Los Angeles Clippers

Da Wikipedia, l'ençiclopedia libara.



I Los Angeles Clippers i ze una de łe trenta scuadre de basket che łe zoga inte ła NBA; el só canpo de gara el ze el Staples Center a Los Angeles, che i devide co i Los Angeles Lakers e co ła scuadra femenina de łe Los Angeles Sparks.

Storia de ła scuadra[canbia | canbia el còdaxe]

Nasesti inte el 1970 col nome de Buffalo Braves, i primi ani i ze stài magri de rezultadi anca se A ghe jera in canpo zente come Bob Kauffman, Don May e Bob McAdoo. Inte el 1978 i se ga spostà a San Diego canbiando el nome in San Diego Clippers e, inte el 1984, i ze ndài a Los Angeles ciapando finalmente el só nome de deso: co Ron Harper in canpo e Larry Brown in panchina come ałenador, inte el 1992 i ze riusìi finalmente a rivar a i playoff. Fin al 2000 no i ze pì stài boni de tornarghe e fin al 2007 i ga vùo alti e basi łigài a i vari Andre Miller, Shaun Livingston e Chris Kaman.

A se ga da evidensiar el fato che i Clippers i ze senpre stài visti come ła "segonda" scuadra de Los Angeles, parché i Lakers i ze senpre stài pì forti de łori de tanto, ma co l'arivo de Blake Griffin inte el 2009 'sto andamento pian pian el ze canbià, cònplise anca el łento zbasamento de cuałità de i Lakers inte chiłi ani; a Griffin A ghe ze stà meso de fianco el playmaker Chris Paul e el sentro DeAndre Jordan che, insenbre a n'altri nomi boni, i ga formà un terseto mìa mal fin a 'sto ano 2021. I se ze parò drio confarmar come na eterna inconpìa, parché anca se i ga potensiałe no i riese mai a far el salto finałe.


Controło de autoritàVIAF (EN157213567 · ISNI (EN0000 0004 1794 741X · LCCN (ENn88192211 · WorldCat Identities (ENn88-192211
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Los_Angeles_Clippers&oldid=1099619"