Rosoła
| Rosoła | |
 | |
| Clasefegasion sientìfega | |
|---|---|
| regno | Plantae |
| division | Magnoliophyta |
| classe | Magnoliopsida |
| ordine | Papaverales |
| fameja | Papaveraceae |
| gènare | Papaver |
| spece | P. rhoeas |
Łe rosołe (o rosołine) łe xe piantine ciamà 'nteła clasificaxion de Linneo Papaver rhoeas, deła fameja dełe Papaveraceae. Ła rosoła (todesco Mohn, inglese poppy, taljàn papavero o rosolaccio) ła xe alta 80-90 çentimetri, ła ga i fiori rosi tipici ke vien fora fra apriłe e lujo. Le fojete, bełe fixe, łe se trova su pal fusto. Łe piantine tenare deła primavera łe vien doparà come verdura cota e łe xe tanto bone.
Ła rosoła come sinboło[canbia | canbia el còdaxe]
'Ntei paesi anglosasoni ła rosoła ła xe el sinboło dei soldà morti 'nteła prima e 'nteła seconda guera mondiałe, ma anca 'ntełe altre guere. Pi de preciso, ła vien portà sul bavaro 'ntel giorno del armistìsio o giorno deła rimenbransa o giorno deła rosoła. Sto giorno el xe l'undexe de novenbre e el xe sta selto dal re Giorgio V d'Inghiltera par onorare i soldà morti 'nteła prima guera mondiałe (el xe sta el giorno ke xe finìa ła guera). Łe rosołe łe xe sta selte parchè i campi de batalja dełe Fiandre ghi nera pieni. E da ałora, Americani, Inglesi, Australiani, Neoselandesi, Canadesi e i altri del Commonwealth, ogni 11 de novenbre i porta na rosoła in memoria dei so morti in guera.
| Controło de autorità | GND (DE) 4331338-3 |
|---|