Salta al contegnùo

Natalie Imbruglia

Pending
Da Wikipedia, l'ençiclopedia libara.


Sta voxe o sesion de mùxica ła contien erori ortogràfeghi o de sintasi o san ła xe scrivesta inte on vèneto mia masa s-ceto
Contribuisi a corèxarla segondo ła gramàdega, l'ortografia e ła sintasi de ła łéngua vèneta.



Infotaula de personaNatalie Imbruglia
Biografia
Nasimènto4 de febraro del 1975 Cànbia el vałor in Wikidata (50 ani)
Sydney (Austràlia) Cànbia el vałor in Wikidata
Dati personałi
Altura1,6 m Cànbia el vałor in Wikidata
Atività
Canpo de laoro
Ocupasion
cantante, ator, modeło, ator de tełevixion, conpozidor de canson, ator, artista discogràfego Cànbia el vałor in Wikidata
Atività1997
PartioPartio Libarałe de Austrałia Cànbia el vałor in Wikidata
ZènarePop, poprock e adult contemporary music (it) Traduzi Cànbia el vałor in Wikidata
Instrumento muzicałevoxe
Targheta discogràfega
Àlbun5
Repertòrio
Fameja
CògnuzeDaniel Johns (2003–2008) Cànbia el vałor in Wikidata
Fradełi
Sito webnatalieimbruglia.com Cànbia el vałor in Wikidata
IMDB: nm0001386 Allocine: 38249 Rottentomatoes: celebrity/natalie_imbruglia Allmovie: p353069 TV.com: people/natalie-imbruglia
Facebook place: natalieimbruglia X: natimbruglia Instagram: natalie_imbruglia MySpace: natalieimbruglia Youtube: UCPK9noEhqWa04l2ZP59Nbtg Spotify: 0dlOr0VIysztGWvU1dpjmP iTunes: 397997 Last fm: Natalie+Imbruglia Musicbrainz: 60530915-9371-4b16-bc31-5c4456317ae0 Songkick: 66427 Discogs: 53349 Allmusic: mn0000374126


Natalie Jane Imbruglia (Sydney, 4 de febraro 1975) ła ze na cantautora e atora austrałiana de orizene italiana[1][2][3]

Come cantante, ła xe in atività da ła segonda metà dei ani novanta[1][2][3][4][5][6] : ła ga pupublegà sincue àlbun, vałe a dir Left of the Middle (1997), White Lilies Island (2001), Counting Down the Days (2005), Glorious: The Singles 1997-2007 (2007) e Come to Life (2009).[3][4][6], e ła se ga azudegà vari premi muzegałi[1].
Intra' łe so canson pì famoze, A recordemo Torn, Wrong Impression, That Day, Counting Down the Days e Want.[2][6][7]

Prima de deventar cantante, ła ga ezordìo come atora ai inisi dei ani novanta inte ła soap opera Neighbours.[1][2][5][8][9] Senpre come atora, ła ga avudo anca un roło inte'l sinema, senjatamente inte'l film Johnny English (2003), a'l fianco de Rowan Atkinson.[5][8]

Biografia

[canbia | canbia el còdaxe]

I scominsi : ła publisità e ła soap opera

[canbia | canbia el còdaxe]

Fìa de un emigrante de Lipari (Elliot Imbruglia) e de na dona austrałiana (Maxene Anderson), Natalie Imbrulia' łs nase a Sydney e ła crese a Berkeley Vale. Co ła ga sincue ani ła ciapa łesion de dansa jazz e drioman anca de tip tap e de bałeto, A sèdeze ani ła zbandona ła scoła e ła se trasferìse a Sidney sercando de emerzer inte'l mondo de'l spetacoło,

L'ezordio el ze stà come testimonial publisitario de na goma da mastegar japoneza. A l'età de 17 ani ła ze conosesta parchè ła deventa interprete de na soap opera un mucio famoza in Austrałia Neighbours (indove ze prezenti anca Kylie Minogue e Holly Valance. El só ròło el zera secondario cusì ła ze stà scriturà soło che par do setemane, parò visto el gran suceso avesto i autori i ga desidesto de darghe na parte pì de rimarco. El zera un parìodo pìtosto bon par eła, parò, ła se gà mostrà non tanto contenta de ła vita che ła jera drìo viver e indrioman ła gà dichiarà cusì : "A so grata a cuanti me gà dà l'ocazion de far l'atora. Go conosesto tanta zente, go podesto vadanjàr un mucio e conprarme vestìi de voga. Ma presto chel tipo de fama ła gà perdesto el só fasìno. Do ani de cheła vita e no me conosevo più, A jero deventà àcida".

Cariera muzegałe

[canbia | canbia el còdaxe]

Ła se trasferìse cusì a Londra indove ła ga da rescomisiàre da zero. Łe robe no va ben avendo anca problemi finansiari par pagarse l'afito.[10] Intanto ła gà tacà scrivare canson e, come obietivo, ła se prefisa de no restare inte ła cavedałe ingleze. Drìoman ła vien notà da na major muzicałe. Come provìn i ghe fa cantar ła canson Torn, che drìoman sarà el so primo suceso al seguito del cuało ła sotoscrivarà un contrato coła compagnìa.

1997 - Left of the Middle

[canbia | canbia el còdaxe]

int'l 1997 ła insìde el so primo àlbun, Left of the Middle, che ghe gà fato otegnìr vari premi. Ła xe stà mensionà anca a 3 Grammy Award, ma sensa vitorie. El disco gà avesto un otimo suceso e anca inte i Stati Unii dove xe intrà in top ten vinsendo 2 dischi de platino. A liveło mondiałe el disco gà sorpasà i 8 miłioni de copie. El singoło de slanso xe stà Torn che in poco deventa na hit trasmesa dapartuto; in Gran Bretagna ła razonze el segondo posto, mentre inte i USA el ze restà el singoło pì sonà da łe radio par dieze setemane de seguito. Anca oncò ła ze recordà cofà una de łe cansona sìnboło dei ani novanta. Vien estraesti altri sìngołi Big Mistake, Wishing I Was There e Smoke che gavarà un bon suceso, ma che de seguro no podea esar aconparà a Torn. Intanto Natalie pareciava el segondo àlbun, ma prima che'l fuse publegà ła gà cołaborà ad alcune canson, alcune cołone sonore de Stigmate, co ła canson Identify (scrivesta da Billy Corgan dei Smashing Pumpkins, usìa cofà singoło, gà avesto anca un videoclip) e Go, ła gà insidesto na canson par beneficensa (It's Only Rock and Roll) e ła gà cołaborà a l'àlbun Reload de Tom Jones.

Natalie Imbnruglia, ospite de TRL a Napołi (25 avrìl 2005)

2001 - White Lilies Island

[canbia | canbia el còdaxe]

inte'l 2001 A ze venjùo fora el só segondo àlbun, White Lilies Island. A l'interno A se cata temàdeghe pì sentràe so ła serietà che so ła spensieratesa de'l scominsio. El disco no'l ga razonzesto boni rezultadi, soratuto inte i USA, White Lilies Island el ze comuncue riusìo a véndar 2 miłion de copie. I sìngołi tirài zó da 'sto àlbun i zera That Day, Wrong Impression e Beauty On the Fire. I primi do singołi i ga avesto boni rezultadi in Gran Bretanja (ma no cusì tanti inte i USA), mentre el terso el ze pasà doboto inoservà. Intanto A ze canbià un mucio anca el look. Senpre inte'l steso ano ła łaora par ła cołona sonora de'l film Y tu mama también (2001), mentre inte'l 2002 par Mr. Deeds (2002). Senpre inte'l 2002 ła deventa uno dei volti de L'Oreal.

Dopo l'esperiensa inte ła soap opera Neighbours, inte'l 2003 ła riese ad aver na parte inte'l film de Peter Howitt, Johnny English e a otènjer un discreto suceso come atora. El film rico de bàgoło ed efeti speciałi conprende un cast spetacołozo, tra cui Rowan Atkinson e John Malkovich.

2004-2007 - Counting Down the Days e Glorious

[canbia | canbia el còdaxe]

Pa'l terso capitoło discogràfego A conjarà spetar altri 4 ani, co Counting Down the Days, de'l 2005. L'àlbun el se reveła orgànego e da l'ascolto piazèvołe, caraterizà da l'alternansa de bałade e tòchi pop/rock. Vien estraesti soło che do sìngołi Shiver (che ze deventà el mazor suceso dai tenpi de Torn) e Counting Down the Days (che invese el ze pasà squazi inoservà). inte'l steso ano ła Imbruglia ła partirà co un tour par promóvar l'àlbun. El disco el gà otenjesto un buon suceso in Europa, ma non in Austrałia (indove no ła ze riusìa ad intrar in top 10) e inte i USA, dove no l'è stà njanca publegà. Ad ancò Counting Down the Days el ga vendesto 2 miłion de copie in tuto el mondo, el ga ciapà ła nùmaro 1 in Gran Bretanja e'l ze rezultà uno dei 100 àlbun pì vendùi del 2005.

inte'l 2006 ła Imbruglia ła se ga inpenjà diversamente co "Il Fondo dell'ONU per i Popoli" (UNFPA) par jutare ła reserca so ła fistola. Inte łe diverse intarviste ła ga trancuiłizà i fan informandołi che ła sarìa tornà a publegar àlbun e, se'l cazo, dei film come atora.

El só nuovo singoło Glorious, prezentà in anteprima a łe Finałi de Verona de'l Festivalbar, el vinse el premio "Speciałe". El singoło el otien un suceso scadente, siben el riva a pozision de na serta rełevansa (n.23 inte ła clasifega ingleze e n.13 inte ła clasifega mondiałe).

El 10 de setenbre 2007 A vien fora ła só prima rancura, Glorious: The Singles 1997-2007. Ła rancura no ła otien gran sucsso soratuto a cauza de ła poca promosion, dovesta a'l fato che ła cantante inte'l steso parìodo ła zera drio preparàr el divorsio da só marìo.

El 10 de novenbre 2007 inte łe sałe itałiane vien fora el film de anemasion Winx, il segreto del regno perduto de Iginio Straffi co protagoniste łe famoze fadine oramai séłebri anca inte'l mondo. Natalie ła aceta de scrivar e cantar el tema prensipałe par el film, All the Magic. Ła canson vien po' inserìa inte ła cołona sonora orizenałe de'l film publegà da Epic Sony.

2009 - 2010 -Come to Life e cariera del sinema

[canbia | canbia el còdaxe]
Natalie Imbruglia a Bucarest inte'l 2008

Natalie gheva rivełà zà inte el disenbre 2008, el novo disco Come to Life vegnesto fora inte l'otobre del 2009.[11]. Se trata de na vera rivołusion par la cantante, in cuanto ze stà produzesto da ła caza discogràfega fondà da ła Imbruglia dopo aver łasà ła Sony. El ze stà antisipà dal sìngoło Want, de otimo suceso in Italia, andove el riva a ła cuarta pozision de ła clasifega dei sìngołi pì vendùi, ma dełudente inte i altri Paezi. El segondo ed ùltemo sìngoło, Scars ze stà rełasà ne l'istà 2010. Alcune de łe canson de sto àlbun ze stà scriveste da Chris Martin, leader dei Coldplay.[12] Par el momento (dal 2010) ła cantante, gà mołà ła cariera muzegałe par dedicarse a cueła del sinema.

Vita privada

[canbia | canbia el còdaxe]

Ła ze stà spozà da'l 2003 al 2008 co Daniel Johns,[9] cantante dei Silverchair Daniel Johns co na serimonia so ła spiaja in Australia. I do i gà vivesto insenbre a Windsor, Berkshire, Renjo Unìo, so na ìzoła ciamà "White Lilies" che drìoman ła ze deventà el nome de'l segondo àlbun, ed a Newcastle, Austrałia. El 4 de zenaro, 2008 Imbruglia e Johns i gà anuncià publegamente el so divorsio, ła cui cauza prinsìpałe de rotura ze stada ła distansa. Natalie gà anca dichiarà de aver soferto de patùrnia dopo el repentino suceso avesto e dal stres conseguente a cui no ła zera abituàda.

Discografia

[canbia | canbia el còdaxe]

Àlbun

[canbia | canbia el còdaxe]

Singołi

[canbia | canbia el còdaxe]

Filmografia

[canbia | canbia el còdaxe]

Programi tełevizivi

[canbia | canbia el còdaxe]

Premi & riconosimenti (Lista parsiałe) [1]

[canbia | canbia el còdaxe]

Note

[canbia | canbia el còdaxe]
  1. ↑ 1,0 1,1 1,2 1,3 1,4 cfr. Artist Direct: Natalie Imbruglia Archivià il 23 de zunjo 2012 in Internet Archive.
  2. ↑ 2,0 2,1 2,2 2,3 cfr. Rockol.it: Natalie Imbruglia
  3. ↑ 3,0 3,1 3,2 cfr. MTV.it: Natalie Imbruglia Archivià il 20 de marso 2015 in Internet Archive.
  4. ↑ 4,0 4,1 cfr. Allmusic: Natalie Imbruglia - Biography
  5. ↑ 5,0 5,1 5,2 cfr. Todo Música: Natalie Imbruglia
  6. ↑ 6,0 6,1 6,2 cfr. Discogs: Natalie Imbruglia
  7. ↑ cfr. Allmusic: Natalie Imbruglia - Songs
  8. ↑ 8,0 8,1 cfr. IMDb.it: Natalie Imbruglia Archivià il 29 de agosto 2012 in Internet Archive.
  9. ↑ 9,0 9,1 cfr. IMDb.com: Natalie Imbruglia - Biography
  10. ↑ Natalie Imbruglia - La biografia, mtv.it. Entrada il 15 novembre 2011.
  11. ↑ http://www.natalieimbruglia.com/releases.php?id=5 Archivià il 19 de zunjo 2012 in Internet Archive.
  12. ↑ Informazione tratta dall'intervista rilasciata a Sport Week, supplemento della Gazzetta dello sport, del 3 ottobre 2009, pag. 76.

Altri projeti

[canbia | canbia el còdaxe]

Linganbi foresti

[canbia | canbia el còdaxe]
Controło de autoritàVIAF (EN) 85432817 · ISNI (EN) 0000 0001 1450 5008 · El vałore TO0V282854 de SBN no el xe mija bon. · Europeana agent/base/61947 · LCCN (EN) no98076351 · GND (DE) 135084059 · BNF (FR) cb14010333q (data) · BNE (ES) XX1412476 (data) · NLA (EN) 35367102 · WorldCat Identities (EN) no98-076351
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Natalie_Imbruglia&oldid=1173984"