Festa de San Marco

Da Wikipedia, l'ençiclopedia libara.
Jump to navigation Jump to search

Ła festa de San Marco xe ła festa patronałe de Venesia che vien çełebràda el 25 avrìl, par recordàr San Marco Vangełìsta.

Storia[canbia | canbia el còdexe]

Durante el regno de ła Serenissima, vegniva organizàda 'na prusisión da piasa San Marco. In sta manifestasion, parteçipava łe autorità mazormente influenti, sia çiviłi che lerigióse , de ła republica. A San Marco gera dedicà anca el 31 xenèr, recordo de ła traslasion a Venesia de łe rełìchie, e 'l 25 xugno, data del renvegnimento, 'ntel 1094, del logo in cui gera stàe ocultàe.[1]

El bocoło de San Marco[canbia | canbia el còdexe]

A Venesia, 'ntel xorno de ła festa de San Marco, ghe xe l'uxànsa da parte dei omeni de ofrìrghe a łe done de famegia, in particołàr novise e mugeri, un bòcoło de roxa.[1]

Sta uxansa, se dise, nassa da 'na legénda: ai tenpi del Doge Maurizio Galbaio, 'na bionda donxèła de nome Maria, so fia del tribùn realtino Angelo Partecipazio (drìoman Doxe da l'811 a l'827), se gaveva inamoràda fisa de Tancredi, un trovator purasè vałoroxo e beło. El sentimento dei do xoveni no gera laudà dal pare, che no gavarave permeso un tàl matrimonio.

Partanto Maria, dimandando a Tancredi de andàr a combatèr contra i arabi in Spagna co' l'armàda de Carlo Magno se gà coverto in gloria : cussì fando, el pare no se gavarìa oposto altro al so amór. Tancredi gera partìo e ła fama de łe so gesta de gloria se gà presto diramàda in xiro par el mondo. Un dì, però, a Venesia gera rivài alguni cavalièri Franchi guidài dal famoxo Orlando; i çercava Maria par anunciarghe ła morte del so pròde trovador.

El gera cascà a Roncisvałe che sanguenava sora un roxèr, ma prima de spiràr el gavea rancurà un fior e gaveva pregà Orlando de vołerlo menàr da ła so moròxa amàda. Ła pùta gavea ciapà ła rosa incołorìa ancora del sàngue del so Tancredi restando seràda nel so dołor. El dì drìo, che ricoreva ła festa de San Marco, xe stàda trovàda morta co'l fior insanguenà su'l cuor. Da quèła volta el bòcoło de roxa, sinboło de l'amor che xe drìo verxerse a ła vita e al sol, vien ofèrto a łe done nel xorno de San Marco.[2]

Note[canbia | canbia el còdexe]

  1. 1,0 1,1 www.venezia.it
  2. Leggenda bocolo di San Marco

Bibliografia[canbia | canbia el còdexe]

  • Lina Urban Padoan, La festa di San Marco: le leggende e l'offerta del "bocolo", Venezia: Centro internazionale della grafica, 1988.
  • Applausi festiui al glorioso san Marco euangelista da recitarsi in musica nell' hospitale de Mendicanti, il giorno della sua festa consecrati al ser.mo prencipe & all'eccell.mo Collegio Veneto da Fratelli dell'Esercitio Apostolico, Venetia: appresso Andrea Poletti, 1681.
  • Stefano Santorini, Il Tempio della gloria. Festa solenne del giovedi grasso fatta da Steffano Santorini nella Piazza Ducal di San Marco l'anno 1698. Alla presenza del sereniss. principe Silvestro Valerio degnissimo Doge di Venetia et della Serenissima Signoria consacrata a sua serenità medesima, Venetia: appresso Gio. Maria Rossi, 1698.
  • Francesco Basaldella, La festa del bocolo di San Marco nella leggenda e nella poesia, Venezia, 2001.
  • Giustina Renier Michiel, La festa di San Marco nel '700 a Venezia, a cura di Alessandro Renier, s.l.: per conto del'autore, stampa 2009.
  • Francesco Cherubin, La basilica di S. Marco: discorso detto il 24 aprile 1895 terzo giorno del triduo solenne in preparazione alla festa di San Marco per la commemorazione centenaria della basilica, Venezia: Tipografia Mutuo Soccorso fra Compositori, 1895.
  • Giorgio Fedalto, Il sermone per la festa di san Marco di san Lorenzo Giustiniani, Venezia: 1963.
  • La regina delle canzon di Silvestro Ferrara in occasion della magnifica regatta, e festa di tori fatta il giorno 23 e 24 gennaro l'anno 1782 nella città di Venezia, con la descrizione de nobili patrizi veneti che aveva bissone, e malgherotte e tutto quello, che fa visto nella piazza di San Marco. Su l'aria di quelle del quaranta, Venezia: Antonio Bettanin, 1782.

Voxe łigàe[canbia | canbia el còdexe]

Storia de Venesia