Riad (provincia)

Riad (AR) الرياض
provincia
Imaxene da satełite co indicae łe sità in arabo.
Dati aministrativi
Stato	Arabia Saudìa
Cavedal	Riad
Prinsipe	Khalid Bin Bandar bin Abdul Aziz Al Saud dal 14-02-2013
Lengue ufisiałi	arabo
Teritorio
Coordinae de ła Cavedal	23°00′N 45°30′E
Superfise	404 240 km²
Abitanti	5 455 363 (2004)
Densità	13,5 ab./km²
Altre informasion
Prefiso	14
Fuxo orario	UTC+3
ISO 3166-2	SA-01
Locałixasion
Sito istitusionałe

Riad (arabo ‏الرياض‎, DMG ar-Riyāḍ) ła xe na provincia de ła Arabia Saudìa sentral, sede de ła capital de ła nasion.

El teritorio el se cata in bona parte a cuote cołinari e el xe formà da un altopian che degrada verso est. El paesajo el xe caraterixà da ła alternansa de riłievi łonghi e streti (cuestas) formai da strati de rocia pi' resistenti (Jabal Tuwayq), e de xone pi' base (al-Bayad, ad-Dahna). No ghe xe corsi de acua permanenti, ma soło che wadi, co diresion da est a ovest.
El clima el xe de tipo tropical, da desertego a stepego; se pasa donca da stepe so łe xone pi' alte a veri e propri deserti. Łi pi' inportanti łi xe ad-Dahna a est e a nordest, e ar-Rub al-Khali a sudest.

El corisponde a ła rejon istorega del Neged. Łe sità pi' inportanti łe xe el cavołogo Riad, indove vive pi' del 75% de ła popołaxion, al-Kharj, sentro agricoło a sud est de ła capital, az-Zulfi e Wadi ad-Dawasir.

In te łe òaxi e grasie a ła irigasion artifisial vien su dateri; se ałeva cavałi.
Se estrae petrołio.
Ghe xe rafinerie de petrołio e sementifici. Inportanti łi xe łi servisi finansari.