Mezo de comunicasion de masa

Da Wikipedia, l'ençiclopedia libara.

On Mexo de comunicasion de masa, midia de masa (o in léngua inglexe Mass Media) i xe dei midia speçifegadamente projetai par comunicare in forma verta e distansa al grando publego. Se połe dire che ła comunicasion de masa ła xe costituia da organixasion ben pareciae par rivar al fin de produre e difondare mesaji rivolti a on publego largo e incluxivo, chel ciape tochi de popołasion tan difarenti intrà de łori.

Tipi de mexo[canbia | canbia el còdaxe]

Jornałe[canbia | canbia el còdaxe]

Par pì de cuatro secołi l'unego vero e propio mexo de comunicasion de masa el xe sta el jornałe. El primo jornałe eoropeo che se conose, el l'è del 1563 a Venesia, scrito a man da persone incargae dal goerno de ła Republica de Venesia par difondare notisie so łe guere, so łe pułìteghe de goerno al grando publego.

Cine[canbia | canbia el còdaxe]

Partio inte el 1895 co ła prima projesion çinematografega fata dai fradełi Lumière, el çine el se ga fin da suito difondesto in tuti i paexi del mondo, par divegner un grando mexo de comunicasion de masa, sia co i çinejornałi, che co i film projetai.

Aradio[canbia | canbia el còdaxe]

Partio col scumisiar del XX secoło, l'aradio l'è sta da suito on grando mexo de comunicasion. Le traxmision inte ła penixoła łe xe scumisiae inte el 1924.

Na olta el jera on mexo de comunicasion intrà i pì funsionanti, parché el se podea scoltare co se jera drio far mestieri de calsiasi tipo e de conseguensa no el inpegnava tenpo come che ło inpegnava ła carta stanpada da łexare e anca parché no ghe jera nisuna alternadiva de sto tipo. Se połe ricordare l'existensa dei radiojornałi, de łe publiçità, de łe radiostorie (raconti) e de ła mùxega.

Tełevixion[canbia | canbia el còdaxe]

La tełevixion ła xe partìa in Veneto inte el 3 de genaro del 1954, e no ła ga da suito vuo on grando suçeso, parché ła costava masa in confronto al costo de ła vida inte i ani çincuanta. La vera difuxion ła se ga vuo inte i ani 70.

Internet[canbia | canbia el còdaxe]

El rivo de Internet el se ga intorno ła fin dei ani 90, anca se el vero boom el se ga vuo inte i primi ani del 2000 co i Computer e inte i ani diexe co i dispoxidivi mobiłi (tełefoni intełijenti, tablet, rełoji intełijenti) che i dà ła oportunidà ai mexi de comunicasion de masa de poder vegner drento a ła nostra vita in ogni momento de ła jornada.

Voxi corełade[canbia | canbia el còdaxe]

Controło de autoritàLCCN (ENsh85081863 · GND (DE4037877-9 · BNF (FRcb119323312 (data) · NDL (ENJA00567519
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Mezo_de_comunicasion_de_masa&oldid=1087056"