Ixola de Mozanbico

L'Ixola de Mozanbico xe on ixola rente de la costa a nord de el Mozanbico. I arabi conosea sta ixola fin dal XI secolo e i se fermava qi par far marcà. En tel XV secolo, i portoghexi gha tolto el control de l'ixola e de la costa rente a ela, la Cabeceira. L'ixola xe stà la cavedal de la colonia fin a l'inizsio del XX secolo.

Economia

I ixolani vive de pesca e de turismo. No ghe agricoltura, che però se cata su la costa. Le saline de Cabeceira Granda produzse sal par el marcà interno e l'esportazsion. El porto sa spostà a Nacala.

Popolazsion e religion

La popolazsion de l'ixola xe de etnia macua, on popolo bantu, co evidenti influenzse arabe e portoghexi. La zente parla macua ma anca on dialeto de el swahili. La majoria de la zente xe de religion islamica, ghe na minoranzsa catolega. Su l'ixola se cata la cexa costruia da san Francesco Saverio che sà fermà qi nel so viagio par andar in India.

Curiosità

El nome Mozanbico vien da la trasformazsion de Musa ben Bichi, el nome del capo vilagio che abitaa so l'ixola quando i portoghexi xe rivá nel 1498.

• Palace and Chapel of São Paulo
  Palace and Chapel of São Paulo
• 
  Hospital
• 
  Church of Santo Antonio
• 
  Makuti Town