Sebastiano Somma

Sebastiano Somma

Biografia
Nasimènto	(63 ani) Castellammare di Stabia (Itàlia)
Atività
Ocupasion
Atività	1978  –

Sebastiano Somma, (Castellammare di Stabia, 21 de łujo, 1960), ze un ator italian.

Biografia

Sebastiano Somma nase a Castellammare di Stabia. A 22 ani el se trasferise a Roma, andove el ciapa parte a diversi corsi de recitasion e dision. I so primi łaori ze inte ła fiłodramàtega Napułitana co òpare de Scarpetta e Eduardo; recità insenbre ad Aldo Giuffré prima e Rosalia Maggio drìoman inte łe Sorelle Materassi de Aldo Palazzeschi. Al sìnema el se afasa co òpare łeziere; Daspò ani a łaorar cofà protagonista de arcuanti fotoromanzi, indove el ze aparìo a l'inisio co'l nome d'arte de Chris Olsen par po' pasar al so nome reałe, – e na stenporanea espariensa come condutor tełevizivo par el canałe privà Odeon TV – el so primo film ze Un jeans e una maglietta de Mariano Laurenti, ai cuałi ghe va drìo tanti altri film inte i ani drìo.

El so primo ròło tełevizivo ze in senejà de Silverio Blasi, Il boss, indove el interpreta un killer ingajà da ła mafia. A metà ani Novanta el łaora anca come "inviato" publicitario inte ła trasmision de Raiuno Carramba che sorpresa. Ła svolta profesionałe par Somma avien calche ano drìoman co na serie tełeviziva de gran suceso : Sospetti de Luigi Perelli, de ła cuała el ze protagonista par tre edision. Par ła rezia de Fabrizio Costa el interpreta do fiction inportanti: Senza confini e Madre Teresa.

Segue sincue stajon de Un caso di coscienza e La bambina dalle mani sporche de Martinelli. El trova cuindi el teatro, prima direto da Giorgio Albertazzi in Sunshine; drìoman el rende omajo ad Eduardo de Filippo in una comedia intarpretà in conpagnìa de Tosca D'Aquino: "Io, Eduardo", direta da Bruno Colella. Par cuatro ani el porta in sena do łaori de Leonardo Sciascia: Il giorno della civetta e A ciascuno il suo.

El vien direto da Gigi Proietti inte ła comedia Remember me, indove el mete in łuze el so łado comico/briłante. Segue n'altra comedia, Incubi d'amore, direta da Augusto Fornari. Al sìnema el torna co un film de Antonio Baiocco inte'l 2010, Il mercante di stoffe, del cuało deventa anca produtor par salvar l'òpara del fałimento del presedente produtor. El dirize e interpreta par ła Fondazione Luchetta de Trieste tre curtometraji che recorda el drama dei putełi viteme de ła guera inte ła ex Jugoslavia; el se simenta inte i pani de autor scrivendo insenbre a Martino de Cesare e Paolo Logli un programa par Rai 1 dal nome Quando arriva un'emozione, che conta in mùzega i problemi de l'infansia.

Intrà łe so espariense profesionałe, ła condusion de programi tełevizivi come M'ama, non m'ama, Utile futile e Miss Italia nel mondo.

El ze intrà i interpreti e intrà im mazori sostegnidori del docufilm Il bacio azzurro de Pino Tordiglione, che trata el dełicà problema de l'àcua.

Dopo tanti ani łontan da ła tv, inte'l 2020 el torna so Rai 1 co ła miniserie Come una madre.

Inte'l 1996, durante na vacansa, el ga conosùo ła cołega Morgana Forcella che'l ga drìoman spozà inte'l 2004. I ga avùo na fia inte'l 2005.

Sinema

• Cuando calienta el sol... vamos alla playa, regia de Mino Guerrini (1983)
• Un jeans e una maglietta, regia de Mariano Laurenti (1983)
• Zero in condotta, regia de Giuliano Carnimeo (1983)
• Hanna D. - La ragazza del Vondel Park, regia de Rino Di Silvestro (1984)
• Voglia di guardare, regia de Joe D'Amato (1986)
• La vita di scorta, regia de Piero Vida (1986)
• I miei primi 40 anni, regia de Carlo Vanzina (1987)
• Rimini Rimini, regia de Sergio Corbucci (1987)
• Opera, regia de Dario Argento (1987)
• Rorret, regia de Fulvio Wetzl (1988)
• Ciao ma'..., regia de Giandomenico Curi (1988)
• Hannibal, non acredità, regia de Ridley Scott (2001)
• Viaggio in Italia - Una favola vera, regia de Paolo Genovese e Luca Miniero (2007)
• Il mercante di stoffe, regia de Antonio Baiocco (2009)
• Una diecimilalire, regia de Luciano Luminelli (2016)
• Mare di grano, regia de Fabrizio Guarducci (2018)

Tełevizion

• Skipper, regia de Roberto Malenotti - fiction TV (1984)
• Helena, regia de Giancarlo Soldi - fiction TV (1987)
• Io Jane, tu Tarzan, regia de Enzo Trapani - Miniserie TV (1989)
• Casa Vianello, Stagione 4, epizodio 20 Tennis Club, regia de Paolo Zenatello, serie TV (1993)
• Cronaca nera, regia de Gianluigi Calderone e Ugo Fabrizio Giordani - Miniserie TV (1 episodio, 1998)
• Non lasciamoci più, regia de Vittorio Sindoni, serie TV - Rai Uno (1 episodio, 1999)
• Sospetti, regia de Luigi Perelli - serie TV - Rai Uno (2000, 2003, 2005)
• Senza confini, regia de Fabrizio Costa - Miniserie TV (2001)
• Madre Teresa, regia de Fabrizio Costa - Miniserie TV - Rai Uno (2003)
• Un caso di coscienza, regia de Luigi Perelli - serie TV - Rai Uno, Rai Due (2003-2013)
• La bambina dalle mani sporche, regia de Renzo Martinelli - Miniserie TV - Rai Uno (2005)
• Nati ieri, regia de Luca Miniero, Paolo Genovese, Carmine Elia, serie TV - Mediaset (2006-2007)
• Come una madre, regia de Andrea Porporati - Miniserie TV - Rai Uno (2020)

Curtometraji

• Contenere l'infinito, regia de Alessandro Ferrara (2014)

Teatro

• Il giorno della civetta, regia de Fabrizio Catalano (2011)
• A ciascuno il suo, regia de Fabrizio Catalano (2013)
• Uno sguardo dal ponte, regia de Enrico Maria Lamanna (2015, 2018,2019)
• La passione produzesto da Francesco Serio par CDB Produzioni (2019)

Linganbi foresti

• (EN) Sebastiano SommaInternet Movie Database, IMDb.com.
• (EN) Sebastiano SommaAllMovie, All Media Network.