciatori-racoglietori, del grupo bosimane. I ricatamenti, che i spazsia par tut sti ani, i xe xonsistenti co i grupi khoisan che se cata anca ancò en tel Botswana. I bosimani che i ga visù en te le paludi de el delta de l’Okavango i ga canbià stile de vita e i xe diventà pastoralisti. Ancò i khoisan i xe sirca 50.000, so na popolazsion de on milion e mezso. I Khoikhoi che i ga canbià stile de vita par diventar pastoralisti – sirca en tel I secolo a.C. – i ga anca scominzsià a ocupar le savne del sud del paexe. L’agricoltura la xe rivà co i primi bantu. Anca la tecnologia d i metali la xe rivà da de fora.

Tswana

El grupo pi inportante del paexe e quel che ge da el nome, i tswana, i xe entrà en tel sud sercando i pascoli par le so mandrie. Co l’evento de la difaqane, i ndebele i ga spinto i twasa verso el nord. I tswana i ga sercà riparo en tel deserto del Kalahari. I ndebele i ga proseguì verso el nord par rivar en tel teritorio de lo Zinbabwe. Verso el 1830 i se sa sitemà longo i tereni pi fertili longo el fiume Limpopo. I tswana i se sa organizsà torno a oto fameje pi inportanti, che le controla la vita politega del paexe anca ancò. La mancanzsa de unità la ga indebolio el grupo de fronte a i atachi da de fora.

Periodo coloniale

Verso el 1845, i boeri del Sudafrica i ga scominzsià a atacar i acanpamenti tswana rente de la frontiera co el Transvaal. En tel 1876, i capi Setshele de el clan Kwena e Khama del clan Ngwato, i ga domandà a i inglexi de la colonia del Capo de jutarli contro le incursioni boere. I do capi i parlava a nome de i so do clan, e no podea parlar a nome de tuti i tswana. I inglexi i xe stà veleci en tel rispondare e intervenir. A i inglexi no ge interesava el paexe, che nol xera fertile e no gavea materie prime. I inglexi i volea el control de el teritorio par inpedir che i boeri de le republiche auonome del Transvaal e de l’Orange le se metese en comuicazsion co la Namibia, controlada da i todeschi. I inglexi i ga alora proclamà el protetorato e dato el nome de Bechuanaland. I inglexi i ga promoso i trasporti co la costruzsion de na ferovia che portase i minerai da le miniere del Zinbabwe (alora Rhodesia) a i porti del Sudafrica. La ferovia la xe stà pronta en tel 1897. I tswana i ga capio che i podea uzsar la ferovia a so cantagio e i ga scominzsià a esportar vache en Sudafrica, e fin en tel Regno Unio. Co i inglexi i ga meso insieme i vari teritori de l’Africa Australe, i tswana i xe stà boni de tegnar el Bechuanaland fora dal novo stato del Sudafrica. I no ga podù star fora da la dependenzsa del Sudafrica. El Botswana el xe on paexe lontan dal mar e no ga sbochi direti che a i porti de Durban e Port Elisabeth en Sudafrica. En tel periodo de la colonia no ge stà altri tentativi de svilupo. I inglexi i controlava el paexe da i ufici en Mafikeng, en Sudafrica e i no gavea voja de svilupar el paexe.

Indipendenzsa

La majoria de i tswana la ga acetà el cristianeximo. I fioi de i capi clan i ndava en Inghiltera par studiar. One de questi, Seretse Khama, el xe diventà famoxo en tel Regno Unio en tel 1948 parché el se sa sposà co na bianca, Ruth Williams. Khama el xera l’erede direto del capo de i Ngwato, el clan pi inportante de i tswana. El Sudafrica el ga dito senzsa mezsi termin che el no gavaria acetà on paexe direto da on nero sposà co na bianca. El Sudafrica el xera en tel pien svilupo de l’partheid. Anca i conservatori inglexi i ga protestà. Khama el xe rimasto en Inghiltera fin al 1956, co el ga rinuncià a diventar el prosimo capo de i Ngwato. Na olta tornà en Bechuanaland, Khama el ga fondà el Bechuanaland (pi tardi Botswana) Democratic Party (Partito Democratico del Bechuanaland) e domandà l’autogoverno. En tel 1961 i inglexi i ga conceso l’autogoverno. El 30 setenbre 1966 Khama el xe diventà el primo presidente de la republica del Botswana.

Svilupo

L’indipendenzsa politega la se sa subito scontrà co la realtà locale. El paexe el xe quasi tuto desertico e, tolte poche zone fertili, el nol pol sostegnar la popolazsion. L’agricoltura la xe a mala pena suficente par rifornir le zsone rurali, mentre l’alevamento de bestie el ga bisogno de no sbolo su i marcati esteri. El Botswana el sa catà a esar dipendente dal Sudafrica, do tanti andava par laorar en te le miniere. El canbio de prospetiva el xe rivà en tel 1967. A Makgadikgadi, rente de Orapa, la compania De Beers la ga catà i diamanti. Le miniere le ga scominzsià a produr en tel 1970, co el governo che intascava el 70% de i proventi. Altre miniere le xe entrà en produzsion a Jwaneng en tel 1882. La scoperta de i diamanti la ga fato studiar el teritorio e altri giacimenti de oro, rame, nickel, carbon e altri i xe stà catadi. Le entrate de i minerai le ga parmeso al governo de programar on piano de svilupo nazsionale. El governo el ga subito costruio na strada par colegarse a Kazungula, en Zanbia. En sto modo, el Botswana el ga na via de comunicazsion internazsional che no la dipende ne dal Sudafrica ne dal Zinbabwe. A quel tenpo sti do stati i xera razsisti e i podea schizsar el Botswan co i volea. A livel internazsional el Botswana el ga laorà par formar on fronte unio contro el Sudafrica e la Rhodesia (ancò Zinbabwe). En tel 1974, co Zanbia e Tanzania, la ga forma el Front Line State, l’organizazsion de i stati che frontegiava el Sudafrica de l’apartheid. A lo steso tenpo, el Botswana el ga dovù star atento a no tirar masa la corda, visto che importazsioni e esportazsioni le continuava a pasar par el Sudafrica. El Botswana el ga anca dato vita a la Comunità de Svilupo de l’Africa Australe (SADC). La SADC la ga i so ufisi sentrali a Gaborone e la funzsiona dal 1992.

Democrazsia

El prsidente Mogae co Collin Powel

Seretse Khama el xe morto en tel lulio 1980. El vice presidente – Quett Masire – el xe diventà presidente. Masire el se sa ritirà en tel 1988, prima de la fine del so mandato par farge posto a Festus Mogae. El Partito Democratico del Botswana (BDP) el ga dominà la vita politega de sto stato. Solo en te i ultimi ani, altri partiti – par lo più fazsioni del BDP che le se sa stacà ne i ani – i ga scominzsià a domandar pi potere. El Fronte Nazsionale del Botswana el stava diventando el vero partito de le zone urbane, ma el se sa divixo en do par de le questioni interne. No se prevede grandi canbiamenti en te la vita politga de sto paexe.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Storia_del_Botswana&oldid=121272"