Madre Teresa de Calcuta

Da Wikipedia, l'ençiclopedia libara.
Jump to navigation Jump to search
Madre Teresa 'ntel 1988

Mare Terexa de Calcuta, nome de batesimo Agnes Gonxha Bojaxhiu, par ła Céxa Catòłica Santa Mare Terexa (Skopje, odierna 26 de agosto 1910Calcutta, 5 de setenbre 1997), ła xe stà na suora albanese misionaria in India, 'ndo ła ga fondà łe suore Misionarie de ła Carità, conosue come łe suore de Mare Terexa. Ła Cexa Catołega ła venera come Beata.

Storia[canbia | canbia el còdexe]

Mare Terexa de Calcuta ła gera ła pì cea de tre fradei, fioa de Nikola e Drane Bojaxhiu. A 18 ani ła xe intrà ente ła congregasion de łe suore de Łoredo e ła xe 'ndà in India par continuar i studi. A Calcuta ła gera ła diretrixe de ła scoła catołega de Santa Maria de Entally, on soborgo benestante de ła sità. On dì en tel 1948, Mare Terexa ła jera en viajo so on tren e ła ga visto de i poareti, che no jera uxa frecuentarłi. Ła ga domandà el parmeso de vivar en na baracopołi e, en tel 1950, ła ga fondà łe suore Misionarie de ła Carità. El łaor de ste suore el xe: “laorar par i pì poari e vołerghe ben a tute łe persone che no łe xe amae, ben vosùe, né curae da ła soçietà”.

Par divisa, Mare Terexa ła ga visù el sari, tipego vestio indian. Łe prime dodexe suore łe jera scuaxi tute so vecie ałieve. Ła prima caxa che Mare Terexa ła ga fondà ła se stà Casa Kaligat, na caxa de ła dioçesi de Calcuta costruia rente a on tempio Indù. I fedełi indù i ga protesta par ła presensa cristiana tacà al tempio e ła połisia ła ga dovesto intervenir. El comisario che el jera stà mandà a parar via łe suore el ga catà Mare Terexa che ła jera drio on butin mutiłato. Par sta roba, łe suore no łe xe stà mandà via. Suito dopo, łe suore łe ga scominsià na casa par veci e on lebroxario, senpre a Calcuta.

Mare Terexa ła xe deventà famoxa grasie a on documentario de ła tełevision inglexe BBC (1969). L’istituo fondà da Mare Terexa el cresea velocemete e el ga scominsià a verzar caxe anca fora dal India.

En tel 1979, Madre Teresa ła ga gavù el Pemio Nobel par ła Paxe. Dopo vari problemi de sałude, Madre Teresa ła xe morta el 5 setenbre 1997 a Calcuta. El goerno indian, senpre negativo co ła cexa catołegha, el gha ordinà el luto nasional e organizà i funerałi de stado. El so corpo el xe stà portà postà su el canon uxà par i funerałi de Ghandi. Dopo do ani da ła so morte, el Papa el ga dà el parmeso de scominsiar el proçeso de canonixasion. Mare Terexa ła xe stà nominà Beata el 19 de otobre 2003.