Radiantismo
El radiantismo la xe na atività culturale che, pa "studio e istrusion personale", consente ai sojeti abilitai la sperimentasion in canpo radio. Sta pratica la xe regolamentà da normative ministeriali. Chi che pratica el radiantismo l'è ciamà radioamadore o radio operadore.
El termine radiantismo deriva da la raiza "radianti", nome asegnà ai radioamadori, a l'epoca de Guglielmo Marconi.
Pa cuanto riguarda le trasmision su lo spetro radio, se considera la designasion ITU pa la sudivision de lo spetro de le radiofrecuense. Serte bande lexe riservae ai usi IEEE o NATO.
Alfabeto fonètego ICAO
[canbia | canbia el còdaxe]I radioamadori dòpara sto alfabeto che el se ciama anca alfabeto ITU o alfabeto NATO.
| Létera | Fonètego | Létera | Fonètego | Létera o
nùmaro |
Fonètego | Letéra o
nùmaro |
Fonètego |
|---|---|---|---|---|---|---|---|
| A | Alpha | J | Juliet | S | Sierra | 2 | Two |
| B | Bravo | K | Kilo | T | Tango | 3 | Tree |
| C | Charlie | L | Lima | U | Uniform | 4 | Fower |
| D | Delta | M | Mike | V | Victor | 5 | Fife |
| E | Echo | N | November | W | Whiskey | 6 | Six |
| F | Foxtrot | O | Oscar | X | X-ray | 7 | Seven |
| G | Golf | P | Papa | Y | Yankee | 8 | Eight |
| H | Hotel | Q | Quebec | Z | Zulu | 9 | Niner |
| I | India | R | Romeo | 1 | One | 0 | Zero |
Le modalità de trasmision
[canbia | canbia el còdaxe]I radioamadori i poe trasmétare voze e dati, modulando in vari modi l'onda portante, cioè l'osilasion eletromagnetica ad alta frecuensa che se propaga inte lo spasio. Vanti i xe elencai i prinsipali modi in uzo.
- CW (Continuous Wave)
- AM (Amplitude Modulation)
- SSB (Single Side Band)
- FM (Frequency Modulation)
- SSTV (Slow Scan Television)
- ATV (Amateur TeleVision)
Inte li ultimi ani, grasie a l'aplicasion de l'informàdega a la comunicasion radio, i xe nati racuanti novi modi de comunicasion, bazai su la variasion de tuti i paràmetri de na portante: anpiesa, frecuensa e faze. Solo el primo de sti metodi, la RTTY, la xe uzà da calche desenio.
Le bande operative
[canbia | canbia el còdaxe]
I radioamadori i poe oparare su porsioni ben preçise del spetro eletromagnetego. Le bande le xe sono alocae inte le game LF, MF, HF, VHF, UHF, SHF ed EHF, secondo el Piano nazionale di ripartizione delle frequenze, o PNRF, redato dal Ministero delle Comunicazioni, su indicasion de l'Unione Internazionale delle Telecomunicazioni (ITU o UIT). Le bande LF, MF, HF le permete zeneralmente comunicasioni anca intercontinentali, mentre VHF, UHF, SHF, EHF cuasi senpre solo locali, nasionali e ocazionalmente europee.