Scoat

Da Wikipedia, l'ençiclopedia libara.
Jump to navigation Jump to search
Sto articol al é scrit in belumat

Co la parola scoat se intende do diversi accessori che i gnen doperadi te la casa. Al scoat par spolverar, snetar i seci de ran e le caljere, al è costituì da 'n maž de penaž de sorgaross ligadi insjeme da 'n sacolet. De solito se dopera i penaž che gnen scartadi da la fabricažion de le scoe. De solito i penaž de sorgaross i è orjentadi tuti te la medesima direžion, ma esiste anca scoat aonde che i penaž i ghe n'è banda par banda. An nantro tipo de scoat inveže al è costituì da 'n manech de legn lonch circa 2 somess. Da na banda de 'l manech ghe n'è an buss par poderlo picar, e da quelaltra ghe n'è la part abrasiva vera e propria costituida da sorgaross ligà co 'n fildefer. Va puntualizà che al sorgaross che se dopera par far sto secondo tipo de scoat al è de na qualità diversa da quel che se dopera par far quei de 'l primo tipo e le scoe. Sto secondo tipo de scoat al gnen doperà co se broa sù par cavar do al sporch da i pjati. Se ghe ciama scoat anca a quel atrežo, de solito de plastica, che se dopera par snetar al water par via de la streta analogia de forma e de funžion.