Discusion Categoria:Àneme

Spostamento[canbia el còdaxe]

[[[Imàjine:Gnome-help-about.svg|10px|link=|Mension]]_Par @Fierodelveneto]

Ciao! Secondo mi, xe stà sbaglià spostare da Categoria:Anime a Categoria:àneme, dato che la parola "anime" (da l'ingl. "animation" [1]) la xe 'na paròla giaponexe e la dovaria cuindi restare nela forma giaponexe se no ghe xe 'na tradusion (se vardemo anca le altre wiki, anca in tute le altre lingue la vien lasà ne la forma giaponexe trasliterà). 
Bixogna considerare anca che "àneme" en vèneto el ga anca un altro significato, esendo el plurale de "ànema" e cuindi, tornando a "anime", evitarisimo el ris-cio de anbiguità. Un altro pìcolo problema saria forse anca el açento tònico so la "a": anca se in italian dixemo "ànime", en giaponexe el açento el vien ripartio su tuta la paròla, sivolando verso l'ultima sìlaba. 
Ciao --Davy1509 (msj) 19:54, 13 luj 2020 (CEST)[respondi]

@Davy1509]

Ciao, gràsie par ła contestasion. Ełora, dixemo che el fato de andove che ła riva no el xe on problema, parò ghe xe de fato che in Vèneto ła finałe "ime" ła devien "eme". On fià come parlar de ła paroła "Standard": Par cuała motivasion naltri Vèneti, Spagnołi, Catałani e Portoghexi scrivemo "Stàndar" e no "Standard"? Parché no ghe dixemo ła D e parché sensa el asento łexarìsimo de naura: "Standàr". Pò se te vui, ła movo de novo verso ła nomea àntega del me spostamento! Dime ti.. On sałudon e gràsie oncora!! 
--ꜰɪᴇʀᴏᴅᴇʟᴠᴇɴᴇᴛᴏ [Scrìvame]  [Projeti]  [Statìsteghe] 20:07, 13 luj 2020 (CEST)[respondi]

@Fierodelveneto]

Ciao e grasie par la spiegasion. Go visto "standar". 
Comuncue, a parte che personalmente no me piaxe tanto le "storpiature" de le paròle straniere, secondo mi, in sto caxo cuà no credo che se posa venetixare 'na paròla giaponexe secondo el steso "modèlo" de it. "anima" e vec. "ànema". Coxa dìxito? Eventualmente podarisimo sentire coxa che gh'in pensa anca i altri. Ciao --Davy1509 (msj) 20:27, 13 luj 2020 (CEST)[respondi]

@Davy1509]

Si, va ben, se połe sentir chełi altri, ma a mi no ła me par na storpiatura, ma na caraterìstega łenguìstega Vèneta che ła trasforma ła finałe.. anca de łe parołe foreste, nofà el Spagnoło e tute łe łéngue de ła nostra sorte (eoropa del òvest) --ꜰɪᴇʀᴏᴅᴇʟᴠᴇɴᴇᴛᴏ [Scrìvame]  [Projeti]  [Statìsteghe] 20:56, 13 luj 2020 (CEST)[respondi]

@Fierodelveneto]

O.K., grasie par la risposta. Ciao --Davy1509 (msj) 21:49, 13 luj 2020 (CEST)[respondi]