Mostarda vixentina

Da Wikipedia, l'ençiclopedia libara.
Jump to navigation Jump to search

Ła mostarda vixentina ła xe na mostarda ( pasada de pomi coti a 60° par 45 minuti insieme a un 40% de sucaro, dal latin mustum ardens: mosto ke bruxa, par via ke'l xe picante). Par ła vixentina se dopara el pomo codogno. Quando ke i pomi codogni i xe coti, se lasa rafredare tuto e se mis-cia pian pian finkè no vien fora na pasta xała e lisia ke se pol spalmare. Se ghe xonta dopo ojo esensiałe de senape. In fondo se pol anca xontare na s-cianta de fruti candij.

Storia[canbia | canbia el còdexe]

El pomo codogno xe sta porta in Veneto dai Venesiani dal Medio Oriente. Dal Siexento ła mostarda, fata in diverse maniere a Cremona, Mantova, Verona, Voghera e in Piemonte, ła se ga difuxa in tuta łe sità e i borghi deła Padania. Dal 1920 ghe xe na dita artigianałe de Montecio Majore ke ła produxe secondo ła riceta clasica deła mostarda vixentina.

Come ke ła se magna[canbia | canbia el còdexe]

A Vicenza ła mostarda vixentina se magna soratuto a Nadal col mascarpon in parti eguali sul pandoro de Verona, ma ła vien doparà anca coła carne bołida e coła selvagina o coi formaj picanti, come un bel toco de Asiago stravecio.