Kazimierz Kuratowski

Kazimierz Kuratowski

Kazimierz Kuratowski (Varsavia, 2 de febraro 1896 - 18 de zugno 1980) el xe stà uno dei magiori matematici połachi.

Ła vita

Kuratowski el xe stà dal 1927 profesor de matematica al Politechnika Lwowska (Połitènico de Lviv, in Polonia) e dal 1934 a l'Università de Varsavia. Inte el 1945 el xe devegnù membro de ła Polska Akademia Umiejętności (Academia Połaca de l'Insegnamento), e inte el 1952 de l'Academia Połaca de łe Siense. Dal 1948 al 1967 el xe stà diretor de l'istituto de matemàtega de l'academia soradita, e par tanti ani el xe stà anca presidente de ła International Mathematics Society e de ła rispetiva Società Matemàtega połaca.

Kazimiertz Kuratowski el xe stà un frecuentador del celebre Kawiarnia Szkocka (Café scosexe), dove i matemàteghi de ła formidabile scóła połaca dei primi deceni del XX secoło i era sołiti catarse par confrontar łe proprie idee.

Ła ricerca

Ła ricerca de Kuratowski ła xe stà incentrà principalmente sul studio de strutture metriche e topołogiche astrate. Tra i so numeroxi contributi a ła matematica va ricordà:

• El studio dei spazi połachi (che i ciapa el so nome proprio dai matemàteghi połachi che i li gà studiè, come Wacław Sierpiński, Alfred Tarski, e apunto Kazimierz Kuratowski);
• Ła caraterixasión dei spasi de Hausdorff mediante i cosideti asiomi de chiusura de Kuratowski;
• Ła dimostrasión del Lemma de Kuratowski-Zorn;
• In teoria dei grafi, ła celebre caraterixasión dei grafi planari, mediante el Teorema di Kuratowski par i grafi;
• L'identificasión de łe coppie ordinate $(x,y)$ co l'insieme $\{\{x\},\{x,y\}\}$.
• L'introdusión de l'algoritmo de Tarski-Kuratowski riguardante ła risolusión de formule aritmetiche.

Varda anca

• Kawiarnia Szkocka
• Alfred Tarski
• Spasio połaco

Bibliografia

• Kazimierz Kuratowski, 1980, A Half Century of Polish Mathematics: Remebrances and Reflections, Pergamon Press, Oxford, ISBN 0-08-023046-6
• Karol Borsuk, 1960, On the achievements of Prof Dr Kazimierz Kuratowski in the realm of topology, in: Wiadomosci matematyczne, vol. 2, issue 3, pages 231-237

Cołegamenti forèsti

• (en) Na breve biografia de Kazimierz Kuratowski Archivià il 12 de zenaro 2007 in Internet Archive.

Altri progetti

• Wikimedia Commons

• Wikimedia Commons el detien imàjini o altri file so Kazimierz Kuratowski