Discussion projeto:Giografia

Da Wikipedia, l'ençiclopedia libara.
Jump to navigation Jump to search
Discusion projeto:Giografia
Discusion projeto:Giografia

Benvegnui inte ła pajina discusion del Projeto Giografia, cuà se parla de łe voxe de giografia, pa' argomenti pì xenerałi ndare so łe ciàcołe.

Struca qua par xontar na nova discusion!

[[|Leggi...]]
Portałe:Giografia - Projeto:Giografia - Categoria:Giografia

Nome de ła pajina discusion[canbia el còdexe]

Che nome ghe demo a sta pajina de discusion?--GatoSelvadego 18:30, 26 luj 2011 (CEST)

So i spostamenti de łe voxe de i comuni[canbia el còdexe]

Ultemamente a ghemo spostà un fià de voxe che łe rivarda i comuni. Me xe vegnesto un dubio: ła voxe parlea de unità ministrativa o de ła locałità? Parché inte'l primo caxo el titoło de ła voxe el dovaria esar el nome uficiałe del comune, donca no saria propio coreto spostar ła voxe...--GatoSelvadego 16:46, 8 set 2011 (CEST)

In ogni caxo łocałità. I inglexi i dòpara Venice par endegar tuto el comun, che comunque el ga come nome ufisial Venezia. Digo cusì parché sarésimo i ùgnołi a tegnir un nome ufisial invése de un nostro atestà e in uxo. --Giovanni parléme co libertà 18:08, 11 set 2011 (CEST)
Si ma magari el termine nostran el se riferise soło che al paexe e no a tuto el comun. Par exenpio inte'l caxo de comuni sparpagnai come femo?--GatoSelvadego 19:11, 13 set 2011 (CEST)
No'l me sénbra un problema cusì grando. I comuni itałiani i no xé nasùi geri e'l nome vèneto el ga avùo tuto el ténpo de saltar fóra: n'exénpio saria Repentabor, comun sparpagnà (no ghe xé gnanca ła łocałità de Repentabor), del qual gavémo el nome triestin, vèro desferénte respeto a quéło itałian (Monrupino). --Giovanni parléme co libertà 18:13, 18 set 2011 (CEST)

Novo modèl infobox scuaxi pronto[canbia el còdexe]

So drio pareciare el novo modèl che'l sostituirà scuaxi tuti i infobox comune. Romai me manca pochi detaji, co'l sarà pronto metarò cuà el link.--GatoSelvadego 21:38, 27 zen 2012 (CET)

(pa' i pi curioxi) So ła pajina de łe proe na anticipasion so'l novo modèl... Me manca soło che de sistemar ła mapa e dopo se pol scominsiar a dopararlo--GatoSelvadego 12:42, 31 zen 2012 (CET)
Scuaxi pronto. Deso funsiona anca ła mapa, cogna vedare se rieso fare in modo che vegna fora na scrita invese del nome del imaxene... Ghe domandarò a calche esperto de javascript. Na volta sistemà se pol tacar dopararlo in modo estensivo.--GatoSelvadego (msj) 12:05, 10 avr 2012 (CEST)
PS: Podì vedarlo so łe voxe Vinovo e Francenigo.--GatoSelvadego (msj) 12:38, 10 avr 2012 (CEST)
Se go capio ła strutura del Modèl Franzese ti dovaressi zontarghe do linee |alt1 e |alt2 sul bloco geobox, par darghe dei nomi alternativi a cheło del file original. Ciaurlec (msj) 15:25, 12 avr 2012 (CEST)
Si, so che i fransexi i fa el xogo so'l alt, però no me piaxe parché el alt saria el testo che se vede inte ła version sensa imagini (me pare) e co'l xogo che i fa łori a livel de JS invertendo i alt i fa vegner fora ła scrita sbałià... Voria proar a far in modo diverso. Anca parché co'l adatamento che ghe go fato par fargheło stare so'l modèl nostran (che no'l xe a blochi come cheło fransexe) no ghe xe verso de far vegner fora 'l alt... Credo che ła sołusion ła sia senplisisima xe che no so tanto pratico de Javascript...--GatoSelvadego (msj) 19:07, 12 avr 2012 (CEST)

Avigliana, Aviłiana o Avijana?[canbia el còdexe]

No so come scrivare in veneto el titolo de l'articolo che so drìo scrivare, qualche consejo ? Grasie ! --Enrico 10:17, 10 feb 2012 (CET)

Vedemo cosa che dixe i altri. De seguro no "Avigliana".--GatoSelvadego 13:48, 10 feb 2012 (CET)
El latin /lj/ in italian el deventa /ʎ/ (però me dimando łora parché se scrive Italia e no Itaglia, boh?). Invese in veneto me par che devente J in sti caxi (ocio però che ghe xe ła cuestion che J vien doparà de sołito co ghe xe alternansa i/gi). D'ogni modo se trata de ła sołita storia so'l venetixar o no: penso che saria ora che ciapemo na decixion na 'olta par tute. Intanto go fato na ricercheta par vedare cosa che jera sta dito pa'l pasà so sto argomento... Go catà sta discusion del 2007, che dopo ła continua cuà--GatoSelvadego 19:35, 11 feb 2012 (CET)
Anca mi saria par evitar "Avigliana". Sercaria de far na trasliterasion da ła łengua del posto (in sto caso el piemontese). Go visto che łori ła ciama Vian-a o Vijan-a; da chel che go capio de le regole de pronuncia piemontese metaria come titolo in veneto "Vijiana". Ciaurlec 13:08, 15 feb 2012 (CET)
El sistema de ciapar el toponimo locałe e trascrivarlo secondo ła nostra scritura el me par bon (da doparar co no existe el toponimo veneto). Vardavo però łe convension de scritura de ła GVU: i dixe de trascriver /ʎ/ co gl... No me convinse tanto, in chèi caxi forsi xe mejo tegner 'l orixenałe e metarlo in corsivo (e de fianco se mete in IPA come che se lexe)...--GatoSelvadego 12:07, 16 feb 2012 (CET)

Convension so i toponimi[canbia el còdexe]

Go tacà a butar xo łe convension e me so suito blocà so un par de cuestion... Go verto na discusion in propoxito so l'apoxita pajina de discusion. Parlemoghine de là.--GatoSelvadego 15:49, 20 feb 2012 (CET)

Idronimi marini[canbia el còdexe]

Su ła me pajina utente Utente:Ciaurlec/Sabionara go fato 'na łista de titołi de voxe rełativi a l'idrografia marina. Dovaria servir come punto de partensa par ła creasion de łe voxi nove, par tenir de ocio i prograsi intanto che se cata na convenxion de scritura.
Un altro problema xe ła creasion de un modèl par tuti i speci de aqua, tra i parametri che segnaria (utiłi anca par ła stesura dei paragrafi) metaria:

  1. Nome SI
    1. Nome 'nteła lengoa origxenal
    2. Nome alternativo/storico
  2. Rełaxion
    1. Parte de SI
    2. Sudiviso in
    3. Comunica co xxx tramite yyy
  3. Parametri Fixico-chimeghi
    1. Estenxione SI
    2. Profondità media SI
    3. Profondità masima SI
    4. Vołume SI
    5. Altitudine SI
    6. Sviłupo costiero SI
    7. Temperatura media
    8. Salinità SI
    9. Ghiacià par tot mexi SI
    10. Secco par tot mexi
    11. Basin imbrifero SI
    12. Imisari SI
    13. Emisari SI
    14. Tenpo de Rexidensa SI
    15. Anpiesa del sèvente
  4. Giołogia
    1. Forme oseaniche
    2. Forme continentałi
    3. Coste SI
    4. Ixołe SI
  5. Biołogia
    1. Ecoregion
    2. Aree protete
  6. Politica
    1. Paexi SI
    2. Porti importanti
    3. Sità de ła costa

Ma ghe xe un gran bisogno de consiji (anca tecnici) e de ponti de vista difarenti. Ciaurlec (msj) 23:36, 22 maj 2012 (CEST)

Si, un modèl el ghe vołe. Diria de far come so'l projeto pułitega osia de tacar sviłupar el modèl inte na sotopajina del projeto. PS: nome łocałe, cuałe? Par exenpio el Mediteraneo... cuałe xeło el nome locałe? Xà xe fadiga metare el nome locałe par łe divixion aministrative, pa' i mari me par na mision inposibiłe...--GatoSelvadego (msj) 12:52, 23 maj 2012 (CEST)
Go tacà farlo, dopo faso na proa par vedare come che'l va. Intanto segno sora co SI i parametri che par deso go meso.--GatoSelvadego (msj) 16:55, 23 maj 2012 (CEST)
El titoło del modèl me lasa un poco parpleso, "distirarse" ło go sentio soło riferio a na persona o na bestia, miga par łe aree; penso che in veneto se posa usar invese el verbo "estendarse", che sul Boerio xe segnà co un sostantivo parejo "estèsa" riferio a łe carte (varda el tałian "stesura"). In alternativa usaria "specio de aqua", o "corpo de aqua" cofà el inglexe "waterbody". Me par che eł modèl che ti ga impostà sia na gran beła roba. Te avixo che su ła me Sabionara1 ghe jera un aboso de modèl sensa istruxion che a sto punto el se pol anca scancełar. PS. Buteghe un ocio però, Frigotoni me gaveva da na man a tradurlo e podaria esarghe calche termine utiłe.
Do parołe su alcuni dei parametri che gavevo sugerio. Seco serve soło par i łaghi, 'ntel caso che se trata da łaghi efimeri (tipo sabkha) che se impenise nel caso de grandi piovae. Forme oseaniche e continentałi i xe do termini de giomorfołogia che podaria eser utiłi par cołegarse a forme subaquee come el Canyon de Genova (Mar Łigure), el Conoide del Niło (Mar del Łevante), el Monte Marsiłi (Mar Tirèn), el banco Dogger (Mar del Nord), ła Catena Hawaii-Emperor (Oceano Pasifico Setentrional), e robe del xenare. 'N altra roba utiłe 'nteła voxe xe łe corenti, ma no savaria se xe el caxo de metarle sul Modèl. De giografia umana me intendo poco e no me jera venii in mente tanti parametri. Ciaurlec (msj) 23:48, 23 maj 2012 (CEST)

Mai sentio dir, par exenpio, "destirada de fen"? D'ogni modo el titoło el xe provixorio e 'l pol esar canbià. Al inisio ghevo pensà anca mi a "specio d'acua" però no jero seguro che se podese doparar che'l termine anca par mari e oseani. Par i parametri: par deso go segnà come SI chèi che go xà meso, l'intension saria de metarli tuti chei elencai da ti. So "Forme oseaniche e continentałi" in pratega te vorisi che vegnese elencae (co wikilink) łe forme prinsipałi che ghe xe in chel trato de mar (tipo so ła voxe so'l Mar del Nord te meti el Dogger Bank). Goi capio ben? Par łe corenti invese digo che saria el caxo de metarle (łe corenti prinsipałi oviamente). Altre robe che se podaria metare xe łe aree protete, calche parametro so'l uxo economico tipo so ła pesca (cognaria vedare se existe calche indise de "pescoxità") e l'anpiesa de sèvente. PS: visto el modèl, se me ricordavo saria partio da cheło. D'ogni modo i xe conpagni, parché anca mi so partio da chèl de it.wiki e dopo go canbià un par de robe tipo el cołore e go xontà l'intestasion a là fr.wiki e ła dopia carta fixica/pułitega... Fame saver se go da scansełar el tuo.--GatoSelvadego (msj) 11:16, 24 maj 2012 (CEST)

Sto termine agricoło me par che fasa proprio al caso par s'ciarir el dubio: se el se usa par l'erba andarà benon anca par l'aqua! Łe aree protete łe va benon, l'unica clasificaxion in biologia marina par eser cheła del WWF List of marine ecoregions. Par ła pesca che saria un dato importante, no go catà na definixion del parametro pescoxità, anca se el xè speso segnà sui atlanti, forse ghe xe calcosa sercando su "zone di pesca" isstituie da ła FAO; sempre rełativo a l'economia ghe saria i canpi gasiferi e petrołiferi (tipo Ekofisk par el mar del Nord, o San Giorgio par l'Adriatico). Par łe forme oseaniche e continentałi ti gavaresi capio ben, ma ore me vien el dubio che cheste łe posa eser robe pi adate a un modèl sui bacini marini (tipo Bacino dell'Angola), che i saria diferenti dai corpi de aqua visto che i primi i considera sopratuto ła superfisie, i secondi tuto el vołume.
PS: Par el modèl su ła me sotopagina scanseła: basta che ghe ne sia uno che funsiona e che no se faxa casoto co altri ^__^. --Ciaurlec (msj) 13:34, 24 maj 2012 (CEST)
Bon, intanto go xontà so ła lista sora, in corsivo, do parametri: aree protete e anpiesa de sèvente (cuà go un dubio so'l termine, el sèvente el xe ła marea che vien su, e ła doxana ła xe el rifluso, po ghe xe ła seca, el morto de acua evc... ). PS: Go scansełà ła to sotopajina modèl e te go meso so chealtra sotopajina un exenpio de come che'l funsiona chel che go parecià mi.--GatoSelvadego (msj) 15:28, 24 maj 2012 (CEST)
Me par che no ghe sia un vero e proprio termine "marea" in veneto łagunar, go sentio tante volte uxar doxana e morto (l'aqua ła xe in morto), poche volte el sevente, (e da calche vecio anca cevente). Ła difarensa coi termini veneti ła se notaria pi che altro da un punto de vista "matematico", visto che łe saria pi dei periodi che de łe ampiese; mi metaria forse "ampiesa del sèvente" (o ampiesa deła doxana). Ciaurlec (msj) 20:00, 24 maj 2012 (CEST)
In efeti jero anca mi tentà de scrivar del invese de soło che de. Dato che te ła pensi cusì anca ti, go proveduo a modifegar. Gheto visto el modèl so ła to sabionara? Fame saver cosa che te ghi ne pensi, soratuto so'l cołore...--GatoSelvadego (msj) 22:46, 24 maj 2012 (CEST)
El model ga na beła strutura, e anca el fato che ghe sia de łe somegianse col modèl par l'aministraxion dovaria ajutar 'nteła compilaxion. I wikilink i xe otimi par far cognoser un poco de łesico "tecnico" anca ai manco esperti de ła materia. Go da far presente però che ti uxi (anca sul modèl par l'aministraxion) dei cołori poco "amighi dei daltoneghi", in parołe povare i se someja tuti. Questo parchè i gà un łivel de saturasion (varda i codeghi HSV par i cołori) un fia baseto. Fin qua pasienxa, anca parche par i "no-daltoneghi" ti ga scelto de łe tint molto riposanti che personalmente me piaxe. El problema pexo xe che i titołi in bianco, anca se fa un bel efeto "marin", łi rende ancora pi difisiłe ła łetura: mi metaria i titołi in nero cofà chełi de l'aministrativo. Ciaurlec (msj) 00:13, 25 maj 2012 (CEST)
I cołori de "divixion aministrativa" i xe conpagni de chèi mesi so it.wiki, donca no me jero gnanca posto el problema de i daltoneghi (credevo che i ghe gavese xà pensà łori). Se te ghe voja de propor na serie de cołori difarente saria otimo. Par sto ultemo modèl invese: so it.wiki el xe na conbinasion de blè scuro e de bianco, ma go scartà el blè scuro parché no se vedeva l'imaxene de sfondo. So fr.wiki invese el xe un blè pì ciaro, e go ciapà da łà e ło go fato un peło pì verdo... Deso faso un fià de esperiminti so i cołori.--GatoSelvadego (msj) 11:18, 25 maj 2012 (CEST)

Go spostà el modèl inte'l namespace modèl. Da deso ła discusion so'l modèl ła continua so Discussion modèl:Destirada d'acua.--GatoSelvadego (msj) 12:07, 26 maj 2012 (CEST)

Mandemo in pension el modèl ComuniAmministrazione?[canbia el còdexe]

Ełora, so un mucio de voxe so i comuni ghemo el modèl:ComuniAmministrazione. Considerando che:

  1. Tante volte el contegnuo no'l xe axornà.
  2. So'l modèl novo par i comuni (el Divixion aministrativa) ghe xe xà el Sìndico, donca so na voxe saria un dopion metarlo sia là che so'l sinotico.

Cosa ghi n' dixio de farlo ndar in pension? Serto ghe xe anca da dire che so i comuni itałiani semo ncora indrio par chel che rivarda ła sostitusion del modèl vecio co'l novo, donca, se desidemo de mandarlo in pension, femo pasar un bot che ło cava dapartuto o ło cavemo "a man" man man che sostituimo el vecio modèl Comune co'l novo modèl Divixion aministrativa?--GatoSelvadego (msj) 11:25, 12 oto 2012 (CEST)

Mi saria par far pasar un bot, dal momento che in xenare sol vecio modèl ghe xe dati bastansa fasiłi da recuperar, e pitosto che aver informaxioni sbajae megio no averle propio. --Ciaurlec (msj) 17:13, 26 oto 2012 (CEST)

10.000!!![canbia el còdexe]

Da un oreta scarsa sta wiki ła ga 10 miła voxe! Diria che'l contributo de sto projeto al raxonximento de sto traguardo el xe sta fondamentałe (no xe un caxo se ła voxe nùmaro 10.000 ła xe na voxe de giografia). Conplimenti a tuti i partesipanti al projeto!--GatoSelvadego (msj) 19:49, 25 mar 2013 (CET)

Rejon giografega/istorega[canbia el còdexe]

Penso podaria eser na bona idea gaver un modèl che jute a catar łe informasion de baxe so un teritorio che no sia al isteso tempo sede de na divixion ministrativa. El podaria servir par teritori definii da un ponto de vista giografego, par esenpio Deserto del Sahara, Foresta de Bialowiesza, Tavołier de łe Puje; e par chepar chełi i definii da un ponto de vista istorego, par esenpio New England, Tracia, Lunigiana, senpre che no ghe sia stada na unità ministrativa (es. Tripołitania-> Provinsia de Tripołitania, Gałisia->Prinsipado de Gałisia, Monferà->Dogà del Monferà. In sto caxo de siguro ghe voria on modèl pi' conpleso.
El gavaria da conprender sti dati

  • nome
  • altri nomi łocałi
  • imaxene e didascałia
  • łocałixasion giografega
    • soradivixion (Continente o rejon che ła conprende)
    • teritori contigui
    • stati o altre divixion ministrative interesae
  • carateristeghe
    • tipo: da trovar na serie de indicatori, speso łi se cata so łi indexi de łi atlanti (altopian, bosco, pianura, dexerto...)
    • łimiti
    • sotodivixion
    • sità o altri ełementi utiłi a individuar ła area in mancansa de łimiti definii
    • area
    • altesa mexana
    • cordinae giografeghe
  • mapa de łocałisasion
  • mapa/e de detajo

Int'el caxo se vołese far un unico modèl anca par i continenti (cofà inte łe wiki portoghexe e spagnoła) bixognaria pensar anca a altri dati (popołasion par exenpio).--Ciaurlec (msj) 17:57, 4 ago 2013 (CEST)

In pratica un modèl par tuto cueło che no xe na divixion aministrativa (e gnanca na Ìxoła). Ła podaria èsar na idea, no xe però mèjo deferensiar tipo i dexerti da le normałi rejon giografeghe? No, ło so magari se podaria métarghe calche informasion in pì so serte ròbe particołari, par exenpio de che tipo de dexerto se trata, łe tenperadure, łe bestie che se cata... Stesa ròba pa' łe foreste.--GatoSelvadego (msj) 18:08, 6 ago 2013 (CEST)
Ła idea de fondo ła jera de crear de łi infobox utiłi a organixar łe voxe evitando però de crear masa "dopioni". Donca go ciapà el problema molto a ła łarga, pontando a definir łi parametri minemi da inserir so un modèl comun, o comuncue chełi che ghe gavaria da eser so ciscun modèl difarente.
Vołendo eser pi' precixi, ghe saria de siguro molte altre informasion da xontarghe, (chełe che ti gà fato prexente łe saria el minemo indispensabiłe par caraterixar łe voxe). Ma se sto modèl el vegnise masa conpleso (roba molto probabiłe se vol sintetixar vari aspeti de łi teritori) bisognaria dividerlo in pi' modełi difarenti. In sto caxo ła priorità dovaria eser desider cuałi modełi, senpre sperando de no crearghene masa che trata robe anałoghe.
Mi magari provo a far un łiston de tipi de toponimi che se pol catar so un atlante o so na ensiclopedia giografega, se pol propor cuanti modèłi ghe voria e dopo discuter in detajo par ciascun modèl. Ciaurlec (msj) 15:44, 10 ago 2013 (CEST)
Bona idea cueła de far un liston!--GatoSelvadego (msj) 17:14, 10 ago 2013 (CEST)
Buto xoxo un liston de categorie de toponimi cofà indegà so serti atlanti:
  1. entidà połtego-aministrative (stato sovran indipendente; stato federal, canton, rejon; provinsia, dipartimento, contea, teritorio, distreto; munisipio, munisipałidà, contea metropołitana; cołonia, dipendensa, condominio, teritorio aministrà)
  2. rejon giografeghe (continente; rejon fixega; rejon istorego-cultural)
  3. riłievo terestre (monte, montagna, pico; volcan; cołina, riłievo picoło; monti, caena, cordiłiera, siera, masicio montuoxo; cołine, scarpada; altopian, altura, meseta, rialto; paso, vałico, cołe, boca, seła)
  4. aree piane (pianura, basin, basopian; delta; area piana sałada)
  5. vałi e depresioni (vałe, goła, fòra, orido, canion; cava, crater; depresion carsega, dołina, połie; depresion, conca, avałamento)
  6. paesajo e vegetasion (dexerto, dune; foresta, selva, bosco; łanda, brughiera, stepa, tundra; oaxi, palmeto)
  7. configurasion costiere (cao, ponta; costa, spiaja; fałexia, ripa; penìxoła, promontorio; istmo; banco sabioxo, tonboło)
  8. configuraxion insułari (ìxoła; atoło; rocia, scojo; ìxołe, arsipełago; roce, scoji; bariera corałina)
  9. idrografia continental (póso, sorgente, fonte; fiume, torente, ruscello (=rio); salto, cascada, rapida, cateratta; foaxe, inbocadura, porto, boca, estuario; łago; łago sałà; łago periodego, łago suto; łago artifisial, basin; pałù, pantano, stagno; canal artifisial, canal navegabiłe, roggia, acuedoto)
  10. configurasion giasałi (giasaro, vedretta, nevaro; banchixa, pack, piataforma de giaso)
  11. idrografia marina (oséano; mar; golfo, baja, rada; streto, pasajo, fiordo, canal maritemo; łaguna, ancorajo)
  12. configurasion sotomarine (banco sotomarin; monte sotomarin; platea, rialto, altopian, teraso, cupoła; caena, dorsal; basin, fondal, depresion; fratura; fosa, abiso, vałe, canion)
  13. varie (traforo, gałeria; diga, ponte).--Ciaurlec (msj) 19:55, 16 ago 2013 (CEST)
Ełora:
  1. Par cuesti ghemo el {{Divixion aministrativa}} e 'l modèl pa' i Stati (saria intaresante vedare se se podaria tratar i stati come divixion aministrative de grado 0... cusì gavarisimo un modèl ùgnoło. D'ogni modo el modèl pa' i stati se desidemo de tegnerlo el va sistemà faxendo in modo che el ghe insomeje a chealtri doparai so łe voxe de giografia).
  2. Par cueste no ghemo un modèl.
  3. Cuà ghemo el {{Montagna}} e 'l {{Caena montuoxa}}.
  4. Anca par cueste no ghe xe un modèl, ma secondo mi xe mèjo farghine uno dedicà.
  5. Cuà gavarisimo el modèl pa' łe vałi ma'l xe da reformar.
  6. Cuà xe da pensar se xe le caxo de far modèłi personałixai o se pol ndar ben uno par tuti sti posti.
  7. Che sia el caxo de farghe un modèl sinotico?
  8. Cuà ghemo el {{ìxoła}}.
  9. Cuà ghemo el {{Fiume}} e 'l {{Destirada d'acua}}.
  10. Varda el punto 7.
  11. Cuà ghemo el Destirada d'acua.
  12. Varda el punto 7.
  13. Varda el punto 6.--GatoSelvadego (msj) 11:02, 17 ago 2013 (CEST)
  • Par el ponto 1 penso che ła saria na gran beła roba poder meter tuto soto el isteso modèl; in ogni caxo se gavaria da uniformar łi modèli xa presenti (nasion e dipendensa).
  • Par łi ponti 2, 4, 6 e 13 ghe voria de łi modèli magari fati so mixura. Faso prexente che el modèl:valico el podaria eser rełasionà a trafori. Partiria co el considera łe ecorejoni par capir cosa meterghe drento.
  • Par łi ponti 3 e 8 diria che va ben chełi che ghe xe.
  • Par el ponto 5 penso anca mi che ghe voria calche modifega.
  • Par łi ponti 9 e 11 faso prexente che el modèl crea calche problema co sta roba Discussion modèl:Destirada d'acua(Parametro "Comunica co x tramite y").
  • Par łi ponti 7 e 10 no penso gnanca mi che in xeneral ghe voja un modèl sinotego; łi unici dubi łi podaria eser per istmo/penixoła indove che łi riferimenti a altre entidà giografeghe (mari, rejon, etc...) podaria eser fasiłitada da un sinotego.
  • Par el ponto 12 invese a ła łonga penso de si, anca se el problema par el momento no el se pone visto che no ghe xe voxe de sto xener. Tante struture sotomarine łe xe in rełaxion intra de łore in modo gerarchico o almanco organego, ste voxe anca so altre wiki łe xe bastansa brevi, e donca penso sia bastansa fasiłe tradurle. Ciaurlec (msj) 16:07, 17 ago 2013 (CEST)

So'l Stato ghe xe dei parametri che so'l Divixion aministrativa no i ghe xe, donca xe mèjo tegnerli separai. Però se po'l benisimo doparar el Stato anca par łe dipendense. Go xà tacà revixionar el modèl Stato so na sandbox del projeto, co'l sarà pronto ghe vorà un bot però (ghe xe da tradur i parametri e cavarghine serti che no serve: tipo ła densità che xe mèjo fargheła calcołar che scrivarla). Na volta finiò cuesto me metaro soto co łe revixion de i altri sinotisi de giografia in modo che tuti i gapia el steso stiłe. Po ghe sarà da metarse al laoro par i modełi novi.--GatoSelvadego (msj) 13:13, 20 ago 2013 (CEST)

Modèl:continenti de ła Tera, canbio de stil[canbia el còdexe]

Go provà a reinpaxenar el modèl in modo da schematixar mejo łe voxe so łi continenti, me so inspirà a chełi uxai so łe wiki romena e fransexe. Voria domandar a ła comunità de butar un ocio cuà par sugerimenti in vista de un canbio. Faso prexente da subito che uno dei problemi pi' grosi jera inserir da calche parte ła voxe Euraxia. --Ciaurlec (msj) 15:51, 10 ago 2013 (CEST)

Ła me par na bona proposta. Par l'Euraxia: e métare diretamente Euraxia invese de Eoropa e Axia?--GatoSelvadego (msj) 17:25, 10 ago 2013 (CEST)
Go axornà ła me sabionara co el modèl de prova. Spero che in futuro ghe sia un bel fia de voxe che ponta a Euraxia invese che a Europa + Axia (in particołar chełe de biołogia, giołogia, giografia fixega, so łi popołi...), ma me pareva xusto łasar łi cołegamenti a tuti i continenti, visto che bona parte de ła ensiclopedia ła xe xa organixada cusì. Par el momento go łasa evidensià in alto el modèl a cuatro continenti (el unico a gaver na definision soło che "giografega"), ma se pol benisimo meter tuto in ordene alfabetego. Senpre rispeto a Euraxia, visto che dixemo eoropa provarò a xontar na proposta so ła paxena de discusion par spostar so "eoraxia", e donca anca "eorafraxia" o "afro-eoraxia". --Ciaurlec (msj) 19:26, 16 ago 2013 (CEST)
Per deso diria che va ben cusita. So Eoraxia te ghe pròpio raxon, donca ła go diretamente spostà mi.--GatoSelvadego (msj) 10:40, 17 ago 2013 (CEST)

Voxi so łi stati[canbia el còdexe]

So ła paxena de łe ciacołe xe sta xustamente fato notar che łe tante voxi so łi stati łe xe masa curte e andaria slongae un pocheto. Faso anca prexente che ghe serte voxi (Malesia|Małexia, par exenpio) łe manca propio. Voria propor vanti de crear łe voxe nove un par de robe.

  1. Ghe saria da uniformar el modèl:Stato (e probabilmente anca calcosa che se uxa so łe dipendense) a chełi so łe divixion aministative.
  2. Butar xoxo 'na łinia guida, anca se molto xeneral e prosimativa; xusto par far in modo che tute łe voxi łe gabia almanco serti argomenti tratai dapartuto.

P.S. Profito par augurar co un poco de anticipo un bon ano novo a tuti i partisipanti a ła comunidà, e in modo particołar a chełi che łi partesipa a el projeto giografia. --Ciaurlec (msj) 20:37, 26 dis 2013 (CET)

So'l modèl stato so drio laorarghe da un bel toco par uniformarlo a cuełi de łe divixion aministrative, però go un problema che no so bon vegnerghine fora e no capiso el motivo: soto de stema e bandiere el me sara el infobox e 'l me mete el resto alineà a sanca... Par la linea guida: te ła sentito de butar xò calcosa ti? Parché mi xà go racuanti modełi in lavorasion e altre robete da sistemar... se si, meteła come sotopàjina del projeto. PS: Aguri anca a ti!--GatoSelvadego (msj) 12:21, 27 dis 2013 (CET)
Par el modèl no penso de poderte jutar co ła sintasi. Par ła łinia guida speravo che in giro ghe fuse xa calche material, ma go visto che ne tocarà far squaxi tuto "ex-novo". Verxarò 'na nova sotopàxena e pianpianin vardaremo de meter xoxo calcosa. --Ciaurlec (msj) 15:52, 27 dis 2013 (CET)


Buto cua un łiston de prova par desider łe łinie guida. Ło go crea dandoghe na ociada a tute łe voxi so łi stati che gavemo, sercando de ragrupar łi paragrafi de argomenti conpagni e de scurtar ła parte de el incipit de prexentasion de ła voxe. Tra łe varie robe ghe saria da 1)uniformar el stil de łe tabełe, 2)atuałixar łi dati, 3)farghe un "incipit" par tute łe voxi, mejo se co poca roba, in modo che vegna fato davero dapartuto.

  • Incipit:Nome (nome inte ła łengua/e ufisial/łi-transliterasion int'el caxo de grafie no łatine) e nome ufisial (inte ła łengua/e ufisial/łi-transliterasion int'el caxo de grafie no łatine); Cołocasion int'el continente/Entità giografeghe (utiłe par stati insułari)/confini maritimi "xenerałi" (segnar łi idronimi); Confini co altri stati/anca maritimi (int'el caxo anca co łe sudivixion de un stato)/enclavi ed exclavi; Dispute teritoriałi
  • Paragrafi
  1. Giografia (fixega?): Superfisie (anca co łe acue teritoriałi)
    1. Giołogia?
    2. Orografia/morfołogia
    3. Idrografia/morfołogia costiera
    4. Clima
    5. Anbienti naturałi/Flora e fauna?
  2. Storia
    1. Antighità?
    2. Modernità (1800 e 1900)/Indipendensa
    3. Sudivixion istoreghe
  3. Połitega/Ordinamento de el stato/istitusion/giografia połitega
    1. Divixion aminitrative
    2. Dipendense
    3. Partecipasion a organixasioni sovrastatatałi
    4. Cavedal e altre sità
    5. Exersito
  4. Demografia?/Abitanti (o popołasion): xeneral e clasifeghe
    1. Etnie
    2. Rełigion
    3. Łengue ufisiałi/łengue minoritarie o miga ricognosue
    4. Sosietà (istrusion, sanità)
  5. Economia: xeneral e clasifeghe
    1. Agricoltura/ałevamento-pesca/materie prime
    2. Industria
    3. Servisi/turixmo
    4. Trasporti
    5. Moneda; dominio internet
    6. Acordi comersiałi
  6. Cultura/Sport
    1. Feste
    2. Personałità
    3. Bandiera
    4. Muxica
  7. Curioxità/etimołogia
  • Gałeria de someje: ghe ne metemo magari una de "significativa" par capitoło, e cavemo chełe "dopie"?
  • Note
  • Bibliografia/łibri so el argomento?
  • Varda anca
  • Altri projeti
  • Cołegamenti foresti: se ghe xe siti "xenerałisti", vałidi anca par altri stati, signarli soło che se łi vien citai da ła voxe? --Ciaurlec (msj) 23:01, 27 dis 2013 (CET)
Go creà na pàjina dedicà. Pa' ła discusion diria de doparar ła pàjina de discusion, sia par no intaxar sta pàjina che par ndar mèjo (tegnendo separà se pol modifegar drio man el contegnùo, invese cuà par no modifegar cuanto da ti scrito ne tocaria riscrivare tuto da novo ogni volta).--GatoSelvadego (msj) 11:16, 28 dis 2013 (CET)
Revixionando el modèl pa' i Teritori custionai go catà el bagoło che me inpediva de ndar vanti so'l modèl stato... donca penso che fra un pochi de dì el sarà a dispoxision. Xe da vedare però se ło sostituiremo a man (come che semo drio far pa'l Divixion aministrativa) o se ghe ło faremo far a un bot.--GatoSelvadego (msj) 13:49, 30 dis 2013 (CET)
I canbi no łi xe cusì tanti da no refargheła co canbio manual, donca me propono sensa problemi par farlo mi man. So comuncue d'acordo anca par ła opsion de el bot che podaria eser pi' svelta. A proposito me piaxaria prima o po' capirghene calcosa de pi', sia so ła prosedura par domandarghe el servisio a chełi de Mediawiki (penso che sia łori che se ne ocupa), sia par provar a conpiłar mi calche bot par far prosedure ripetitive, se ti ativi sta pratega ti me podaresi tegni informà? PS:Na breve nota so el modèl Teriotorio custionà. Dubito che in concreto ghe sia caxi de sto tipo, ma se ghe fuse de łi riconosimenti da organixasion diverse da ONU, UE e UA (tipo łiga Araba o CSI), se podaria xontarghe el parametro rełativo sol modèl (anca soło che par cheła voxe) sensa incaxinar tuto? Ciaurlec (msj) 18:44, 30 dis 2013 (CET)
Xe che se femo a man ełora ne toca ciamar el modèl co 'n altro nòme in modo da starghe drio canbiando drio man e tegnendo in contenporanea do modèłi (come che semo drio far par "Comune" e "Divixion aministrativa")... tipo "Stato" e "Stato1", e na volta finio ghe saria da scansełar el vecio, spostar el novo e rimetare "Stato" so tutte łe voxe... che po dato che no'l xe un modèl novo ma soło che na revixion saria anca sbałià parché scansełando i veci contributi par che gae fato tuto mi e par ła licensa no va ben. Mèjo farghe far a un bot. PS: Pa'l teritorio custionà: se salta fora che serve ło femo, che tanto se ghe mete sincue minuti a xontar un parametro (fin che no gavaremo l'exigensa no ło faria parché no savemo gnanca se'l saria doparà).--GatoSelvadego (msj) 18:11, 31 dis 2013 (CET)

Cuero-Vas[canbia el còdexe]

Segnało che ghe saria da sistemar ła cuestion rivardante sti do comuni (Cuero e Vas) che da un mexe i xe deventai un comun ugnoło. Dato che łe voxe łe xe vode come se conportemo? Łe scansełemo e femo na voxe ugnoła o cosa?--GatoSelvadego (msj) 19:13, 28 zen 2014 (CET)

Se no me sbaje existe el paràmetro "divixion destituìđa", donca se le cen tute e doi doperandolo (e magari spostando Quero a Cuèro) e pò se fa cuela nòva. --Tn4196 cónteme 19:25, 28 zen 2014 (CET)
Si, resta el fato però che, soratuto Cuèro, ła xe sensa testo, ła ga soło che el modèl, donca pa' i standard minimi ła ndaria scansełà suito. Po me dimando anca se sia pì giusto segnałarla cofà ex-comun o come frasion del novo comun...--GatoSelvadego (msj) 19:29, 28 zen 2014 (CET)
L'é vera ke la é voiđa, parò così ghe n'é tante. Co ruerà en utènte de là el meterà a pòsto.
Par mi l'é pì giust clasificarle cofà comuni e pò dir anca ke "incoi l'é na frasion de Cuèro-Vas", parké, a dir la vera, le vos de frasion le à la so inportanẑa, ma dirìe nò la priorità. --Tn4196 cónteme 19:36, 28 zen 2014 (CET)
Come minimo na riga co scrito "Cuèro xe sta un comun..." ła ghe vołe. Deso ła xe pròpio sensa gnente.--GatoSelvadego (msj) 19:54, 31 zen 2014 (CET)

Modèƚi de navegasion[canbia el còdexe]

Verxo 'na discusion par sercar de uniformar ƚi modèli de navegasion par ƚi stati(che in xenare, miga ƚa interesa ƚe sudivixion de ordene inferior), sercando de definir de ƚe ƚinie guida par cheƚi che ƚi ga de vegnir creai ex novo.

Prima de tuto faso prexente che go uxa cofà riferimento xeneral par orintarme el standard en:ISO 3166-2, che uxemo in sta wiki anca par uno de ƚi parametri de el modèl:Divixion aministrativa.

A grandi ƚinie se pol catar varie tipoƚogie de stati/teritori:

  1. teritori che no ga sudivixion: ƚi xe squaxi senpre dipendense. Diria che senplisemente no ƚi ga a che veder co sta discusion
  2. stati co un tipo ugnoƚo de sudivixion: par exenpio Àustria, Cile, Xermania o Slovenia. No dovaria eserge particoƚari problemi
  3. stati co pi' sudivixion, de el steso ƚivel: par exenpio Braxil, Canada, India, Pakistan, Rusia. El modèl el podaria contegnir simplisemente 'na ƚista de sudivixion (ex. Arxentina, Romania, Etiopia), magari diferensiando in calche modo cheƚi de un serto tipo (ex. Braxil co el Distreto Federal in corsivo) opur co difarenti ƚiste a seconda de el "status" de ƚa sudivixion (ex. Canada), anca uxando difarenti righe (Portogaƚo).
  4. stati co pi' sudivixion, de ƚiveƚi difarenti: par exenpio Bangladesh, Indonexia. El modèl podaria vegnir sudivixo in varie ƚiste de sudivixion (ex. Contee irlandesi), opur diferensiando el tipo de sudivixon, ma ƚimetandoƚo a un tipo ugnoƚo de sudivixion (ex. Spagna). El nostro modèl Itaƚia no diferensia par nisun de sti do caxi (gnente provinsie e gnente indicasion de ƚe rejon a stuo spesial).
  5. stati co pi' sudivixion serte de el steso ƚivel, serte miga: par exenpio Azerbaijan, Bosnia e Ersegovina, Belgio, Nova Xeƚanda, Gresia, Serbia. Ƚa situasion ƚa xe pi' conplicada, ma anca cua val cheƚo che se ga dito par Irlanda e Spagna poco sora.
  6. stati che ƚi ga de ƚi teritori dipendenti de jure (par ƚe Nasion Unìe) che ƚi seve 'na sudivixion interna autonoma da cheƚa de el stato prinsipal (cofà ƚi fuse altri stati identifegai da un altro codexe ISO_3166_1). Cina, Finlandia, Fransa, Paexi Basi, Norveja, Stati Unìi. Ƚa situasion ƚa xe cusì conplicada che bixognaria studiar un modèl a ƚa volta.
  7. stati che ga de ƚe particoƚarità rispeto a sto schema: par exenpio Gran Bretagna, Nova Xeƚanda, Taiwan. Anca cua diria che ła situasion ƚa xe cusì conplicada che bixognaria studiar un modèl a ƚa volta.--Ciaurlec (msj) 17:37, 30 oto 2014 (CET)
Mi gavevo xa sercà de crear de ƚi modèƚi tegnindo conto de el tipo de sudivixion (cofà tante altre wiki), ma me so incartà a ƚongo par via de ƚa dificolta de capir par ben ƚe difarense aministrative speso conplicae (che da nialtri in pratega no ƚe xe mai descrite par nisun stato). Pontaria donca a 'na sudivixion soƚo che de tipo "gerarchego" tipo Etiopia o Irlanda, che daria anca ƚa posibiƚità in serti caxi de ridur ƚi modeƚi de navegasion e ƚasaria ƚa inconbensa de indirisar so el tipo de divixion aministrativa a el modèl:infobox so ƚa drita.--Ciaurlec (msj) 17:37, 30 oto 2014 (CET)
Go finio de xontar so ƚe paxene de ƚi modèƚi che gavevo scuaxi pronti. Penso che co che se decidarà se posa canbiar diretamente el modèl se sti cua no ƚi andarà ben. Oviamente par far sta roba me so tolto ƚa responsabiƚità de darghe un nome. Faso anca prexente che so cuà ghe xe altri tre modèƚi (Ċina, Canada, Braxil) fati co el steso criterio uxà par cheƚi che go xà inserio (Pacistan, Rusia, India , Indonexia, Bangladeš). --Ciaurlec (msj) 19:54, 31 oto 2014 (CET)
Par mi so sti modèƚi gavarìa da esarghe soƚo che ƚe sudivixion del steso liveƚo, e se ƚe divixion ƚe ga un nòme difarente cogna catar el modo de diferensiarle. Par exenpio el "Region itaƚiane" el gavaria da 'ver so na riga cueƚe normaƚi e so n'altra cueƚe a statuto special. Un modèl "Province itaƚiane" gnanca ƚo farìa parché secondo mi xe pì pratico sudividarlo par region (cioè pa'l livel superior, come che se fa xà pa' i comuni, che i ga modèƚi provinciaƚi e no regionaƚi o stataƚi). PS: Òcio al nòme, secondo mi sarìa mèjo far riferimento al tipo de divixion pì che darghe el nòme del stato. PPS: Na ròba, no métare categorie dopie... se un modèl el xe xà drento "Modèƚi de navegasion - X", secondo mi no ga senso metarlo anca drento ƚa categoria superior "Modèƚi de navegasion - Giografia"... Xe vero che ƚe categorie ligae ai stati ƚe ga drento anca modèƚi che no xe giografisi, ma secondo mi sarìa mèjo crear ƚe categorie tipo "Modèƚi de navegasion - X (giografia)"--GatoSelvadego (msj) 13:32, 2 nov 2014 (CET)
Ƚa proposta de sinplifegar sto problema creando tuti ƚi apositi modèƚi de navegasion par ƚe sudivixion de ƚivel inferior me par ƚa pi' vaƚida. Penso che a parte pochisime ecesion ƚa posa eser utiƚixada fasilmente per tui ƚi modèƚi de navegasion e ƚa posa dar 'na sċianta de informasion so el tipo de organixasion teritorial. In pi' ƚa xe fasilmente integrabiƚe co parte de ƚi modèƚi de navegasion de ƚivel inferior xa creai.
Par le nome penso che se prexenta ƚi stesi problemi. Fasiƚe darghe un nome "landern todeschi" o anca "rejon itaƚiane", ma cosa far co che ƚe sudivixion ga nomi propio difarenti tipo ƚa Rusia (che el xe un de ƚi caxi pi' conplesi)? Forse 'na soƚusion ƚa saria "Sudivixion de ƚa Rusia", sperando che in futuro calche d'un el scriva 'na paxena indove che spiega par benin de che ƚivel de sudivixion se parla?
El problema de ƚe categorie dopie jere propio ƚigà a ƚa presensa de modèƚi miga stretamente giografeghi. Sta "metacategoria podaria eser 'na soƚusion".Ciaurlec (msj) 16:16, 3 nov 2014 (CET)
Pa' i nòmi pensavo pròpio a Sudivixion de primo livel de ƚa X, opur se pol anca metarghe nòme doparando chel pì difuxo... tanto se trata soƚo che de sieƚiere un nòme par el modèl... so l'intestasion del modèl se pol far vegner fora na scrita difarente. Tipo pa' ƚa Rusia se podarìa anca ciamarlo Oblast de ƚa Rusia o Oblast rusi, e dopo so l'intestasion scrivarghe oblast, republiche e teritori de ƚa Rusia.--GatoSelvadego (msj) 19:37, 3 nov 2014 (CET)

Topònimi de ła Spagna[canbia el còdexe]

Ciao a tuti!
Xe da un po' che vołevo farve 'na domanda (anca parché me piaxeria inserire cualche voxe, ma gavevo 'sto dubio): come se conportemo coi topònimi de le comunità de ła Spagna che, oltre al spagnoło/castiglian, le ga anca 'na lingua locałe considerà uficiałe? Overo, uxemo inte 'l titoło el nome en spagnoło/castiglian o el nome inte ła lingua regionałe?
Es.: La Coruña o A Coruña? Bilbao o Bilbo? San Sebastián o Donostia? Ibiza o Eivissa? Guipúzcoa o Gipuzkoa? Gerona o Girona? ecc.
Su łe altre (ad ecesion oviamente de es.wiki, ca.wiki, eu.wiki, gl.wiki) vien priviłegià ła forma uxà più comunemente e che saria cueła pì çercà, che sołitamente xe cueła spagnoła (anca se non senpre xe così). Nei es. cità, su it.wiki vien uxà par tuti i topònimi la forma en spagnoło/castiglian, trane che par Girona/Gerona, dove se prediłige, come nei libri, la forma catałana "Girona"; par La Coruña vien uxa el nome in spagnoło su it.wiki, ma cueło en gałisian p. es. su de.wiki, en.wiki, fi.wiki e sv.wiki.
Magari podarisimo adotare 'sto criterio anca noialtri, anca se come che se połe védere no xe senpre xe façiłe decidere cuałe che 'l sia. E dopo me domandavo se sarìa coreto basarse su l'uso prevałente in italian.
Me rendo conto che ła xe 'na cuestion un po' conplicata e che probabilmente sarà da vałutare caso par caso.
Ciao e grasie par l'atension. --Davy1509 (msj) 11:32, 16 nov 2014 (CET)

Beh, par prima ròba cogna vedare se ghe xe un toponimo nostran (pa' ƚe sità grose el podarìa anca esarghe). Se no'l ghe xe va doparà chel uficiale. Se de uficial ghi ne xe pì de un xe un bel problema...Te ghe fato el exenpio de San Sebastian / Donostia: in sto caxo forsi sarìa mèjo doparar el primo (pensavo a ƚe discusion so ƚe gare de bicicrete... uno de soƚito el dixe "gheto visto ieri ƚa Clasica de San Sebastian?", no "gheto visto ƚa clasica de Donostia?"). Oviamente dopo ghe vol el rimando da chealtro toponimo.--GatoSelvadego (msj) 13:00, 17 nov 2014 (CET)
O.K., grasie par la risposta. La scelta più conplicata podaria aƚora ésere soƚo cueƚa tra La Coruña e A Coruña, visto che inte ƚe carte se poƚe trovare indiferentemente una o ƚ'altra forma. Ciao. --Davy1509 (msj) 14:19, 17 nov 2014 (CET)

Modèƚi de navegasion - continenti[canbia el còdexe]

I nostri modèƚi de navegasion so ƚi continenti par mi ƚi dovaria eser riordinai. Ƚa prima roba saria desider par cosa ƚi ga da eser uxai. Se ƚi ga da eser uxai par ƚa giografia in xeneral ƚi manca sertamente ƚi riferimenti a ƚe rejon culturaƚi o a cheƚe economeghe, e a tuti ƚi argomenti de giografia fixega.
Mi penso che ƚi fuse stai pensai par ƚa giografia poƚitega. In sto caxo ƚi saria da uniformar inte ƚi tipi de divixion aministrative: mi proporia a)"Stati indipendenti (ricognosui da tuti staltri)", b)"Stati miga ricognosui da tuti staltri" o teritori custionai" o calcosa de conpagno, c)"teritori, sudivixion, posedimenti" e robe conpagne.
Se gavaria po' da tratar ƚa cuestion de ƚi stati/teritori transcontinentaƚi: (p.e. Rusia, Egito, Panama). Se se voƚese rispetar ƚi confini "naturaƚi" de ƚi continenti se podaria metar ƚi stati in pi' modèƚi; co el rixultà magari de aver ƚa Itaƚia anca in Africa (Lanpeduxa), o ƚa Coƚonbia in Mèrica Setentrional (San Andrès). Fasendo cusita se gavaria da signar int'el modèl in calche maniera che el paexe el xe transcontinental, a volte dixendo cual parte ƚa se cata int'el continente (es. Hawaii so el modèl Osèania). 'N altra maniera saria de far riferimento a de ƚe sudivixion xa de tipo poƚitego in modo da no frasionar ƚe entità, par exenpio ƚa clasifegasion de ƚe Nasion Unìe uxada xa inte ƚi modèƚi de navegasion "Rejon" (p.e. modèl:Rejon euroasiatiche); cusita parò ƚa Rusia ƚa se cataria soƚo che in Eoropa.
PS. Faso prexente che coƚegà a sta cuetion ghe xe el uxo de ƚi modeƚi "Cavedal de ", indove forse se ga considerà ƚa posixion de ƚa soƚa sità, e miga de el paexe. --Ciaurlec (msj) 19:46, 25 nov 2014 (CET)

A vedare ndove che i vien doparai dirìa che i xe modèƚi de giografia puƚitega (che sia el caxo de rinominarli da x in stati de x?). So d'acordo so ƚa riorganixasion (oviamente no va fati modèƚi difarenti, ma i va mesi so ƚe varie righe, tipo in "Axia" Taiwan no ndarìa so ƚa prima riga, ma su cueƚa dei stati no riconosui da tuti) e anca pa' i teritori transcontinentaƚi, magari da métare so na riga aposta... PS: No sarìa mal 'ver anca dei modèƚi pa' altre carateristeghe giografeghe, tipo "caene montuoxe de l'Eoropa" (da métare so ƚa voxe Eoropa e so ƚe voxe de ste caene) o "prinsipaƚi fiumi axiatisi"...--GatoSelvadego (msj) 13:46, 26 nov 2014 (CET)
So drio risistemar sti modèƚi cofà ƚi tratase de giografia poƚitega. (e saria d'acordo par rinominarli tuti). Go sevio ƚe linie guide de ƚe Nasion Unìe (UN M.49)[1], che parò sendo nate co scopi de statistega ƚe ga calche problemin e jutandome anca co ƚi standard (ISO 3166-1 e ISO 3166-2)
1)serte dipendense par motivi probabilmente istoreghi (ìxoƚe de el canal) ƚi ga un codexe "sdopià", che poco ga a che far co ƚe divixion aministrative; ƚasaria soƚo che i do rimandi a ƚi baƚiai.
2)serte dipendense che ƚe ga comuncue un codexe ISO no ƚe vien signae int'el M.49, proabilmente parchè despopoƚae e miga utiƚi par uxi statisteghi; go sercà de atribuirle a el "continente pi' visin". Ƚe metaria insieme a tute staltre, magari co 'na nota de calche tipo.
3)Senpre co sto criterio saltaria fora altri teritori (Kerguelen p.e ) che ƚi gavaria da andar co' el Antartide. El so' modèl no el existe e forse saria da crearlo.
4)El unego teritorio custionà signà da el M.49 el xe el Sahara Osidental, voƚendo signarghene altri (p.e. kosovo, che el ga un serto ricognosimento internasional) se podraria meter el isteso tipo de nota che go proposto par serte dipendense. Cuà ghe saria anca el problema de veder cuaƚi teritori ƚi xe "custionai", roba che podaria portar a editwar inte ƚi modeƚi.
5)Go signà serti teritori cofà "custionai": sta roba dipende da el ricognosimento internasional che ƚi ga da altri stati, de ƚe Nasion Unìe en:List of sovereign states. El grupo reƚativo gavaria da avar 'na "definision" un fia pi' "deƚicata", e magari 'na nota de spiegasion.
6)Ƚi teritori transcontinentaƚi no ƚi xe gnacora stai ciapai in considerasion pal momento.18:19, 27 nov 2014 (CET)
Go finio de axornar ƚi modèƚi tegnindo conto de de:Liste interkontinentaler Staaten, en:List of transcontinental countries e che considera soƚo che ƚi teritori parte integrante de el teritorio nasional; sevente sto schema el Regno Unìo (che el ga un mucio de dipendense) el xe ƚimità a ƚa Eoropa. So ƚa paxena in inglexe se uxa anca ƚi ƚimiti de ƚa piataforma continental par atribuir ƚe ìxoƚe a ƚa masa continental (Grecia, Islanda, Stati Unìi, Aruba, Curaçao, Bonaire, Trinidad e Tobago). So it:Paese transcontinentale ghe xe 'na definision de nasion transcontinentaƚe che me pareva utiƚixabiƚe in pareci caxi (Itaƚia, Portogaƚo, Grecia, Coƚonbia, Venesueƚa, Ièmen, ìxoƚe sparpagnae de el Osèano Indian, Teritorio Britànico del Oseano Indian, Ìxoła de Nadałe, Ìxołe Cocos e Keeling oltre che par Hawaii, Ìxoła de Pàscua e Isla Salas y Gómez, Minami-Tori-shima parte de ƚa Osèania (che in sertune de ste paxene no ƚa xe ricognosua cofà continente)). Da ultimo go considerà el confin intra Axia e Osèania so ƚa ƚinia de Weber, cofà ƚe wiki inglexe e spagnoƚa e in acordo co ƚa UN M.49. --Ciaurlec (msj) 18:35, 28 nov 2014 (CET)
Cuesta xe ƚa formatasion mejo che so riusio a far co el modèl:Navbox. Ƚe note (che go meso int'el "below") ƚe xe un fià invaxive. Se podaria far mejo co el en:Template:Navbox with collapsible groups.
Se sta roba ƚa podese eser fata, proporia anca de ƚasar soto el grupo "teritori transcontinentaƚi" soƚo che el stato, metendo el "toco" transcontinental (p.e. ìxoƚa de Pascua) diretamente inte ƚe note, che podaria anca eser parece (p.e. ƚa Rusia).--Ciaurlec (msj) 00:20, 29 nov 2014 (CET)

Categorìe de servisio inte i sotoprogeti[canbia el còdexe]

Segnaƚo che inte ƚe pàgine da scanseƚar xe sta proposte ƚe categorìe de servisio crea pa'l progeto Siciłia, che 'l xe, in parte, un sotoprogeto de giografia. Credo che sia inportante che i partesipanti a sto projeto i vaga dar ƚa so opinion, parché in pratica ƚa cuestion ƚa xe sta cuà: smistar ƚa manutension (co'l problema che ƚe ròbe ƚe vien segnaƚae in progeti co manco partesipanti), o tegner tuto soto controƚo del projeto pì groso (co'l problema che ghe xe pì ròba da far so chel projeto)?--GatoSelvadego (msj) 13:53, 24 zen 2015 (CET)

Sità metropołiatane itałiane.[canbia el còdexe]

Dopo ver creà ła voxe Provincia de Pałermo, me so inacorto che "In ottemperanza alla legge regionale del 28 luglio 2015, tra il 1°ottobre e il 30 novembre 2015 la provincia di Palermo cesserà di esistere e sarà sostituita dalla Città metropolitana di Palermo.[2]". Co che sto projeto el andarà in porto pensé che se gabia da crear 'na voxe aposita e axornar sta cua (uxando magari "data de sopresion"), o che se posa spostar el contegnuo so ła nova paxena? Sta discusion ła podaria eser utiłe anca par łe paxene conpagne (da crear) Catania, Mesina, Regio Całabria e Bari. Altra cuestion łigada saria cosa far de łe paxene rełative a staltre sità metropołiatane xa istituie (Torin, Miłan, Genoa, Venesia, Bułogna, Firense, Roma, Napułi) e cheła co status incerto de Cajari. --Ciaurlec (msj) 14:49, 11 set 2015 (CEST)

Mah, no ƚo so se sarìa mèjo tratarle come vecie aree aministrative (donca crear ƚa nova voxe) o se xe da considerarle conpagne a ƚe nove e donca spostarle al novo nome ƚasando un rimando... So it.wiki come gai decixo de conportarse?--GatoSelvadego (msj) 11:32, 15 set 2015 (CEST)
Ła wiki itałiana (e anca altre intra łe pi' grande) ła ga creà do voxe difarenti par provincia e sità metropołitana. De prinsipio saria d'acordo anca mi par far ła istesa roba, ma łe nostre voxe łe xe cusì poare de notisie che me par el se faria masa łavoro par crear tuta ła strutura (modèłi, axornamento de altri modełi, de łi vari cołegamenti interni e altre robe) rispeto a ła cuałità de i articołi. Par el momento mi me łimitaria a el rimando, magari da sità a provincia, e a xontar un par de righe (conpagne par tute) so ła voxe de ła provincia, par far prexente ła sisuasion atual. --Ciaurlec (msj) 18:59, 15 set 2015 (CEST)
Ciao! Anca secondo mi, se se trata de do robe difarenti (anche geograficamente), sarìa mèjo tratarle in voxi distinti, anca par no 'vere problemi co i interwiki. Ciao. --Davy1509 (msj) 19:08, 16 set 2015 (CEST)
So bastansa d'acordo co Ciaurlec. Inutiƚe far do voxe da tre righe. Mejo xontar na riga so ƚe voxe de ƚe province. Però no metaria el rimando, ma un link roso a ƚa nova voxe par chi che voƚese crearla...--GatoSelvadego (msj) 18:39, 22 set 2015 (CEST)

Axornamento. Soƚo che ƚa sità metropoƚitana de Bari ƚa xe xa operativa. Ƚa sità metropoƚitana de regio Caƚabria ƚa vegnarà istituia daspò ƚa scadensa natural (el 30 de xugno 2016) e ƚa entrarà in funsion daspò el 1 de marso 2017 [3]. Ƚe sità metropoƚitane de Catania, Mesina e Paƚermo ƚa vegnarà istituie siguramente daspò el xugno 2016 (data de scadensa de el comisariamento)[4]. A sto punto par conpletesa crearia ƚe voxe so ƚe province de Regio Caƚabria (e Bari); tute ƚe voxe so ƚe sità metropoƚitane invese ƚe saria ancora da crear. --Ciaurlec (msj) 23:27, 27 dis 2015 (CET)

Par mi va ben.--GatoSelvadego (msj) 18:09, 31 dis 2015 (CET)

Modèl:Comune[canbia el còdexe]

Un mucio de voxi de giografia ƚe speta che el vecio modèl:Comune el vegna sostituio da cheƚo axornà Divixion Amministrativa. Xustamente sto ƚavoro no el pol eser fato soƚo che da un bot, visto che in concomitansa saria ben darghe un ociada a ste voxe (ƚe ga un mucio de dati da axornar e speso se trata soƚamente de abosi); ma visti i tenpi penso che el uxo de un bot el posa fasiƚitar un bel poco el ƚavoro, jutando anca a no perdarse serti dati in'el canbio de el modèl. Ƚa soƚusion podaria eser de canbiar grupeti de paxene (magari par provincia?) in modo da poderli anca far controƚar da altri utenti a man.
Faso anca prexente che go xa fato calche proa de canbio (par exenpio Zujan) co el juto de AutoWikiBrowser; se nisun no el gavese un bot spesifego par far sto ƚavoro se podaria farlo in sta maniera. Intra i problemi che el ƚasaria sto tipo de sostitusion serti (sigle de rejon e provincie, descrision tipo <!-- -->) ƚe se podaria risolver fasendo xirar pi' volte el bot. El problema pi' groso el saria invese el nùmaro reƚativo a ƚa densità che el resta da el vecio modèl.
Se el uxo de el bot andase ben ghe saria el problema de ricontroƚar ƚe voxe modifegae. Intra ƚe proposte

  • Canbiarghene poche a ƚa volta e farle ricontroƚar a altri utenti vanti de canbiarghene altre
  • Canbiarghene de pi' (forse anca tute) e ƚasar un avixo tipo {{C}}
  • Canbiarghene de pi' (forse anca tute) e controƚar i contributi de el bot

--Ciaurlec (msj) 23:42, 30 set 2015 (CEST)

L'idea de far grupeti de voxe no ƚa xe mal. Na volta controƚà ƚe voxe se pol ndar vanti co cueƚo dopo. Se pol saver cuante che ƚe xe ƚe voxe de comuni veneti (infrà le scuaxi 1000 voxe che ga sto problema)? Al masimo ƚe podarìa èsar 581, ma credo che tante ƚe gavaremo anca xà sistemae, spero che sia restae manco de 300 voxe...--GatoSelvadego (msj) 21:22, 2 oto 2015 (CEST)
Ghe go da na ociada sguelta a ƚe voxe che ƚe manca in serte provincie (cheƚe co manco comuni :P VE=32/40, RO=40/50, BL=46/69 e PN=37/51): ghe xe na media de 73% de mancanti, dixemo 424 par el Vèneto. Mi proporia de far grupeti par provincia in xeneral e de 'na vintena de comuni par ƚe province pi' conplete. Faxendo sto ƚavoro par na sinquantena de volte, e contando do-tre xorni tra un canbio e un controƚo, diria che in sento-sentosincuanta xorni podaria eser fato tuto. --Ciaurlec (msj) 23:02, 2 oto 2015 (CEST)
Eƚora, go controƚà co catscan (vara ti che bel strumentin che ghemo a dispoxision, e no ƚo ghevo mai doparà!). Ghemo el modèl novo so 161 voxe, invese ghe xe el vecio so 419. Fa 580: cuà so ƚa voxe Vèneto xe scrito che i comuni i xe 581, donca in teoria ghi ne mancaria uno... ma credo che sia parché ƚa voxe no ƚa xe axornà e ƚa tien conto de Cuero e Vas come se i fuse ncora stacai. Però so ƚa voxe Veneto de it.wiki xe scrito che i xe 579, donca ghi ne gavarisimo uno in pì... PS: Go anca scoerto che ghemo do voxe sensa sia el modèl vecio che chel novo...--GatoSelvadego (msj) 12:40, 3 oto 2015 (CEST)
Tuto in ordene: gavemo incora el vecio comun de Castellavazzo che int'el 2011 se ga unio a Longaron. In efeti de strumentini utiƚi ghe ne saria na scrovada, e su wiki co susì pochi utenti butargeh un ocio a ƚe "ulteme novità" intr ƚi strumenti pol veramente far ƚa diferensa ;). me par de capir che ti voresi ripartir da ƚa sistemsione de ƚi comuni del Vèneto. Me par xustamente 'na bona idea, anca parché ghe podaria eser pi' xente che consulta sta voxe e ƚe podaria xornar in caxo de problemi o simplisemente se voƚese anpliarle. --Ciaurlec (msj) 18:48, 4 oto 2015 (CEST)
Anca parché xe ƚe voxe che, uno che vien lexarne, el se speta che ƚe sia fate un fià mèjo... Uno magari par curioxità el vien lexare ƚa voxe so'l so comun, e 'l cata un aboseto no axornà, probabiƚe che'l pense che sia cusì da par tuto, cuando che invese magari ghe xe na voxe so un comun foresto fata diexe volte mèjo... In pì ghe xe da dire che serte ƚe ndarìa spostae parché ƚe xe registrae co'l toponimo uficial itaƚian, cuando che invese ghe xe de sicuro el nòme nostran.--GatoSelvadego (msj) 12:28, 5 oto 2015 (CEST)
Go fato un poche de proe inte ƚe province che ƚe gaveva un ugnoƚo modèl da canbiar (xusto par andar pi' guaivi so ƚe voxe che ne interesa de pi'), ma al momento no me par che el vada ben, anca parché existe do modèƚi difarenti che i pasa cofà comune (Comune e Template:Comune). Go sercà de sistemar a man co ƚa me utensa. --Ciaurlec (msj) 00:00, 6 oto 2015 (CEST)

Status de la Cateƚogna[canbia el còdexe]

Segnaƚo sta necesaria discusion so ƚa pàgina de ƚe discusion de ƚa voxe.--GatoSelvadego (msj) 17:30, 29 oto 2017 (CET)

Fuxion comuni[canbia el còdexe]

Dopo l'union de Cuero e Vas ghe xe stai altri comuni vèneti che se ga unìo in sti ultimi ani. Ghe xe Longaron che se ga unìo a Castelavaso; Fara, Pieve e Puos che se ga unìe inte'l novo comun de Alpago; Forno e Zoldo Alto in Val de Zoldo; Grancona e San Xerman dei Bereghi in Val Liona. Chealtra volta (par Cuero-Vas) ghevimo asà le voxe e ghi ne ghevimo creà una de nova, sta volta però so indecixo so come prosedare... Co l'ùgnoƚa ecesion de Grancona tute le voxe coinvolte ƚe xe voxe da na riga soƚa e ƚa tentasion de crear ƚa voxe del novo comun e scanseƚar cueƚa inutiƚe dei comuni vèci ƚa xe tanta. Voaltri cosa ghi ne dixio?--GatoSelvadego (msj) 12:44, 27 dis 2017 (CET)

Par mi saria ben unir ƚe voxe e riordenar un poco ƚe informasion; sercaria de tegnir dati cofà superfisie e abitanti.--Ciaurlec (msj) 22:44, 27 dis 2017 (CET)

Novi modeƚi?[canbia el còdexe]

Ciò @Vajotwo: a go visto che te si drio far dei modèƚi novi co anca dei moduƚi... visto che me par che sia ròba ligà a sto progeto podarisito spiegarne cosa che te si drio proar fare? Visto che sto cuà el xe un progeto che pì o meno el funsiona vedemo de parlarghine prima de metarse a far modifeghe definitive...--GatoSelvadego (msj) 22:33, 8 mar 2018 (CET)

Ciao @GatoSelvadego:, niente so drio proar fare un paso vanti a i nostri modeƚi Infobox V2 ... copiando ƚe novità da ƚa Wikipedia franxese visto che xè pasà ani da l'ultima volta che i gavemo inportà quà. Par desso gò soƚo copià el modeƚo reƚadivo a ƚe aministraxion comunaƚi co i eventuaƚi moduƚi e altro, ma go oncora da finire. No gò intension de inportare altro par desso, prima finisso sté dò robete anche se me vorà tenpo ;) De seguito podì trovare un riasunto sò i laori: Utente:Vajotwo/Sandbox, sentive libari de far modifeghe sensa farve problemi. Vajotwo (posta) 08:04, 9 mar 2018 (CET)
Bon, òcio però che cuà ghemo un modèl ùgnolo pa' tute le divixion aministrative e no un modèl personalixà pa' ogni paexe. D'ogni modo ti intanto va vanti che po vedemo el da farse.--GatoSelvadego (msj) 14:08, 11 mar 2018 (CET)