Grande Bidello

Da Wikipedia, l'ençiclopedia libara.
Jump to navigation Jump to search
Curly Brackets.svg
A sta voxe ghe va xontà el modèl {{Àlbun}}
Par piaser, xontaƚo in mòdo giust e pò cava sto avixo.
Par le altre pàgine che gà bixògno de sto modèl, varda la categorìa ligada.

Grande Bidello xe 'l primo album sołista de Sir Oliver Skardy, publicà 'ntel 2004.

El disco[canbia | canbia el còdexe]

El primo łavoro sołista de Skardy vol continùar co' ł'esperiensa muxicalmente reggae e in łengua venesiana, anca se qui tanto contaminàda da łonghe escursion ne ła łengua itałiana, fata dal muxicista dei Pitura Freska[1].

Se rimarca, óltra al tòn ironico, queło połemico contro 'na realtà dominàda dai mass media a cui se ghe referìse el titoło e ła covertina (anca queła progetàda da Skardy) de ł'album co' ciàro riferimento al reality show Grande Fratello[2].

Ła tràsa più sełebre, Bideo, title track del disco, xe queła più autobiografica: parla de ła profesión de Skardy, inpiegà cofà bidèło 'ntel Istituto Statàłe d'Arte de Mestre; no manca i consueti trati de połemica sociałe, qui 'ntel spesifego contro 'l stàto de degrado de łe scòłe statałi e i stipéndi dei diretóri.

Połemica sociałe che deventa più agùa in Nord Est, retràto de ła società veneta contenporanea che da ła ristretésa de 'na tradisionàłe economia agricoła xe pasàda a 'na richésa inprenditoriałe fordemexùra exaltàda, che sòto par sconder vòdi culturałi: eco che 'ntel ritorneło se trovava versi cofà : sono l'uomo della foresta / al piantatuberi che s'ha montà ła testa . El tema de ł'aparénsa, qui tocà, se interna in Sex Symbol.

El rimàrco al podér połitego cata spasio in Super Skank (canson escluxa dal festival de San Remo, ma anca in Ah mi no so miga, che riciapa el tema de ła più famoxa Marghera (Na bruta banda, 1991) dei Pitura Freska: ła łibarałixasiòn de łe droghe łixiere; in sto brano Skardy mensòna 'na serie de proibisión drìo łe quałe se ghe scondarìa soło che 'na asion regresiva del podér, ocupà a sconder i pròpi più grevi małani: i veri dełinquenti stà bei stravacài / per rompere il tedio perseguitemo i s-ciopài.

Trova spasio anca temateghe più dixinpegnàe e łicensioxe: queła sesuałe se pol trovar in brani cofà Lap dance e Tettakiller. El tema amoroxo invese xe queło de Stella, el capitoło più lirico de ł'album, ałe cui atmosfere contribuise łe voxe de Farida e de Sara Montanari.

Trase[canbia | canbia el còdexe]

  1. Radio Maranza - 3:02
  2. Bideo - 3:52
  3. Super Skank - 3:45
  4. Bluff - 4:23
  5. Nord Est - 3:29
  6. Ah mi no so miga - 4:24
  7. Break deca - 0:22
  8. Sex symbol - 3:16
  9. Lap dance - 3:13
  10. Tetta killer - 3:33
  11. Break tandui - 0:11
  12. El xe U (Brek on through) - 2:35
  13. Do mie - 4:07
  14. Brek tanka - 0:20
  15. Ketchup - 3:55
  16. Stella - 3:44
  17. Competition generation - 1:37

Artisti e muxicisti[canbia | canbia el còdexe]

  • Muxiche e testi: Sir Oliver Skardy (foraché Radio maranza, co' Ballarin e Di Angilla, ed El xe U (Break on through), tiràda xo da un brano dei Doors)
  • Voxe: Sir Oliver Skardy

Muxicisti[canbia | canbia el còdexe]

Ospiti[canbia | canbia el còdexe]

Note[canbia | canbia el còdexe]

  1. Recensión de italianissima.net
  2. Recensión de rockol.it
  3. El testo de Bideo
  4. Articoło su 'l Grande bideo del reggae venesian
  5. Ła copertina del disco

Łigamenti foresti[canbia | canbia el còdexe]