Parco del Storga

Da Wikipedia, l'ençiclopedia libara.
Va a: navigasion, serca

El Parco del Storga el xe na area proteta voltada a la tutela del patrimogno naturalistego e etnografego local. El se cata intra i comuni de Treviso e de Carbonera e el se destira su de 67 etari inte i quai xe proibie la cazza e la pesca. El xe zestio da la provinzia de Treviso e el xe situà su na parte dei tereni de l'ex Ospedal Psichiatrego Provinzial.[1]

Descrizion[canbia | canbia el còdexe]

El Parco el xe costituio da aree in rimboscamento, campi serai, na cavana artificial circondada da caneviere, ciese perimetrale, e, soratuto, da le sortive del fiume Storga, imerse inte un ambiente uncora natural de boscheti rivariai (alnus glutinosa e salix alba) e sortive. Intro i confini del parco xe visitabile el Museo Etnografego Case Piavone, ove ozeti e utensili folcloristeghi del Veneto rural xe chiolti e esposti al publico.

Un cavezin naturalistego, screà da poco tempo, el se desgropa inte'l Parco parmetendo na passezada che la toca i ponti pì intaressanti.

Note[canbia | canbia el còdexe]

  1. Fonte: Museo Etnografico Case Piavone

Ligamenti foresti[canbia | canbia el còdexe]