Rifugio Papa

Da Wikipedia, l'ençiclopedia libara.
Jump to navigation Jump to search
El Rifugio Papa

El Rifugio Papa, o pi de preciso el Rifugio Generałe Achille Papa, el xe sul Pasubio, in provinça de Vicensa, ała fine deła Strada dei Eroi, dove ke riva anca ła Strada dei Scarubi e ła Strada dełe Gałerie (Porte del Pasubio). Sicome el xe su na pontara, calchedun el parla de 1929, altri de 1934 metri de quota.

Intitołament[canbia | canbia el còdexe]

El xe intitołà al generałe Papa ke'l comandava ła Brigata Liguria, 'nteła prima guera mondiale. El xe sta fato 'ntel 1921, sui resti de baracamenti deł'esercito tałjàn, mesi łì al riparo dei tiri deł'artijeria austriaca: i se ciamava El Milanin. El rifugio xe proprio ała testada deła Val Canałe, sul versante sud del Pasubio, col Sojo Roso a sinistra e ła Pria Faveła a destra.

Viste[canbia | canbia el còdexe]

Davanti el ga ła vista del Sengio Alto e pi in là, del Carega. Ła proprietà xe deła sesion del C.A.I. de Schio, ghe xe 60 posti łeto e xe senpre verto dal primo de giugno fin al 13 de otobre. In primavera e in utuno xe verto i fine setimana.

Posti[canbia | canbia el còdexe]

Na so dipendensa xe el Bivaco Marzotto-Sacchi, con 7 posti, poco pi in su dełe Porte del Pasubio.