Piasa del Domo (Pàdoa)

	Piasa del Domo
	Piasa del Domo, i se véde, da sanca a drita, el Domo, el batistero e un canton del pałaso de Monte de Pietà
Epònemo	duomo di Padova (it)
Dati
Sorte	Piasa
Pozision
Rejon aministrativa	Pàdoa (Itàlia)
	45°24′24.16″N 11°52′19.92″E / 45.40671°N 11.8722°ECoordinae: 45°24′24.16″N 11°52′19.92″E / 45.40671°N 11.8722°E
	; ; ; ; ; ; ;

Piasa del Domo ła xe na piasa de Pàdova, catada a sud de Piasa dei Siuri, a ła qual ła xe ligada traverso via Monte di Pietà, e a ovest del Gheto e de Piasa de łe Erbe. Par ła só poxision e l'inportante róło dei sui edifisi rełigiuxi ła xe stada e ła xe uncóra un dei sintri fondamentałi de ła sità.

I ladi ovest e sud de ła piasa i xe squaxi completaménte ocupai dal conpleso del Domo. Séde del véscovo, quéło de uncó el xe el terso edifisio, el cui projeto el xe tribuìo a Michielanzolo, anca se i łavuri, inconpiùi par quanto revarda ła fasada, i xe 'ndai vanti fin al 1754.^[1] Ła piasa pedonal che ła sta vanti a ła Ceza in orìxene ła ospitava el marca dei porsełi, ma, na volta regałada al véscovo ła xe deventada canpo santo, par tóre a ła fin l'aspeto de uncó inte el 1902.^[2] El batistero, catà sùbito a fianco, el xe stà anca lógo de sepoltura dei Cararexi; el xe conosésto par i frischi de Giusto de' Menabuoi. A sud, invése, ghe xe el pałaso vescoviłe, uncó muxeo diocexan.^[2]

A nord de ła piasa ła ga dó costrusion del Siexento. Verso ła via che ła porta a piasa dei Siuri se cata e el pałaso del Monte de Pietà, na volta séde del'omònima conpagnia de préstiti gestia dai Francescani: notévołe xe ła fasada orientałe col portałe baroco. Tacà a ovest se cata l'arco Valaresso, che el porta verso ła Reja dei Cararexi.^[3]

Note[canbia | canbia el còdaxe]

Vóxe ligae[canbia | canbia el còdaxe]

[1] Póche informasion sul Domo

[DomoBat-2] 2,0 ^2,1 Domo e Batistero su Padovanet.it

[3] Piasa del Domo su Padovanet.it

[1]

[2]

[3]