Ho vinto la lotteria di Capodanno

Ho vinto la lotteri di Capodanno
Ho vinto la lotteria di capodanno
Paeze	Itàłia
Ano	1989
Zènare	film comèdia
Ecuìp tècnega
Senejador	Alessandro Bencivenni (it) , Leonardo Benvenuti (it) , Piero De Bernardi (it) , Neri Parenti (it) e Domenico Saverni (it)
Fotografia	Sandro D'Eva
Montador	Sergio Montanari
Senògrafo	Maria Stilde Ambruzzi
Diretor	Neri Parenti
Produtor	Mario e Vittorio Cecchi Gori
Conpozitor	Bruno Zambrini (it)
Atori	Paolo Villaggio: Paolo Ciottoli; Antonio Allocca: signor Rossi; Camillo Milli: l'orbo; Ugo Bologna: el diretor del zornałe; Giancarlo Magalli: se steso; Valerio Merola: se steso; Giampaolo Saccarola: el paron; Giulio Massimini: don Paolino; Stefano Antonucci: el banditor d'asta; Margit Evelyn Newton: Arcangela; Carlo Colombo: el caoredator Mambretti; Luciana Cirenei: Signora Boschini; Bruno Di Luia: uno scanjoso del paron; Mohammed Badr-Salem: el terorista; Gianni Franco: el garagista; Giuliano Ghiselli: un cołega de Paolo Ciottoli; Luigi Nicolosi: el zornałista; Teresa Piergentili: siora Rossi; Neri Parenti: el senografo del teatro; Piero Vivaldi: el cołesionista d'arte;
Conpangnia produtora	Cecchi Gori Group, Penta Film in asociasion co Reteitalia
Łéngua orizenałe	italian
Durada dei capìtułi	92 min
Pì informasion

Ho vinto la lotteria di Capodanno, el ze un film del 1989 direto da Neri Parenti.

Trama[canbia | canbia el còdaxe]

Paolo Ciottoli, cronista de un cuotidian roman, deside de coparse par meter fin a na vita priva de sodisfasion: umilià dal diretor, sbefà dai cołeghi, gravà de debiti e menasà da un boss de ła małavita so credador. No'l ghe riese fin a cuando, mentre ch'el tafia un misiòto łetałe de detersivi, se incorze de esar el posesor del bilieto vinsente de ła łotaria de cao d'ano vałevołe sincue miliardi de łire. Drìo na łavanda gastrega, el va fora da l'ospeal, el torna caza e sconde el bilieto vinsente in una machina par scriver. Co'l so diretor ło incarga de descoerzer chi che ga vinsesto ła łotaria de cao d'ano el autoproclama tałe e'l sciopa, el desfa el studio, el partesipa ai aplauzi del personałe e'l promete al paron de saldar el debito.

Cuando che el torna caza, el bilieto ze spario: ła so machina da scriver ghe ze stà penjorà insenbre a tuti i mobiłi dei ofisiałi zudisiari. A l'asta Ciottoli ła recupera, vołendoła pagar cuatro milion, ma el bilieto no ghe ze: de machine da scriver ne ze stae poneste a l'asta altre sincue conpanje a ła soa, donca no ghe resta che metarse a casa so łe piste dei unjołi acuirenti, venjendo daspo' bersalià dai scanjosi del parson. Ciottoli serca sensa riusirghe el bilieto inte łe restanti machine da scriver acuistae, respetivamente, dal diretor de un istituto pa orbi, da un anticuario fanatego de cristałarie, da un pensionà de orizene sarda, da un terorista che al so interno el pozisiona na bonba col fin de provocar un atentato a l'anbasada de l'Arabia, e da l'architeto Dante Mazzoleni, senografo de un spetacoło so ła Fransa de ła belle époque inte el cuało ze prezente Arcangela, ła conpanja del paron.

Fałio onji tentadivo de catar el bilieto, Ciottoli prova da novo a coparse, ma propio mentre el ze drio darse fogo el scoerze che el tajando vinsente ze stà reperìo inte ła Fondasion de l'istituto par orbi, trasferio in una nova sede, acuistada propio grasie al bilieto. E xe łà che Ciottoli, sconto drio de na cołona, pol amirar ła statua che se inaugura in so onor.

Produsion[canbia | canbia el còdaxe]

Fra i łoghi de łe ripreze:

Viterbo, al Teatro Unione;
Roma, al Centro Commerciale Cinecittà Due, l'Accademia britannica, Villa Chiaraviglio, Villa Miani;
Castel Romano, ai Stabilimenti Cinematografici Pontini.