Ergativo

Da Wikipedia, l'ençiclopedia libara.

El caxo ergativo l'è na fórma de ła declinasion de łe łéngue ergative che ła serve par segnar soło el sojeto dei verbi tranxitivi o sia quei sojeti i che ghe fa efetivamente calcosa a calcheduni altro invese che soło a łuri stesi. El sojeto dei verbi intranxitivi invese el vien segnà come se'l fuse un conpleménto ojeto direto.

Par exenpio in basco:

  • verbo tranxitivo, "ekarri" portar: "Gizonak liburua dakarkit" (l'omo erg. el xe drio portarme el libro oj.dir.)
  • verbo intranxitivo, "etorri" vegner: "Gizona datorkit" (l'omo soj. l'è drio vegner da mi)

El sojeto intranxitivo "gizona" el ga l'asołutivo conpagno de l'ojeto direto "liburua" parché el vien sentìo come un sojeto senplice (el se sposta verso de mi) mentre invese el sojeto tranxitivo "gizonak" el ga l'ergativo parché el vien sentìo come agente o sia uno che el fa na asion su calcosa altro (el sposta el libro verso de mi).

In basco donca i verbi come "vegner, ndar, tornar, cascar, rìdar, dormir" i ga sojeti asołutivi mentre i verbi tipo "portar, ciapar, magnar, vardar, védar, sentir, catar, saver, lèzar evc..." i ga sojeti ergativi.

Altre łéngue łe ga sistemi misti, che i se baxa sia su ergativo-asołutivo sia su acuxativo-nominativo.

Caxi
Logo literatura

Abesivo - Ablativo - Acuxativo - Adessivo - Ałativo - Asołutivo - Comitativo - Dativo - Dedativo - Dełimitativo - Ergativo - Elativo - Esivo - Genitivo - Iłativo - Inesivo - Locativo - Nominativo - Partitivo - Perlativo - Posesivo - Pospositivo - Prolativo - Partitivo - Strumental - Tendenzial - Terminativo - Traslativo - Vocativo

Voxe de lenguìstega

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Ergativo&oldid=1009925"