Dita pùblega

Da Wikipedia, l'ençiclopedia libara.

Na dita pùblega ła xe na dita che ła ga el sojeto econòmego (che el detien el podere de desìdare i inderisi stratèxeghi) che el xe diretamente o indiretamente on istituto de derito pùblego.

Caraterìsteghe[canbia | canbia el còdaxe]

Sta definision de dita pùblega, baxada sol sojeto econòmego, ła xe ła preferia inte ła dotrina, parché ritegnesta pì signifegadiva; xe pusìbiłe, parò, anca na definision baxada sol sojeto xurìdego (chi che el xe parte dei raporti xurìdeghi che i nase inte na atività de dita), considerando pùbleghe le dite andove sto sojeto el xe na persona xurìdega de derito pùblego, anca se xeneralmente no el fa parte de ła pùblega aministrasion.

Łe do definision no łe coinside, par exenpio, na società par asion controłada da on ente pùblego ła xe na dita pùblega se ghe se consìdara el sojeto econòmego, privada invese se ghe se consìdara el sojeto xurìdego. Na società par asion controlada da na società par asion a so volta controłada da on ente pùblego ła saria na dita privada se ghe se considerase solché el controło direto, ma in realtà ła resta na dita pùblega. El conseto econòmego de dita pùblega no el coinside co el conseto xurìdego de ente pùblego, intendesto cofà persona xurìdega de derito pùblego. De fati, połe èsarghe dite pùbleghe che łe xe persone xurìdeghe de derito privà (el xe el caxo de łe società de partesipasion pùblega) o dite pùbleghe prive de personałità xurìdega, e, de conseguensa, parte de on ente pùblego pì grando (el xe el caxo de łe dite autònome). Inte ła fin, i enti pùbleghi de caràtaro no econòmego tout court no łe xe oviamente dite: par exenpio, ła scoła pùblega o el comun.

Clasifegasion[canbia | canbia el còdaxe]

Łe dite pùbleghe łe połe clasifegarse in:

  • dite pùbleghe de produsion (c.d. inprexe pùbleghe)
  • dite pùbleghe de erogasion (o di consumo)
  • dite pùbleghe conponeste (o mis-ciae, o smisiae)

Altri projeti[canbia | canbia el còdaxe]

Linganbi foresti[canbia | canbia el còdaxe]


Controło de autoritàLCCN (ENsh85056046 · BNF (FRcb11950180n (data)
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Dita_pùblega&oldid=915722"