Gualtiero Bertelli

Da Wikipedia, l'ençiclopedia libara.
Gualtiero Bertelli
SitadinansaItàlia
Nasimento16 de febraro 1944, Venesia
MorteCànbia el vałor in Wikidata
Łéngue parlaeŁengua itałiana
Ocupasion
  • cantautore
Discografia
Àlbun79
Stùdio7
In vivo2
Zènaremuxica popołare
Strumentochitara, pianoforte, fixarmonica
Sito ufisiałe
IMDB: nm3436922
Last fm: Gualtiero+Bertelli Musicbrainz: e8e508b1-66a3-4302-b660-ad06cf7add59 Discogs: 2050141 Allmusic: mn0002180799


Gualtiero Bertelli (Venessia, 1944) el xe un musicista e cantautor.

Biografia[canbia | canbia el còdaxe]

Cressuo in na famegia de operai, se mete presto a far pułìtega. Studia ale magistrałi e po va a insegnar. Intanto xe drio studiar musica e sona anca in un grupo de musica "esiera".

Deside po de meterse a far riserche suła musica popołar veneta, anca influensà dai dischi del "Cantacronache" che el gaveva scoltà. De solito el scrive anca łe parołe, ma qualche volta scrive ła musica anca par i versi de Mario Isnenghi. I so primi testi xe in venexian: Bertelli xe fortemente łigà, infati, al so ambiente social e pułìtego. La łengua venexiana, parò, no xe de ostacolo par difonder łe so canson. Ałe volte se mete anca a scrìver in itałiàn, specie co che vol slargar el discorso o vol parlar de robe e persone che no xełe stretamente łigae a ła so cità. La so łengua, che xe queła de ła classe operaia, vorla esprimer na cultura de łota e oposission.

Inte el 1964 conose Luisa Ronchini: co eła e co altri forma el "Cansonier Popolar Veneto" (trad:Canzoniere Popolare Veneto). Sto grupo ciaparà parte a łe łote operaie, a łe occupasion de łe fabriche de Malghera, a łe łote par ła casa e cussì via. Sti tosi vołi far vèder łe situassion de soferensa, de sfrutamento, de łota, e anca l’oppression de na serta moral da basabanchi. De sto periodo ricordemo ła so canson "Ma sti signori" che xe stada scrita proprio co che el zera de fassa a łe fabriche.

Inte el 1967 col Cansonier fa ło spetacoło "Tera e Aqua". Sempre in sto periodo scrive una de łe so canson più famose: "Nina".

Inte el 1968 incide Addio Venezia addio ("Adio Venexia adio"), dove che se parla de ła morte de Venexia dovua al fato che ai so poitici no ghe ne importa gnente dei problemi de ła zente. Inte el 1970 vien fora I dì della lotta ("I dì de ła łota"): qua se vede ben el tema social e połitico e infati Bertelli in sto periodo partecipa a tanti spetacołi fortemente połitici, compagnando łe prime łote dei studenti e dei operai dei ani '70.

Łavora anca co ła Compagnie teatral Nuova scena n. 5. Inte el 1971 el Cansonier Popolar Veneto se divide e łora Bertelli fonda el Nuovo Canzoniere Veneto (Novo Cansonier) e co staltro grupo va anca a cantar a ła quinta rassegna L’altra Italia dove presenta i problemi e ła società de Malghera.

Inte el 1975 fa el disco Mi voria saver e invense inte el 1977, inte el disco Nina, mete assieme łe so canson più famose.

Inte el 1980 se presenta a łe elession comunali de Mira (dove adesso el vive), come indipendente, par el Partio Comunista Italiàn, el vien eleto e po deventa anca assessor a ła cultura e a ła pubblica istrussion. Łavora all’IRRSAE del Veneto dirisendo un progeto par ła formassion dei insegnanti a ła musica.

Inte el 2007 se candida de novo a Mira par łe comunali, par na łista civica ciamada "Vivi Mira", de centrosinistra, ma sto giro no el vien ełeto.

Discografia[canbia | canbia el còdaxe]

Voxe corełae[canbia | canbia el còdaxe]

Colegamenti esterni[canbia | canbia el còdaxe]

Controło de autoritàVIAF (EN121198092 · ISNI (EN0000 0001 1701 6293 · SBN (ITIT\ICCU\RAVV\053120 · LCCN (ENno2010074212 · WorldCat Identities (ENno2010-074212
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Gualtiero_Bertelli&oldid=1035778"