Pàscue Veronezi

Da Wikipedia, l'ençiclopedia libara.
Assalto Castel Vecchio.jpg

Le Pascue veronezi l'è stà un epizòdio de insuresion de la sità de Verona e dei so dintorni contro le trupe de ocupasion fransezi, comandà dal zenerale Napoleone Bonaparte. I ze stà cusì ciamà anca par asonansa co i Vespri siciliani.[1] La revòlta, s-ciopà par via de l'opresion fransexe in sità (durante el so sodì a Verona gh'è stà fiscà de beni ai sitadini e conplòti par proàr de roversàr l'aministrasion local) gà scomisià la mattina del 17 avrìl 1797, Luni de l'Anzelo: la popołasion esasperà el ghe ła ga fata a méter fora conbatimento più de mile soldà fransezi, sorauto nele prime ore dela bataja, mentre i militi fransezi sercava de rifujarse inte i casteli dela sità, indrìoman ciapà d'asalto. L'insuresion xe finìa el 25 avrìl 1797 co l'inser-ciamento de la sità da parte de 15.000 soldà: le conseguense a cui la sità e i sitadini gà dovesto far fronte ze stà prinsipalmente el pagamento de inzenti some e le razzie de opere d'arte e de beni.

Cuadro stòrego[canbia | canbia el còdaxe]

Le Pascue veronezi l'è stà l'episodio pì inportante del pì vasto movimento delle insorzense antifransezi e antijacobine, che xe s-ciopà in tuta la penisola italiana dal 1796 al 1814: le pì inportanti, oltre ale Pascue veronezi, jera stà la lota del'Armada de la Santa Fede che, guidà dal gardinàl Ruffo, xe riusia inte ła riconcuista del regno de Napoli, le asion de le bande Viva Maria in Toscana e Liguria, e le vitorie de Andreas Hofer in Trentìn e Alto Adexe.[2] Sti moti jera stà numerosi, se ga tratà cuindi de fenomeno vasto: le stime, da parte de storici de area catòłega, parla de almanco 280.000 insorti e 70.000 morti.[3]

Ste revòlte contro la dominasion franseze, segondo la storiografia de parte catòłega italiana, gà avudo come prinsipal mìcia la pułìtega relijosa franseze de ispirasion jacobina, roversa donca ai valori sentìdi come fondamentali da la conponente pì ligà a la Cexa catòłega inte ła società italiana de cuel periodo.[4] ligà a la influente prezensa ativa, anca in ambito sivìl, de la Cexa catòłega[5].

Antefati[canbia | canbia el còdaxe]

Dipinto de Paul Delaroche che raprexenta Napoleon che valica le Alpi.

L'obietivo de Napoleon, zà da la primavera del 1796, jera conpletar la concuista de la rica Lombardia[6], zontando le province de Berghem e Bresa (a l'epoca parte de la Repùblega de Venesia). In effeti le trupe fransezi, al prinsipio acolte co l'inpegno de na breve sosta, xera xa prexenti a la fin de l'ano a Bresa e Verona: in tal modo anca se le do sità jera oncora soto el dominio veneto, se xe creà le premese par i avegnimenti de l'ano drìo. A Verona in particolar i fransezi xe xonxesti el 1º zugno 1796, ocupando i forti militari e alcuni edifici par el restòro de le trupe, anca se la Repùblega Veneta gavea dichiarà la propia neutralità. I raporti tra la popołasion e i reparti veneti da na parte, e le trupe fransezi da l'altra, i ze stà difisili insìn dal scominso par el conportamento pì da ocupanti che da "ospiti" de le trupe fransezi. Berghem invese rexìsteva oncora a l'ataco franseze.

Democratizasion de Berghèm[canbia | canbia el còdaxe]

Alessandro Ottolini, podestà de Berghem e patriota che gheva oferto 10.000 omeni par la defesa de la Nasion Bergamasca,[7] a la fin de desembre gà dovù acetàr la richiesta del zeneràl Louis Baraguey d'Hilliers de inprontàr dei alozi par le so trupe a l'interno de la sità, dao che esendo sensa soldà no gavarìa podesto rezistèr a le forze fransezi e poiché la neutralità veneta, oviamente, no consentiva un ataco.

A l'arivo de le milizie fransezi Ottolini gavea fato seràr l'entrada al castèl, ma Baraguey d'Hilliers el ga riferì che gheva risevesto l'ordene de presidiàr el castèl e la forteza, e che de conseguensa gavarìa dovù conceder ai so soldà l'ingreso in cuei edifegai: come zà i podestà de Bresa e Verona, anca Ottolini l'era stà obligà a acosentìr. El zenerale franseze no el ga cavà i vesiłi de San Marco, dao che uficialmente anca sta sità sevitava a stàr soto el contròl veneto.

La fase drìo del piùn de Napoleone prevedea el cambiamento de regìme in tuta la rejon tramite l'afidamento de l'aministrasion ai jacobini lombardi, che sucesivamente gavarìa dovù creàr na repùblega (che avarìa conpreso i teritori sìn a Verona, o adiritura sìn a Padoa) ligà ala Fransa.[8] Co l'informasion secreta l'è zonzesta a le rechie de Ottolini, sto ultimo gà provedesto suìto a infomrà el provedidor. Fransesco Battaia, persona dal caratere ezitante inte el conpìr asion de forza, gà respondesto ch'el dovea securarse che l'informasion fusse vera. Ottolini grazie a na spia l'è riusi in tenpo curto a 'ver la conferma de le intension de Napoleon, ma ciononostante Battaia no el ga festo gnente.

L'opera de "democratizasion"[9] de Bèrgamo l'è stà scumissià da Fransois Joseph Lefebvre, sucedùo a Baraguay d'Hilliers, in cuanto i jacobini locali xera masa pochi. Napoleon el ga ricordà al zeneràl che la democratizasion dovea aparìr volontà de la popołasion: el zeneral, alora, co jera drìo tegner ocupà Ottolini, el ga ciamà na raprezentansa de sitadini perché dichiarasse decadùo el goerno de la Serenisima. Costóri ha protestà ma l'è stà obligà a firmàr.[10] Ottolini inte el contenpo l'avea riciamà alcune conpagnie militari da la provincia, e sta so asion l'è vegnù utilizà cofà pretèsto par l'ocupasion de la sità. Bèrgamo deventea uficialmente la prima sità veneta sotrà al dominio de Venesia, e Ottolini l'è stà obligà a lassàr la sità.

"Democratizasion" de Bresa[canbia | canbia el còdaxe]

Il castèl de Bresa, cascà in man ai rivolusionari el 18 marzo 1796.

El passo drìo dovèa esser la "democratizasion" de Bresa. In sto caso, anca se la sità jera za soto el parzial controlo franseze, l'operasion l'avarìa dovesto esser condota, almanco in aparensa, dai jacobini, dao che inte el caso bergamasco l'asion franseze jera stà masa evidente. El 16 marzo colone de soldà conponeste in parte da jacobini lombardi e in parte da soldà fransezi i ze partìdi a in diresion de Bresa. El podestà, Giovanni Alvise Mocenigo, l'avarìa volesto portàr un ataco a la colonna nemiga, ma l'è stà fermà dal Battaia, preocupà da l'eventuale uso de la forza.

Du dì drìo dusento omeni i ze intrà a Bresa, co l'juto dei jacobini locali, i ga vinsesto le poche rezistense. El primo provedimento l'è stà la cassà de Battaia, che se ga refujà a Verona. Anca se mancava la mancansa de favor inte ła popołasion [11], i giacobini i ze riussidi, co l'juto franseze, a "democratisàr" el contado, ed el 28 marzo anca la sità de Crema. No i ze riusìdi invese in Val Tronpia e soratuto in Val Sabbia e su la Riviera ocidental del Garda, che se preparea a rezister armà contro i fransezi e i jacobini de la sità.

Le insuresion e la canpagna veroneze[canbia | canbia el còdaxe]

El proveditor Battaia l'è zonzesto a Verona el 22 marzo, e subito el ga fato riunìr el consejo, al cual partesipea anca alguni cai miltiari (el conte Ponpei, Ernesto Bevilacqua, Antonio Maffei, Marcantonio Miniscalchi, Ignazio Giusti, Fransesco Emilei) e Alessandro Ottolini. Durante el consejo Maffei, Ottolini ed Emilei se gà batùo par convinser i altri membri de l'inportansa de la riconcuista dei teritori persi, sensa renderse conto che in cuel momento jera pì inportante provédar a la difesa de la Nasion Veroneze,[7], prevedìbiłe obietivo sucesivo dei jacobini. Battaia el ga invità a la prudensa, ma el conte Emilei ghe el ga ricordà che la rezistensa passiva gheva za portà a la perdita de Bresa, e i sitadini veronezi zera pronti a tor le armi contro i jacobini lombardi. Battaia, 'pena capìo che i prezenti jera de l'opinion de Emilei, ga canbià idea, e l'è stà dònca deciso a l'unanimità de provédar a la difesa dei confini verone<i.[12]

S'à passà suìto a l'opera: Miniscalchi el ga ciapà el comando de le defeze logno la ligna del Garda, mentre a Bevilacqua l'è stà asegnà cuel de la ligna tra Villafranca de Verona e 'l confìn ferareze. Tra le dù ligne l'è stà posisionà Maffei.

Feguranti in costume d'epoca in piazza de le Erbe.

Inte el contenpo l'era tornà a Verona el conte Augusto Verità, el cual jera senpre stà in otimi raporti co i fransezi, e cuindi gà proponesto de sicurarse la neutralità franseze prima del scontro coi jacobini. L'è stà cuindi scrita e consegnà al zeneràl Antoine Balland (comandante de le trupe fransezi a Verona) la letera drìo: Modeło:Citazione In sostansa se domandava l'autorizazion a defender i confini veronezi da i agresori, cuindi el zeneràl l'è stà costreto ad aconsentìr, poiché, in caso rovèrso, sarìa stà come ufisializàr la vengnùa manco autorità de la Serenissima so i so teritori. Bonaparte, che condivideva la sielta de Balland, gà informà el Senato venezian che le trupe fransezi no se gavarìa mis-ciàe e che se sustea de cuanto sucedesto a Bèrgamo e Bresa. La risposta de Balland el ga susità gran aprovasion tra i veronezi par la defesa del proprio teritorio.

Inizialmente i cai militari l'è stà mandà a defender i confini praticamente sensa omeni, parò le cernide gà podesto ofrir 6.000 omeni, in azonta xe rivà numerosi volontari, in particolar da la Valpolicela.

El 23 marzo a Verona l'è rivà la notizia che jera partìa da Bresa na spedision d 500 soldà jacobini direti a Peschiera del Garda o Valejo sol Mìncio: i uficiali e le trupe se ga destocolà cusi a ciapàr le posision. Miniscalchi se ga portà a Colà, borgo cen sòra le coline de Lazise, Giusti a Povejan Veroneze e Bevilacqua a Cerea, mentre Maffei el ze rivà a Valejio, da dove el ga podesto constatàr che i nemighi no jera gnancora in vista, podendo quindi ris-cerare co pì òrdene le so trupe. A lù se ga unìo anca 24 fanti provenienti da Bresa e 40 cavalezeri croati rivà da Verona (insieme a du canoni).[13] El 27 marzo el gà deciso de inviàr un corpo di esplorasion, mentre, inte el fratenpo, a Castelnuovo del Garda s'era riunidi 1.500 volontari.

Divisa e armo de le trupe polache prestanti servizio par la Fransa, ch'el 29 marzo se gavea scontrà coi insorti a Vilanova, visìn Salò.

La notizia dei movimenti de le trupe inte el veroneze l'era rivà insìn ne le vali bergamasche, dove i ze s-ciopà numarose rivolte contra i ocupanti. El 29 marzo s'a solevà deboto tuta la zona montagnoza bergamasca, tanto che i insorti, cazzà dai francési, gà decidesto de puntàr su Berghèm. In cuei dì, inte el bresàn bressàn, gà insorto la popołasion de Salò, sponcionà a la rezistensa dal steso Battaia, che gà sicurà par létera l'invio de munision e de 80 dragoni.

Siti da vardàr[canbia | canbia el còdaxe]

Note[canbia | canbia el còdaxe]

  1. C. Botta, Storia d'Italia: dal 1789 al 1814, Pisa, 1824. p.264
  2. Agnoli, op. cit., p. 13
  3. M. Viglione, La Vandea Italiana. Le insorgense controrivolusionarie dalle origini al 1814, Milano, Effedieffe, 1995.
  4. Agnoli, op. cit., p. 19
  5. Cfr. pag 186, in Giordano Bruno Guerri, Antistoria degli italiani.
  6. Agnoli, op. cit., p. 81
  7. 7,0 7,1 Sotto la Repubblica Veneta co il termine Nasioni si indicavano le varie genti, accomunate da dialetto, storia e tradisioni, ma non necessariamente nell'amministrazione.
  8. Agnoli, op. cit., p. 83
  9. Par "democratizzazione" si intende, in riferimento al periodo rivoluzionario, l'insieme dei cambiamenti istituzionali introdotti dai repubblicani: produzione di codici normativi, organizzazione territoriale retta dai prefetti, costituzione di un potere pubblico laico distinto da quello della Chiesa, obbligo di assistensa sanitaria non più della Chiesa ma della municipalità.
  10. Agnoli, op. cit., p. 85
  11. Agnoli, op. cit., p. 90
  12. Agnoli, op. cit., p. 94
  13. Agnoli, op. cit., p. 101
Controło de autoritàLCCN (ENsh2002003751
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Pàscue_Veronezi&oldid=1053792"