Mostarda

Da Wikipedia, l'ençiclopedia libara.
Infobox de Gastronomia Mostarda
SorteConsieri
Stato de orìzeneItàlia Cànbia el vałor in Wikidata
Difuxionbandiera Itàłia e bandiera Braziłe
Invension}



La mostarda ła xe on prodoto gastronòmego tìpego difondesto inte ła itàlia setentrionałe, faxesta co difarenti ingredienti a segonda de ła xona de orìxane del tipo de mostarda. Se xe drio parlar de consere de uno o pì tipi de fruta tratada, dipendendo da łe ricete, co sùcaro o miełe, mosto o sènape distintamente.[1]

Orìxane[canbia | canbia el còdaxe]

El tèrmano mostarda el xe racuanto de frecuente fonte de ecuivocaminti, in cuanto el njien doparà par rimando a ła łéngua fransexe moutarde o a l'inglexo mustard, par definir el condimento pì conosesto in vèneto cofà sènapa. Anca se ła etimołoxia vèneta, probabilmente derivante dal tèrmano latin mustum ardens (mosto che "arde", che el boje, inte el senso de "picante")[2], el se rifarisa cusita come el èsarghe del mosto che de robe picanti cofà ła sènapa, anca se in racuanti caxi de tipi de mostarde, połe mancare uno o in alguni caxi anca i połe mancare tuti e do. [1] Le mostarde de Cremona, Màntoa e del Veneto, par exenpio, łe xe de frecuente co ła sènapa e picanti (dipendendo da cuanta sènapa ghe xe), ma no łe ga drento el mosto, parò inte el contenpo chełe de Carpi, del Piemonte e del sud de Itàlia łe ga el mosto ma no łe ga rento ła sènape. N'altro exenpio ła połe èsar ła mostarda bołognexa e romagnoła, che no łe ga drento né mosto e njianca ła sènape, ma solché fruta.

Notasion[canbia | canbia el còdaxe]

  1. 1,0 1,1 Ambrogio Saronni e Carla Bertinelli Spotti, La Mostarda, in La mostarda di Cremona, Correggio, Wingsbert House, 2015. entrada il 10 gennaio 2020.
  2. Ambrogio Saronni e Carla Bertinelli Spotti, La Mostarda di Cremona, in La mostarda di Cremona, Correggio, Wingsbert House, 2015. entrada il 10 gennaio 2020.

Altri projeti[canbia | canbia el còdaxe]


Linganbi foresti[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Mostarda&oldid=929508"