Jean-Pierre Nsame
Caraterìsteghe tècneghe[canbia | canbia el còdaxe]
De ròło prima ponta, el ga un bon fiuto de'l gol e el ze anca un bon assist-man.[1]
Carièra[canbia | canbia el còdaxe]
Club[canbia | canbia el còdaxe]
El ga zogà in Fransa, indove el crese co l'Angers prima de trasferìrse in préstio inte ła tersa franseze al Carquefou ndove che'l reałiza 10 gol in 22 partìe, serando el canpionato antisipatamente a cauza de un problema a ła spała.
L'ano sucesivo el zoga in préstio a l'Amiens, indove el reałiza 7 gol in 34 partìe par po' rientrar a l'Angers ma dopo soło un meze de canpionato el ze costreto a na operasion a ła spała che ło tien fora par tuto l'ano.
Restà zvincołà el se trasferise in Zvisara co'l Servette dove el firma un contrato cuadrienałe. El deventa el caocanonier de ła scuadra co 23 gol.
L'ano sucesivo el vien acuistà dal Young Boys che paga inte łe case del Servette ła sifra de 800.000 euro e fazendoghe firmar un contrato cuadrienałe. Co ła scuadra załonera el deventa canpion de Zvisara par cuatro stazon consecutive e inte ła stazon 2019-2020 el rezulta caocanonier co 32 gol inte'l canpionato 2019-2020. El se ripete cofà caocanonier co 19 gol inte ła stazon sucesiva. In cuatro ani e mezo el reałiza ben 108 gol in 195 partìe.
El 24 de agosto 2021 el Young Boys se acorda co'l Red Bull Lipsia par ła cesion del zogador de bałon, par na sifra visina ai 15 miłion, ma pochi zorni dopo durante na partìa d'ałenamento el se infortuna a un zènocio, cuesto ło portarà a un stop de 6 mezi e al stop de ła tratativa co'l club todesco.
El 31 de zenaro 2022 el vien cedùo in préstio onerozo (500.000 euro) al Modeło:Calcio Venezia co eventuałe riscato fisà a 10 miłion de euro.[2][3] El ezordise co i veneti el 6 de febraro seguente in ocazion de ła sconfita par 0-2 contro el Calcio Napoli.[4]
Nasionałe[canbia | canbia el còdaxe]
El ga ezordìo el 5 de setenbre 2017 co ła Nasionałe camerunense, inte ła partìa vałida par ła cuałifegasion al mondiałe contro ła Nigeria. Inte'l 2019 el comunega de non vołer pì asetar eventuałe convocasion co ła nasion camurenense par non escluderse na ciamada da ła nasionałe franseze.
Statìsteghe[canbia | canbia el còdaxe]
Prezense e gol inte i club[canbia | canbia el còdaxe]
Statìsteghe azornàe al 1 de febraro 2022
Notasion[canbia | canbia el còdaxe]
- ↑ Mikael, Nsame e Supriaha: le prospettive dei tre nuovi bomber di provinciagazzetta.it. entrada il 7 de febraro 2022.
- ↑ (DE) Nsame leihweise bis Saisonende zu Veneziabscyb.ch. entrada il 31 de zenaro 2022.
- ↑ www.veneziafc.it, https://www.veneziafc.it/news/jean-pierre-nsame-al-venezia-fc. entrada il 31 de zenaro 2022.
- ↑ Venezia - Napoli (0-2) Serie A 2021repubblica.it, 6 febbraio 2022. entrada il 7 de febraro 2022.