Kim Basinger

Kim Basinger
Sitadinansa	Stati Unii de ła Mèrica
Nasimento	8 de diçenbre 1953, Athens
Spoxà	Alec Baldwin (1993, 2002)
Łéngue parlae	inglexo
Scumìsio de łe atività	1976
Ocupasion	ator modeło cantante produtor de cine dopiador ator de teatro ator ator de tełevixion
Stiłe de vita	vegetarianismo
Educà a	Clarke Central High School William Esper Studio Università della Georgia Neighborhood Playhouse School of the Theatre
Premi	Oscar alla miglior attrice non protagonista, Golden Globe per la migliore attrice non protagonista e Screen Actors Guild Award per la migliore attrice non protagonista cinematografica

Kimila Ann Basinger, pì conosùa cofà Kim Basinger (Athens, 8 disenbre 1953), xe na atrice statunitense.

Biografia

Nata in una fameja de artisti (so pare jera muxicista) e, come par tanti 'mericani, de asendensa multietnega (todesca, svedexa e par 1/8 cherokee)), ła gà frequentà l'academia de arte dramatega, ma inte el 1980 ła s'a trasferìa a New York, dove ła ga intraprendesto co suceso ła profesion de modèła. inte el 1983 ła xe deventà famoxa par esarse fata fotografàr desnuda so Playboy, e inte el steso ano gà avesto el so primo ròło inportante in un film, resitando in Mai dire mai. Ła xe stà un mùcio apresà dal rexista Barry Levinson che l'a vołesta suìto co łù par far do film, I miei problemi con le donne (1983) e Il migliore (1984).

In conpagnìa de Mickey Rourke ła gà avesto na fama mondiałe co 9 settimane e 1/2 (1986) direto da Adrian Lyne: grasie a łe sene del film caraterixàe da un erotismo 'pena mensonà, ła Basinger xe deventà el sex symbol par esełensa dei ani otanta. Ghe xe stà proponesto anca de partesipar al sequel, overosìpia 9 settimane e 1/2 - La conclusione (1997), ma ła se gà refudà par raxoni personałi.

Dopo na serie de film comerciałi, ła gà raxonxesto el laudo de ła crìtega col noir L.A. Confidential (1997) de Curtis Hanson), indove ła interpretava na scarabàsa de luso modełà so' łe fatese de ła diva dei ani quaranta Veronica Lake: dopo na bona interpretasion ła gà vinto l'Oscar de ła mejo atora no protagonista. Da'l 1980 al 1989 ła xe stà spoxà co Ron Snyder, da'l 1993 al 2002 co l'ator Alec Baldwin, de sinque ani pì xovane de eła, conosùo so'l set de Bella bionda... e dice sempre di sì. Ła so storia d'amor xera nata so'l set de Getaway, film andove i do gavea xirà racuante sene hot. Fenìo el matrimonio co na separasion, ła cùbia xe stà al centro de na bataja legałe, łigà a l'afidamento de so fioła Ireland Eliesse Baldwin (nata el 23 otobre 1995).

Nei ani novanta Kim Basinger gà cronpà na tore a Braselton in Xeorxa, indove oncora unco ła stà.

inte el 2002 ła gà recità 'rente de Eminem nel film 8 Mile inte el ròło de so mare, da nòvo co Curtis Hanson a ła rexìa.

Dificoltà finansiarie

inte el 1989, alcuni menbri de ła fameja ghe gavea racomandà a Kim Basinger, de cronpàr ne ła sitadina de Braselton in Georgia na propietà co na tore par 20 miłion de dołari, da gestìr cofà atrasion toristega, co studi sinematografeghi e cofà sede de un festival sinematografego. Tałe investimento s'avea rivełà invese un flop co dificoltà finansiarie e conseguente vendita de parti de ła propietà. Atualmente Braselton (indove ła Basinger vive) xe na sità in rapida cresìta e xe un sentro rexidensiałe cognosùo co na inportante comunità de motorsport.

Łe dificoltà finansiarie de l'atora se gà acentuà par via del controverso film Boxing Helena. Infati dopo el rifiuto deła cantante Madona, ła Main Line (caxa de produsion del film) gà decixo de fidàrghe a Basinger el ròło de l'anputàda Helena. L'artista in modo verbałe gavea acetà de interpretàr el ròło, ma in seguito, dopo una pì atenta letura del copion, gà declinà l'oferta, convinta che el film ofrise ai spetadori masa sene de seso e viołensa. La Main Line ga decixo de portàr l'atora in tribunałe, fasendo sborsare ała diva 8 miłioni de dołari pì 3 de spexe legałi, spexe che ghe gà fato declaràr bancarota. Ła sentensa xe durà più de un ano e s'a concluxo co l'asołusion de Kim Basinger. Suito dopo ła facénda, in un'intervista, l'artista gà declarà: So estremamente conpiaxesta de ła deçixion de ła Corte, sèvito a sostegner ghe no ghe xera nisun contrato, orałe o altro, contrariamente a łe afermasion de ła Main Line, e mi go senplegamemente pensà che on contrato orałe no el funse legalmente on vìncoło.

Ativismo

La Basinger xe vegetariana e sostentatora dei diriti deił animałi. Ła gà poxà par la PETA par na canpagna anti-pełìse e inaxonta ła ghe gà scrito a stiłisti come Yohji Yamamoto per dimandàr a łori che si interompese l'uxo deła pełìsa ne ła moda.

Riconosimenti

• Premi Oscar 1998: Mejo atora no protagonista par L.A. Confidential
• Golden Globe 1998: Mejo atora no protagonista par L.A. Confidential
• Screen Actors Guild Awards 1997: Mejo atora no protagonista par L.A. Confidential

Sinema

• Hard Country (Paese selvaggio, 1981), regia de David Greene
• Mother Lode (I predatori della vena d'oro), 1982), regia de Charlton Heston
• Never Say Never Again (Mai dire mai), 1983), regia de Irvin Kershner
• The Man Who Loved Women (I miei problemi con le donne), 1983), regia de Blake Edwards
• The Natural (Il migliore, 1984), regia de Barry Levinson
• Fool for Love (Follia d'amore), 1985), regia de Robert Altman
• Nine 1/2 Weeks (9 settimane e ½), 1986), regia di Adrian Lyne
• No Mercy (Nessuna pietà, 1986), regia de Richard Pearce
• Blind Date (Appuntamento al buio), 1987), regia de Blake Edwards
• Nadine (nadine, un amore a prova di proiettile), 1987), regia de Robert Benton
• My Stepmother Is an Alien (Ho sposato un'aliena, 1988), regia de Richard Benjamin
• Batman (1989), regia de Tim Burton
• The Marrying Man (Bella, bionda... e dice sempre sì), 1991), regia de Jerry Rees
• Final Analysis (Analisi finale), 1992), regia de Phil Joanou
• Cool World (Fuga dal mondo dei sogni), 1992), regia de Ralph Bakshi
• The Real McCoy (Una bionda tutta d'oro), 1993), regia de Russell Mulcahy
• Wayne's World 2 (Fusi di testa 2), 1993), regia de Stephen Surijk (Cameo)
• The Getaway (Getaway), 1994), regia de Roger Donaldson
• Prêt-à-Porter (Prêt-à-Porter), 1994), regia de Robert Altman
• L.A. Confidential (1997), regia de Curtis Hanson
• I Dreamed of Africa (Sognando l'Africa), 2000), regia de Hugh Hudson
• Bless the Child (La mossa del diavolo), 2000), regia de Chuck Russell
• 8 Mile (2002), regia de Curtis Hanson
• People I Know (2002), regia de Dan Algrant
• The Door in the Floor (2004), regia de Tod Williams
• Elvis Has Left the Building (Se ti investo mi sposi?), 2004), regia de Joel Zwick
• Cellular (2004), regia de David R. Ellis
• Even Money (2006), regia de Mark Rydell
• The Mermaid Chair (La leggenda della sirena), 2006), regia de Steven Schachter
• The Sentinel - Il traditore al tuo fianco (2006), regia de Clark Johnson
• The Burning Plain (The Burning Plain - Il confine della solitudine), 2008), regia de Guillermo Arriaga
• Legittima offesa - While She Was Out (2008), regia deSusan Montford
• The Informers - Vite oltre il limite (2008), regia de Gregor Jordan
• Charlie St. Cloud (Segui il tuo cuore) (2010), regia de Burr Steers

Tełevixion

• Charlie's Angels epixodio 1x05(1976)
• Dog and Cat 6 epixodi (1977)
• The Ghost of Flight 401 (1978)
• Katie: Portrait of a Centerfold (1978)
• Da qui all'eternità (1979) - miniserie TV
• Da qui all'eternità 13 epixodi (1980)
• Killjoy (1981)

Siti da vardàr

• Sito itałian no uficiałe de Kim Basinger
• IMDb
• Kim Basinger

Altri progetti

• Wikimedia Commons

• Wikimedia Commons el detien imàjini o altri file so Kim Basinger