Pendana

Da Wikipedia, l'ençiclopedia libara.

La pendana la ze an tipo particolar de staol tipio de le majolere de alta quota.

Le gnen doperade solche par mandar le vache a past durante al periodo estivo, sichè no le gnen fate co la idea de minimizar la dispersion termica, ma con quela de minimizar la superficie de teren ocupada e le spese costrutive. par sti motivi le pendane no le ga al fjenil e le ze longhe e strete, de solito fate sù aonde che no tira tanto vent. le ospita na unica fila de vache. Lateralmente e da la parte aonde che le bestie le ga al muso la strutura la ze murada a seti de sass, ma aonde che le cen al cul no ghe n'è mur e al unico sostegno par al quert al ze fat da pilastri o da archi.

Le pendane incoi le ze state par la gran part abandonade, ma serti enti locai da un pochi de ani i ga invià intaressanti projeti de recupero.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Pendana&oldid=1014078"