Difarense intrà łe version de "Storia de la Tanzania"

Da Wikipedia, l'ençiclopedia libara.
[Revixion njiancora controłà][Revixion njiancora controłà]
Contenuto cancellato Contenuto aggiunto
Nessun oggetto della modifica
Nessun oggetto della modifica
Riga 1: Riga 1:
[[Image:Tz-map.png|300px|Mapa de la Tanzania]]
[[Image:Tz-map.png|right|300px|Mapa de la Tanzania]]
La '''Storia de la Tanzania''' la fonda le so raixe ne la preistoria pi antica. En tempi pi recenti, la Tanzania la xe en comunicazsion co i paexi axiatici e, dal tempo de le colonie, co l’Eoropa. Ne i ani ’70 la gha aiutà i movimenti de liberazsion de Uganda e Sudafrica.
La '''Storia de la Tanzania''' la fonda le so raixe ne la preistoria pi antica. En tempi pi recenti, la Tanzania la xe en comunicazsion co i paexi axiatici e, dal tempo de le colonie, co l’Eoropa. Ne i ani ’70 la gha aiutà i movimenti de liberazsion de Uganda e Sudafrica.



Version de le 10:41, 24 dis 2007

Mapa de la Tanzania
Mapa de la Tanzania

La Storia de la Tanzania la fonda le so raixe ne la preistoria pi antica. En tempi pi recenti, la Tanzania la xe en comunicazsion co i paexi axiatici e, dal tempo de le colonie, co l’Eoropa. Ne i ani ’70 la gha aiutà i movimenti de liberazsion de Uganda e Sudafrica.

Preistoria

La Tanzania la xe traversà da la Rift Valley. En sta val imensa, i paleontologi i gha fato ricatamenti importanti de i primi esari umani. A Olduvai Gorge, i studiosi de la fameja Leakey i gha trovà fosili de ominidi de do milioni de ani fa e a Laetoli le pi vecie peste de antenati de i esari umani. En tuta la Tanzania se cata segni de i primi abitanti moderni. Se trata de popoli pigmei, probabilmente Khoikhoi. Verso el do mila prima de Cristo, i popoli cushiti che i migrava verso sud i xe rivà en sta region e i gha inblobà i pigmei. I bantu i xe rivà da l’ovest co varie migrazsioni a partir da el I secolo de la nostra era. I ultimim a rivare i xe stà i niloticiluo longo el Lago Vitoria, e maasai su le piane de i Serengeti – en tel XVIII secolo.

Mondo arabo

Verso el X secolo, i marcanti arabi e persiani che i laorava longo la costa africana i xe rivà anca su le coste de la Tanzania. Da el matrimonio de axiatici co le popolazsioni bantu de la costa la xe nata el popolo e la cultura swahili. I swahili i gha costruio sità e fortini su la costa, so le isole, specialmente Mafia, Zanzibar, Pemba e Kilwa. La comunità swahilil la gavea on bon comercio co l’Oman, la Persia, l’India e la Cina. Sto periodo el xe conosù come l’Era Shirazi. I primi eoropei a rivar so le coste de la Tanzania en tempi moderni i xe stà i portoghexi. En tel 1498, Vasco de Gama el gha visità Kilwa e par el 1525 i portoghexi i gavea el control de la costa. Dopo varie guere co i omaniti, i portoghexi i gha perso el control de la zona swahili e i omaniti i gha stabilì on sultanato a Zanzibar. Da Zanzibar, el sultan el controlava la costa dal sud de la Somalia al nord del Mozanbico, e le trate comerciali de l’interno de l’Africa che rivava su le coste de l’Oceano Indian.

Colonialismo

Bataja de Tanga

Co el novo interese de l’Eoropa su l’Africa en tel XIX secolo, misionari e esploratori i xe rivà en Africa Oriental par catar le fonti del Nilo e disegnar le mape de l’interno. Le potenzse eoropee no gavea interesi culturali, e guardava a l’Africa par le materie prime. La Società Todesca par la Colonizazsion, fondà da Karl Peters, la gha mandà de i rapresentanti par contratar la ‘protezsion’ oferta da la Germania a i cap locali (1884 in poi). En tel 1891, el governo todesco el gha sostituì la Compania de l’Africa Oriental Todesca ne l’aministrazsion de i teritori del Tanganica e el gha meso la cavedal a Dar es Salaam. I todeschi i gha investio tanto en te la colonia. I gha introdoto nove coltivazsioni, la ferovia e na rete de strade. I volea anca costruir on canal par potar l’acqua dal Lago Vitoria a le pianure rente de Morogoro. La zente la gha resistio sti cambi e dal 1905 al 1907 i todeschi i gha dovù combatar na guera co le tribù del sud (rivolta de i Maji Maji). Co lo scopi de la Grande Guera, i todeschi i sa catà a combatar i inglexi del Kenya. I gha fermà el tentativo de invasion co la bataja de Tanga. El general Paul von Lettow-Vorbeck el gha organizà la guerilia che gha tegnù i inglexi impegnà so tuto el confin. Co la Germania gha perso la guera, el Tanganica el xe pasà al controlo fiduciario soto i inglexi, prima par mandà de la Lega de le Nazsioni, e dopo par quel de le Nazsioni Unie.

Indipendenzsa

En tel 1954 Julius Nyerere, on maestro e ono de i soli do che gavea studià a l’università en tuto el Tanganyika, el gha fondà el partito Tanganyika African National Union (TANU) – Union Africana Nazsionale del Tanganica. En tel 1961 Nyerere el xe diventà el Primo Ministro del paexe durante el periodo de autonomia, e on ano dopo el Presidente del Tanganica. El Tanganica el xe diventà indipendente el 9 dicembre 1961.

Zanzibar

L’ixola de Zanzibar e le altre de l’arcipelago le xe stà abitade da secoli da pescadori de origine bantu. Co l’arivo d ei arabi e de i persiani, Zanzibar la xe diventà on sentro comerciale importante. Dopo esar pasà soto el control portoghexe, la xe stà presa definitivamente da i omaniti, che gha portà qua la cavedal de on sultanato. Zanzibar la xe diventà presto el sentro pi importante de l’Oceano Indiano par el comercio de le spezsie e de i sciavi. El sultanato de Zanzibar el xe continuà fin a la fin de la seconda guera mondiale, ma de fato i inglexi i gha comandà su l’ixola dal 1890. El 26 aprile 1964, Zanzibar la sa unio al Tanganica par formar la Republica Unita de la Tanzania. Nyerere el gha fondà el pensiero de la ujamaa – comunità – on socialismo africano. La Tanzania no la podesto sviluparse come altri paexi de la region, ma la gha sempre vu on livel de vita suficente par tuta la popolazsion. Fata ecezsion par le tensioni a Zanzibar de i ultimi ani e la breve guera co l’Uganda, la Tanzania gha sempre vù na vita tranquila e la democrazia la xe ben solida. Nyerere el xera anca el presidente de el partito unico Partito Rivoluzsionario (Chama cha Mapinduzi), fondà dopo l’union co Zanzibar. Nyerere el xe rimasto presidente dal 1961 al 1985. Dal 1995 ghe el multipartitismo. El presidente atuale Jakaya Mrisho Kikwete xe stà eleto nel 2005.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Storia_de_la_Tanzania&oldid=113197"