Pokémon
Pokémon xe un franchise mediatico giaponese conposto da videoxughi, serie animae e film, un zogo de carte de scambio e altri media rełativi. El franchise el se svolxe in un universo condiviso in cui i eseri umani i coexiste co creature conosùe come Pokémon, na gran varietà de spece dotae de poderi speciałi. El publico prinsipałe del franchising xe i bocia da 5 ai 12 ani, ma se sa che el tira drento xente de tute łe età.
El franchise el xe nato come un paro de xoghi de ruoło sviłupai da Game Freak, da un conceto orixinałe del so fondador, Satoshi Tajiri. Pubricà sul Game Boy el 27 febraro 1996, i xoghi i xe deventài sucesi e i xe stà seguìi da serie manga, un xogo de carte de scambio, serie e film anime. Dal 1998 al 2000, i Pokémon i xe stai esportai nel resto del mondo, creando un fenòmeno globałe sensa presedenti ciamà "Pokémania". Nel 2002, ła mania ła jera finìa, dopo el Pokémon el xe deventà un punto inportante neła cultura popołare, co novi prodoti che vegnéa fora fin deso. Inte l’istà del 2016, el franchise el ga creà na seconda mania co ła publicasion de Pokémon Go, un xogo de realtà aumentà sviłupà da Niantic. Pokémon el xe stà stimà come el franchise mediatico co pì schei al mondo e uno dei franchising de videoxughi pì vendùi.