Franbołer

Da Wikipedia, l'ençiclopedia libara.
Jump to navigation Jump to search
Franbołer
Malina.jpg
Clasefegasion sientìfega
regnoPlantae
divisioneMagnoliophyta
classeMagnoliopsida
ordineRosales
famigliaRosaceae
sottofamigliaRosoideae
genereRubus
specieR. idaeus


El franboler (nome sientifego Rubus idaeus, tod. Himbeer, ingl. Raspberry, tal. Lampone) el xe un matarelo de la famegia de le Rosaceae. Sta pianta ła crese 'ntei spazi łasà łibari 'ntel bosco dal tajo dei albari o dai incendi. I fruti rosi, ciamai frànbole, i se tira su d'istà e se i magna crui o se pol farghine marmełade, suchi o siropi.

Franbole

La fiora de solito la è tra majo e zugno e al fruto, na infrutessenža, al vien fat a partir da lujo infin a 'l otuno. Se 'l coltiva facilmente te le rejon tenperade e al à na žerta tendenža a ingenerarse in pressa.

Ghe n'è in giro tante qualità de franboler co 'n color de i fruti che al va da 'l gial infin a 'l ross scur. Esiste anca qualità che le rifioriss 4 olte te 'n an (sichè se pol magnar franbole da i ultimi de giugno infin disdenber) e qualità che le fa na unica fioridura.

Doparamenti[canbia | canbia el còdaxe]

Le franbole de solito le vien doparae inte el pareciamento de marmelate, siropi e zelatine.

Cofà erba medesenal le franbole le pol vegnar doparae cofà diuretico e colagogo. El tè de fogie el xe utie contra la schita. L'estrà de le fogie e de i ochi al è consegià inte i ultimi mesi de gravianza par tonificar i muscoi de la baldona e megiorar le contrazion.

I principi ativi de la pianta i xe i tanini, la vitamina C, ell flavon e difarenti asidi organichi.

Le franbole fruti anti cancaro[canbia | canbia el còdaxe]

Le franbole, cusì come le giasene, rosse e more, łe fraghe e łe more, ga drento àsido àstego e difarenti polifenoi che i stimola l'eliminazion dei asenti cancerozeni , i bloca ła neoanzozenese(Neoangiogenesi par tal.) e i favorisse l'apoptosi (autodistruzion) de le celete (cellule par tal.) tumorai. In pratica i giuta el sistema imunitario de l'organismo inte la batagia contro el cancaro e i vien consegiai inte le diete anti-cancaro.

Bibliografia[canbia | canbia el còdaxe]

  • Seeram N., Adams L., Zhang Y. et al. "Blackberry, black raspberry, blueberry, cranberry, red raspberry and strawberry extracts inhibit growth and stimulate apoptosis of human cancer in vitro" in Journal of Agriculture and Food Chemistry (2006),54,pp 9329–39
  • Servan-Schreiber D. "Anti cancro" edizioni Sperling & Kupfer, p 159
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Franbołer&oldid=894359"