Pietro II Orseolo

Da Wikipedia, l'ençiclopedia libara.
Jump to navigation Jump to search
Sto articoło el xe scrito in venesian

Pietro II Orseolo (Venesia, 961 - Venesia, 1009), xe stà el vintisìeximo doxe de ła Republica de Venesia dal 991 fìn a cuando ch'el xe morto. El gera fìo del vintitreeximo doxe Pietro I Orseolo. El xe stà ełeto da ła senblèa popołàr co'l gavea 'péna trent'ani, e 'l xe considerà uno dei dosi più capasi e intraprendenti.

El dogado[canbia | canbia el còdexe]

Nel marso del 992 el gà otegnùo dai inperadori d'oriente Basilio e Costantino 'na crixoboła che confermava precedenti priviłègi comerçiałi ed imunità; isteso ghe xe stà conceso da l'inperador d'oçidente Ottone III el 19 ługio 992, che a quel tenpo gaveva 'péna dodexe ani. El gaveva concludesto acordi de paxe e comerçiałi co' i vescòvi de Bełùn, Caneda, Trevixo e co' tanti stati saraceni.

'Ntel 996 a Verona l'inperador gà batizà el terso fiòl del dose, che gà avùo come nome Ottone, senpre in quel'ano Pietro II Orseolo gà organezà 'na spedision navariòła, ła flota conponesta da trentaçinque navi, se gà scontrà co' i pirati nareatani che gera insieme ai Croati che infestava l'Adriatico; i narentani, subìndo 'na sconfita, gavea scominsià a subisàr le popołasion dalmate, che gaveva dimandà agiuto a Venesia. Pietro II Orseolo gà armà da nòvo n'altra granda flota: 'ntel 997 i narentani xe stài desfài, ła Dalmasia e l'Istria xe stàe sotomese de conseguensa gera deventàe protetorati de Venesia. El dose gavea ciapà el titòło de dùca de ła Dalmasia (Dux Dalmatiae) e gà avùo orìxene ła festa del spoxałisio del mar (Sensa), che sarìa po' stàda codifegàda dal dose Sebastiano Ziani.

El 18 otobre del 1002 Pietro II Orseolo xe andà in socorso dei bixantini a Bari, asediàda dai Arabi. 'Ntel 1004 el nòvo inperador d'oçidente Enrico II gà confermà i priviłègi comerçiałi de Venesia, e gà tegnùo a batìzo, senpre a Verona, l'ultimo fiòl del dose, Enrico.

L'ano drìo Pietro xe riussìo a conbinàr el matrimonio intra el fìo de Zuane e Maria Argira, dama bizantina, a ła prexensa del steso Basileus dei RomaniBasilio II. 'Ntel 1004, a ła fìn, el gà asocià el steso Zuane al trono come co-regente, in muòdo che ghe sucedese ne ła carga, tentando el fìn de render reditàrio el dogado.

Ła morte inprovixa 'ntel 1007 de Giovanni e Maria, a cauxa de 'na giandùsa, gà spenzesto Pietro II a nominàr co-Dux naltro fìo, Ottone, che gaveva 'pena quatordexe ani. Debòto al tenpo steso el ghe segurava al fìo più grando, Orso, ła catedra de ła dioçexi de Torceło, segurando cussì ła continuità del poder par la pròpia famegia. In quel'epoca el dose se gà preocupà de fabricàr Grao e la catedral de Santa Maria a Torceło, sbełetando Eraclea, ła Baxełega de San Marco e 'l Pałaso Dogal.

Ła morte[canbia | canbia el còdexe]

'Na epidemìa de giandùsa gà trusà sta serie de sucesi, xe morto el fiòl e co-regente Zuane. Al so posto gera stà ełeto so fìo de quatordexe ani Ottone. Naltro fìo, Orso, xe stà po' nominà 'ntel 1008 vescovo de Torceło. Pietro II Orseolo xe desconparso 'ntel setenbre del 1009 vegnindo sepełìo ne ła cexa de San Zacarìa

Altri progeti[canbia | canbia el còdexe]

  • Collabora a Commons Su Commons ghe xe dei file multimediałi su Pietro II Orseolo