Pena òtega

Foto de ła console del'Hypertext Editing System (HES) in dòparo a ła Brown University, otobre 1969 sìrca. Ła foto mostra l'HES so na stasión IBM 2250 Mod 4, che ocultava pena òtega e na tastiera co tasti funsión, cubià co el mainframe IBM 360 de ła Brown University.

Ła pena òtega ła ze on despoxidivo cołegà a un conputer che identifega el pasajo de'l penèło ełetrònego che'l dezenja l'imàjine so un schermo CRT.

co el foto-rezistor inserìo inte ła pena òtega vien colpìo da'l penèło ełetrònego, el conputer reseve un senjałe e el pol stabiłìr łe coordenàe de'l pónto che'l vien dezenjà in cuèl determenà istante parché el movimento de'l penèło ełetrònego el ze controłà dai senjałi zenarà da'l conputer stéso.

Par racuanti conputer cofà el Commodore 64 o l'Amiga ze bastante cołegàr diretamente na pena òtega conpatibiłe, par altri, cofà el Spectrum o l'Olivetti Prodest o i MSX, serve anca na cartòsa che ła contien conponenti ełetròneghi da zontàr na forma pì moderna de ła pena òtega ze ła pistòła doparàda in racuanti videozughi

Calche vòlta i łetòri de códaze a bare (in ingleze barcode scanner) i ze ciamài pene òteghe co i ga ła forma de pena. Ła pónta ła ze costituìa da na fibra òtega e da robin artifisiałe, fora ła ze protezesta da na inbaładura de asàl antimanjètego. El ze partegołarmente doparà in canpo industriałe parchè tanto rezistente e fornìo de un dispozidivo che, in cazo de cascada asidentałe el ze bon de far entràr da novo ła pónta.

Altri projeti

Altri progetti

• Wikimedia Commons

• Wikimedia Commons el detien imàjini o altri file so Pena òtega

Linganbi foresti

• (EN) Annotated Bibliography of References to Pen Computing, Touchscreens, and Tablets * Notes on the History of Pen-based ComputingYouTube.