Juto:Benvegnesto

Da Wikipedia, l'ençiclopedia libara.

Benvegnesto in vec.wiki, ła version in łéngua vèneta de Wikipèdia!

Ła ze na ensiclopedia de ła cuała i letori i połe èsare anca autori.
Tuti - anca ti - te połi modifegar suito calsiasi voze strucando el boton Cànbia.

Nuvola apps khelpcenter.pngSporteło informasion


Tuti in Wikipedia pol scominsiare na nova pàzena o cambiàrghine una zà scominsià; parché el projeto el vaga vanti ghe ze bizogno de jutanti, che senpre rispetando łe règołe e, sora-de-tuto, doparando el bon senso, i cołàbora par ła difuzion de ła conosensa.

Propio parché ła ze verta a ła colaborasion de tuti, anca de zente anònema, Wikipedia no ła połe dare nisuna garansia de èsar preciza e coreta. Si-bèn che tuti i partesipanti i serca de èsar el pi posibiłe precizi, in tuti i momenti na voze ła połe èsar canbià par dispeto da vàndałi co informasion errae, iłegałi o vietae da ła leje.

Come lèzare Wikipedia[canbia | canbia el còdaxe]

Search ballonicon2.svg Par savèrghene de pì, vardarse ła voxe Juto:Esplorare Wikipedia.

Ti pol navigar par argomenti, entrando inte la pàzina prinsipałe e schiciando sora al link de un argomento che te intaresa.
Se invese ti ze drio sercar na voze spesifega, scrivi una o pì parołe inte ła cazełeta de testo che ghe ze inte ła parte alta de ła voze e struca el boton serca:

  • se l'espresion sercà ze el titoło de na voze za scrita, sta cuà ła te vegnarà fora suito
  • se te serchi na paroła contegnesta inte el testo de una o pì voze che ze stà creà, te połi strucar el boton Serca e se corese, te połi far na riserca pì fonda doparando i instrumenti de riserca

Vuto provar scrìvare?[canbia | canbia el còdaxe]

Se ze ła prima volta che te te meti davanti de Wikipèdia e te vołi tacar scrìvar in łéngua vèneta, te ghè da saver che ła łéngua vèneta no ła ga oncora on stàndar bel-ché definio e che ła ga de consevensa pì de na variante, par capirse tuti mejo e réndar i artìcułi de Wikipèdia na cołesion de conceti ai cuałi tuti i połe farghe ingreso, se ga fato-sù de łe convension de scritura che, tegnendo fede a ła Grafia Vèneta Internasionałe Moderna, łe rende ła ensiclopedia pì omozènea.

Come darghe na man a Wikipedia[canbia | canbia el còdaxe]

Par darghe na man a Wikipedia, lezi i regołaminti de fondamento de ła nostra ensiclopedia, e rispeta ła wikiquette; nòtate al sito, ze consejà ma no obligatòrio, ma te połi parlar co chełe altre utense che contribuise e partesipar ativamente ai projeti de Wikipedia.

òcio parò:

Altre maniere par dar na man:

No te sito gnoncora notà?[canbia | canbia el còdaxe]

Se te voi lavorar insieme co na çerta continuità co Wikipedia, magari scrivendo cualke voze o entrando inte łe discusion, ła registrasion ze tanto comoda.

Esare registrà ze comodo par łe razon che vien cua soto:

  • aver ła lista conpleta de łe pròpie contribusion
  • aver na pàzena utente par farte conósare (co soranomi o col to nome vero e pròpio)
  • aver na pajina de discusion par ciacolar fasilmente co chełi altri che dopara Wikipedia
  • poder cargar imàzeni e file multimediałi in zenerałe
  • poder spostar łe pajine, canbiàndoghe el nome
  • poder canbiar łe pajine tenporaneamente protete da łe vandałae anòneme
  • poder starghe drio fasilmente ai canbi fati in serte pàzene co ła funsion del "tien d'òcio"
  • esare pi riservà; notàndote no vien pi fora el to inderiso IP, cheel resta senpre dispunibiłe ai check user inte el cazo de vandałismi

Varda anca[canbia | canbia el còdaxe]

Se cualcosa ancora no te ze ciaro, no te si bon de anbientarte par cuanto te te sforsi o in ogni cazo te ghe ncora bisogno de na man, te ła trovi al sporteło informasion, al bar ke ze punto de ritrovo de ła comunidà wikipediana, o anca inte el canałe IRC de vec.wiki (#wikipedia-vec). Se no te poi contatarne in tante maniere.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Juto:Benvegnesto&oldid=1030034"