Luisa Ronchini

Da Wikipedia, l'ençiclopedia libara.
Jump to navigation Jump to search
Luisa Ronchini
Informasion xenerałi
Nasùo/a 1933, Bergamo
Morto/a 2001,
In atività dal 1963 - 2001
Xenere muxicałe muxica popołar
Eticheta discografega Cetra, I Dischi Del Sole, Linea Rossa
Strumento voxe, chitara
Atività prinsipałe cantautor

Luisa Ronchini (Bergamo, 1933[1] – 13 de luglio 2001[1]) xe stà na cantautrice itałiana.

Biografia[canbia | canbia el còdexe]

Nata a Bergamo nel 1933 ƚa se gà trasferio prima a Bolzan e dopo a Venesia, dove che ƚa gà tacà ƚavorar come ceramista.[1] Qua ƚa gà tacà frequentar grupi anarchici e na libreria, dove che ƚa gà descoverto i dischi del musica popoƚar.[1] Spronada da I Dischi Del Sole ƚa gà tacà firar par caƚe e strade de Venesia, Ciosa e Treporti, registrando co'l registrator ƚa musica popoƚar de ch'i posti.[1]

Nel 1965 ƚa regstra el primo disco, l'EP Nineta cara par I Dischi Del Sole, insieme co'l chitarista Frnco Baroni. Nel 1964 ƚa forma, insieme co' Gualtiero Bertelli el Canzoniere Popolare Veneto, nel 1965 ghe entra anca Alberto D'Amico. El grupo el mete insieme el spetacoƚo Tera e aqua, che'l presenta par ƚa prima volta a Venesia el 7 april. Dal spetacoƚo vien publicà el disco Addio Venezia addio.[1]

Luisa Ronchini contina sonando in giro in tanti concerti, insieme co' artisti importanti come Gigi Proietti e publicando altri dischi co'l Canzoniene Popolare Veneto e da soƚa.[1]

Nel 1986, insieme co Alberto D'Amico, utiƚizando el soranome de Osvaldo e Vincenza, i canta quatro canzon anticlericaƚi par ƚa radio libara Radio Gamma 5, che ƚe vien publicae in musicaseta daƚa stesa radio.

Nel 1990 ƚa publica na racolta de testi de canzon 'ntel libro Sentime bona zente.[1]

L'ultimo concerto ƚo gà tegnuo nel 1993, in ocasion deƚe ceƚebrazion deƚa nasita deƚa Camera del Lavoro de Venesia, insieme co Gualtiero Bertelli, Alberto D'Amico e tanti altri.[1]

Ƚa xe morta el 31 de luglio del 2001 par na rara maƚatia.[1]

Discografia parziaƚe[canbia | canbia el còdexe]

Album[canbia | canbia el còdexe]

  • 1975 - Semo tutte impiraresse
  • 1977 - Mi vo' a cantar di Chioza... la chiara stela
  • 2002 - Re Orso

EP[canbia | canbia el còdexe]

  • 1965 - Nineta Cara - Canzoni popolari veneziane

Singoƚi[canbia | canbia el còdexe]

  • 1967 - Tera e aqua
  • Sulla linea di condotta da tenere di fronte agli interrogatori in questura (insieme co Gualtiero Bertelli)

Libri[canbia | canbia el còdexe]

  • Sentime bona zente (1990)

Note[canbia | canbia el còdexe]

  1. 1,0 1,1 1,2 1,3 1,4 1,5 1,6 1,7 1,8 1,9 (IT) Luisa Ronchini. gianni61dgl. URL consultà el 3 de luglio 2018.

Voxe coreƚae[canbia | canbia el còdexe]

Coƚegamenti foresti[canbia | canbia el còdexe]