Secondo triumvirà

Da Wikipedia, l'ençiclopedia libara.
Infobox de AvegnimentoSecondo triumvirà
Tipoliansa Cànbia el vałor in Wikidata
Perìodoantichità classica (it) Traduzi Cànbia el vałor in Wikidata


El Secondo triumvirà el ze el nome che i stòreghi i ghe da a ła liansa stipułada intrà Gajo Zùłio Cézare Otavian, Marco Antònio e Marco Emìlio Lèpido.

Difarentemente dal Primo Triumvirà, che el zera solché un acordo privà, el Secondo Triumvirà el ze sta na organizasion ufisałe, anca se extracostitusionałe, che ła ga risevesto el imperium maius.

El ze sta costituio par leje inte el 43 a.C. (27 de novenbre ła Lex Titia, cofà Triumviri Rei Publicae Constituendae Consulari Potestate (Triumviri par ła Costitusion de ła Repùblega de Podere Consołàrio), scursà cofà "III Vir RPC") e de ła durada de 5 ani. El pato el zera sta stipulà inte na ìzołeta del Fiume Reno, arente de cheło che in chel tenpo zera ła cołònia romana de Bonònia, odierna Bołogna.

El secondo Triumvirà el ze sta formà dopo che Marco Antònio e Gaio Zùlio Cézare Otavian i se ghea inpegnà de sconfìzar insieme i cospiradori (Bresto e Càsio), finmente che Marco Emilio Lepido el ndazeva vanti goernar Roma.

Sconfizesti i cospiradori, inte el 42 a.C. a Fiłipi, i Triumviri i ghea dividesto l'Inpero Roman in tre àree de influensa: a Otavian l'Ocidente, a Antònio l'Oriente e a Lèpido l'Àfrica.

Finito un breve periodo de liansa intrà Otavian e Antònio, ła situasion ła zera presipitada de-novo fin a l'acordo de Tàranto del 38 a.C., andove el triumvirà el se ghea reconponesto par n'altro cuincuegno, finmente che inte el 33 a.C. ła leje no ła ze pì sta renovada.

Poco dopo ga tacà ła guera siviłe intrà Antònio e Otavian.

La pułìtega de Cleopatra e Antònio ła ghea favorio ła reasion de Otavian, che el ghea incolpà ła rezina de minar el predomìnio de Roma e el ghea convinsesto i Romani a declarar guera a l'Ezito. El 2 de setenbre del 31 a.C. łe forse navałi romane łe se ga scontrà co cuełe de Antònio e Cleopatra inte ła bataja de Azio.
Visto che ła bataja ła zera persa ła rezina reparò a Alesandria co parte de ła flota, seguita da Antònio.

Inte l'agosto del 30 a.C., Otavian el ghea invadesto l'Ezito e el ga fato entrada inte ła capitałe. Cleopatra ła se ga copà co un'àspeze e Antònio catàndoła morta el se ghea suisidà anca eło. Na lejenda ła dize che Cleopatra ła se ghea copà fazéndose morsegar da un sarpente, sesto che el vołea signifegar "èsare un dio".

Notasion[canbia | canbia el còdaxe]


Altri projeti[canbia | canbia el còdaxe]

Linganbi foresti[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Secondo_triumvirà&oldid=1064921"