Mar dei Cosmonàuti

Da Wikipedia, l'ençiclopedia libara.
Infobox de Zeografia fìzegaMar dei Cosmonàuti
SorteMar e proposta (it) Traduzi Cànbia el vałor in Wikidata
Parte deOsèano Antartego Cànbia el vałor in Wikidata
Liogo
Continenteantàrtede Cànbia el vałor in Wikidata
Rejon aministrativaregione del Trattato Antartico (it) Traduzi Cànbia el vałor in Wikidata
 
Dati e sifre
Àrea699 000 km² Cànbia el vałor in Wikidata

El mar dei Coxmonauti (da el ruso: Море Космонавтов) el xe un mar marginal de el osèano Antartego situà a sud de el osèano Indian. El se cata intra el mar de Riiser-Larsen a ovest e el mar de ła Coperasion a est, intra  ła longitudine 34°E e cheła 54°E.[1] La cordiłiera sotomarina Gunnerus, che ła xe na continuason de ła penìxoła Riiser-Larsen, ła xe ła frontera natural co el mar de Riiser-Larsen. El cao Batterbee (53° 48' E), estremo nord de ła Tera de Enderby, el segna el łimite co el mar de ła Coperasion. Se considera cofà so łimite setentrional el parałeło 65° S, ma el podaria eser considerà cofà ła banda pì meridional de el basin African-Antartego.

El ga ciapà sto nome inte el 1962 in omajo a łi primi astronauti rusi da ła Spedision Antartega Sovietega, durante ła cuałe i so partesipanti ło gaveva identifegà cofà un mar independente inte'el osèano Austral.

Sto mar el bagna inte ła Tera de ła Regina Maud ła costa de el Prinsipe Harald e ła costa de el Prinsipe Olaf, che łe xe aree so łe cuałi ła Norveja ła pretendaria de eser sovrana. Intra łe aree so łe cuałi ła Austrałia ła pretendaria de eser sovrana el mar el bagna ła parte osidental de ła Tera de Enderby.

Ła Baxe Syowa de  el Giapòn ła xe stada inaugurada inte el 1957 so ła costa de el mar dei Coxmonauti.

Sto mar el coverxe un area de 698 600 km². Ghe xe na streta franxa de ła piataforma continental che ła cała bruscamente verso el nord e ła riva a 4798 metri de profondità. El xe constantemente coverto de giasi a ła deriva, co na gran cuantità de ''icebergs''.[2]

Note[canbia | canbia el còdaxe]

  1. Information Bulletin, Vołumi 4-5.
  2. (RU) МОРЕ КОСМОНАВТОВ

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Mar_dei_Cosmonàuti&oldid=1088522"