Ranpusołi

Da Wikipedia, l'ençiclopedia libara.
Jump to navigation Jump to search
Ranpusołi
Phyteuma globulariifolium.jpg
Clasefegasion sientìfega
regnoPlantae
divisionMagnoliophyta
classeMagnoliopsida
ordineAsterales
famejaCampanulaceae
gènareCampanula
speceC. rapunculus


I ranpùsołi (o ravìse) i xe dełe erbe ke łe riva fin a 1 metro de altésa e łe vive fin ai otoçento metri sul liveło del mar. Ła pianta (todesco Rapunzel-Glockenblume, inglese rampion bellflower, taljàn raperonzolo) ła ga el nome sièntifico de Campanula rapunculus e ła fa parte deła fameja dełe Campanulaceae.

I fiori, ke vien fora fra apriłe e łujo, i par dełe canpanełe de cołor łiła sbasìo. Łe raixe łe se tira fora in inverno parkè łe xe bone da magnare: łe xe bełe grose e bianche. Łe xe piene de inulina, ke ghe dà el saor un poco dolse, invese ke de amido, ke nol sa da gnente. Na volta, łe vegnèa doparà dała industria farmaçeutica par fare el levulosio (par i malà de diabete). Ła maniera pi tradisional de magnar i ranpùsołi xe queła de magnarli crui in salata, consà col łardo fuso desfà.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Ranpusołi&oldid=648262"