Lengoe africane

Da Wikipedia, l'ençiclopedia libara.
Mapa de la didtribusion de le łéngue africane.

En Africa se parla pi de domila łéngue. Le łéngue africane apartien a diferenti famije, co varie soto-fameje. Le łéngue eoropes ga vù na forte influensa so le łéngue africane e so la formasion de lengue creole. Ghe de le łéngue difondeste in tanti paexi e parlà da milioni de persone, come el swahili, el wolof, e el chewa; ma ghe anca łéngue parlà da poche persone, come el ndorobo, el sahbo e el dahalo. Se cata łéngue che usa i 'click' (sciochi fati co la łéngua sul palato o contro i denti), e altre che usa i fisci.

Fameje lengoistiche[canbia | canbia el còdaxe]

La majoria de I studioxi divide le łéngue africane in quarto fameje:

  • afro-axiatiche
  • nilo-sahariane
  • nigerine-congolexi
  • khoisan

Oltre ste quatro fameje, ghe de le łéngue de origine indo-eoropea e austranesiane (del sud de l'Axia).

Łéngue afro-axiatiche[canbia | canbia el còdaxe]

Le łéngue afro-axiatiche – conosude anca come amitico-semite – xe łéngue parlade in nord e est africa, e anca inte el sud-ovest de l’Axia. Se conose 375 łéngue parlà da 285 milioni de persone. Le sottofameje pi importanti xe łéngue semitiche, berbere, cuscite, ciadiane. Le łéngue semitiche xe le sole che se cata anca fora da l’Africa. Esempi d este łéngue xe l’amarico (semitico, Etiopia), l’oromo (cuscita, Etiopia), el hausa (ciadiano, Africa Ocidental). L’antico Egisiano e l’Accadico fa parte de sta fameja.

Łéngue nilo-sahariane[canbia | canbia el còdaxe]

Le łéngue nilo-sahariane xe pi de on centinaro e xe parlà ne l’Africa Orientale, ma anca in zone de l’Africa Ocidental. Le sotofameje e le łéngue sahariane (fur e songhai de l’Africa Ocidental), sudaniche centrali (darfuriano, Sudan), kunama (kunama, Eritrea), sudaniche orientali. Sta ultima sotofameja la xe divisa a so olta in łéngue nubiane e nilotiche, che vien a so olta distinto in nilotico orientale, medirionale e ocidental. Le lengue nilotiche xe el grupo pi groso tra le łéngue nilo-sahariane.

Łéngue nigerine-congolexi[canbia | canbia el còdaxe]

Questo xe el pi groso grupo lenguistico del mondo. La carateristica pi importante de ste łéngue xe el sistema di clasi par el nome. La majoria de ste łéngue xe tonale, el signifegà de na parola cambia col tono co che la se pronuncia. Ghe do sotofameje: le Congo A (lengue kordofaniane), e e Grupo B (łéngue Bantu).

Łéngue khoisan[canbia | canbia el còdaxe]

En sto grupo se cata 50 łéngue parlà in Namibia, Botswana, Angola e Tanzania, da un grupo d eno pi de dozentomila persone. Le łéngue khoisan xe tonali e ga il sistema de i click, sciochi fati co la łéngua che corisponde a de le consonanti, ma anca a parole intiere.

Altre łéngue[canbia | canbia el còdaxe]

En Africa se cata łéngue d eorigine non-africana. En Madagascar se parla el malgasio, na łéngua austronesiana portà da i primi abitanti de sta ìzoła. En Sudafrica se parla afrikaans, che xe na łéngua indo-eoropea. Tuti i paexi africani usa anca łéngue indo-eoropee portà da i colonialisti.

Creoli[canbia | canbia el còdaxe]

En Africa se cata tanti esempi de creolo. La majoria se basa so łéngue eoropee (el krio in Sierra Leone da l’inglexe, creolo de la Guinea Bissau da el portoghexe, seicellexe da el francexe); ma ghe anca creoli basà so l’arabo (Juba arabic in Sudan) o so łéngue africane (sango inte la Republica del Centro Africa).

Controło de autoritàLCCN (ENsh85001729 · GND (DE4120108-5 · BNF (FRcb119321874 (data) · BNE (ESXX527332 (data)
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Lengoe_africane&oldid=1062019"