Sergio Dalla Chiara

Da Wikipedia, l'ençiclopedia libara.


Infobox de personajo Sergio Dalla Chiara
SitadinansaItàlia
Nasimento15 de zugno 1951, Venesia
MorteCànbia el vałor in Wikidata
Łéngue parlaeitalian
Discografia
Àlbun6 co I dogi
ZènarePop Folk
Strumentovoxe, chitara

Discogs: 6025508



Sergio Dalla Chiara xe nato a Venesia inte el 1951 e gà visùo ła so infansia inte el sestièr de Castèło, passando bona parte del so tenpo inte ła Parochia de San Francesco de ła Vigna, a ła Celestia. El vive in un apartamento che xe visin. Presto el se trasferise coła so famegia visin a ła ferovia indove el se tol na nova caxa. Su l'età de tredes'ani tàca un fià sonar qualche tòcheto co ła chitara e'l forma el primo conpleso muxical, i JOLLYBOYS. Semo inte i 'ani 60 e in tuto el mondo xe scoltà da tuti Elvis Presley oltre che The Beatles. Presto sti musicisti influensarà un fià tuti i grupi del venesian e tanti tacarà sonar sti tòchi famoxi. Inte el '70 el va in teraferma a łavorar avéndoghene ła cogiontùra grassie anca a so pare che ghe lo gà łassà, el se sposa, ma ła passion ch'el gà par ła musica no finisse miga e cussì el fonda un novo grupo che "sona musica venesiana". El so nome xe "I dogi". Xe el 1978 co Sergio scominsia coła so band a xirar un fià par tuto el Triveneto sonando in ocaxion de feste popołari e cussì partesipa a avegnimenti de grando rimàrco : in Venesia sità al Teatro Małibran, Goldoni, Excellsior e La Perla al Lido de Venesia. I xe prexenti ai Carnevałi, al pałasport àe feste de ogni sòrta e i xe ospiti in trasmision radiofoneghe e tełevixive. 6 xe el numaro dei dischi che i gà registrà, 4 LP e un CD. Inte el febraro 1999 Sergio Dalla Chiara cołabora coła promosion autonoma de sogiorno e turismo de Venesia e co na conpagnia del carneval al carneval de Viena, andando in xiro a sonar par łe piase austriache, łocałi o Ringerstrasse Gallery e aparision su canałi tełevisivi austriaci (O.R.F.). Anca a Venesia el xe aparso in diverse trasmision e xe stà ospite in più manifestasion. Dal 1985 el gà anca el conpito de organixar concorsi e festival musicałi e de avegnimenti internasionałi, el xe anca el gestor del sito web Musicain.

Linganbi foresti[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Sergio_Dalla_Chiara&oldid=1064511"