Discusion Utensa:2.44.70.249

Da Wikipedia, l'ençiclopedia libara.

Gentiłe 2.44.70.249 benvegnùo/a su Wikipedia en łengua veneta, l'ençiclopedia libara!

Par inisiar ła to cołaborasion, varda el tutorial e ła pagina de ajuto. Lexi i çincue piłastri su cui se baxa Wikipedia.
Controła cosa metare e cosa no metare su Wikipedia e ricordate che nò xe consentio inserir materiałe proteto da copyright.
Łe voxe inoltre łe gà da esare in łéngua veneta e rispetare un ponto de vista neutrałe.

Se te ghe problemi dimanda pure al sporteło informasion ma ricordate che el nostro invito el xe cheło de notarte, se te intendi contribuir co pasiensa e sołidarietà a sto projeto. Grasie pà i to contributi e bona permanensa so vec.wiki!

--- Vajotwo (posta) 20:53, 9 feb 2019 (CET)

Un benvegnùo/a e na tiradina de rècie[canbia el còdaxe]

Benvegnùo/a anca da parte mìa. Grasie pa' i to contributi, te invito però a far un salto al projeto:pułitega prima de ciapar par man e stravolxare voxe e modèƚi. PS: Se te te noti te ve mejo a seguir le to voxe...--GatoSelvadego (msj) 23:11, 9 feb 2019 (CET)

Benvegnù/Interwiki[canbia el còdaxe]

Ciao! Inansi tuto, benvegnù su vec. wiki anca da parte mia.
Ogni volta che te crei 'na pagina, la va però colegà anca co le altre Wikipedie (v. it:Aiuto:Interlink).
Dèso go provedù mi a colegare le voxi che te ghe creà, ma te dovarisi esere ti a farlo (tien anca prexente che qua se xe anca in pochi e x fadiga controlare tute le voxi).*
Dopo, te devo anca dire che go dovudo anulare la to modifega qua, anca parché un spostamento no se fa così, ma va fato da un utente registrà da almeno 4 jorni atraverso la funsion sposta, se un titolo no xe coreto (e non co copia-incola o co mexi copia-incola come che te ghe fato ti, che, tra l'altro, te ghe comunque lasà i do dopioni).
Ciao e bon proseguimento! davide --Davy1509 (msj) 11:04, 13 feb 2019 (CET)

  • Per aggiungere gli interwiki, se non sei loggato, devi entrare nella pagina di Wikidata relativa alla voce che crei (cercando nel sito il titolo in inglese oppure partendo dalla pagina di en.wiki e cliccando su "add links", se c'è almeno un'altra wiki collegata) e andare nella tabella in basso a sinistra dove c'è scritto "Wikipedia" (non quella in cima alla pagina, che serve x dare il titolo alla pagina di Wikidata e x inserire una descrizione, ma non per collegare le pagine), dove devi cliccare su "Modifica" e poi inserire "vec" da un lato e il titolo della pagina che hai creato dall'altro e quindi salvare (v. ad es. [1]).
    Se te te registri, el sistema el xe anca pì veloxe (te basta 'ndare soto "Xonta link").
    Se te doperi un dispoxitivo mobile, par xontare coretamente i interwiki, te ghe da pasare da la vixualixasion par dispoxitivo mobile a quela clàsica, clicando in fondo a 'na pagina su "Desktop".
P.S.: controlare i interwiki el xe anca un bon modo par evitare la creasion de dopioni (queli pì brevi li go trasormà in redirect), come che te ghe fato in pì de 'na ocaxion. Ciao --Davy1509 (msj) 11:42, 13 feb 2019 (CET)
P.S. 2: prima de 'ndar vanti co la creasion de nove voxi, te consigliaria de méterghe ma su le pagine che te ghe xà creà e che no ga gnanca un incipit, tanto che le ga l'avixo "Ajutare". Ciao e grasie par la colaborasion e par i to contributi. Ciao --Davy1509 (msj) 11:48, 13 feb 2019 (CET)


P.S.3: dovaria ver colegà tute le voxi che te ghe creà [2]: magari daghe 'na ociada se manca su qualcheduna i interwiki. Ma me racomando, da 'dèso in poi de farlo ti, anca parché, come che te go dito, se xe in pochi e faxemo fadiga a controlare coxì tante voxi. Ciao --Davy1509 (msj) 14:50, 13 feb 2019 (CET)

Categorixasion[canbia el còdaxe]

Ciao! Ricordate anche de categorixare le pagine che te crei (v. Ajuto:Categorie e Ajuto:Categorie/Categorixasion).

El to contributo xe lodevole, ma me racomando de no tralasare 'ste robe importanti come categorie e interwiki e de seguire tuti i consigli che te vien dà e de domandare in caxo de dubi, altrimenti dopo tuto el lavoro se acumula par ti e par i altri utenti. Ciao --Davy1509 (msj) 14:15, 13 feb 2019 (CET)

"Spostamenti"[canbia el còdaxe]

Ciao! Grasie par 'ver contribuio a vec.Wiki. Te devo però pregare ancora 'na volta de no fare pì spostamenti in sta maniera[3] [4], overo creando 'na pagina co 'l titolo difarente e travaxando el contegnuo de 'na pagina xà existente: ciò no rispeta el "copyright" de i autori de la voxe (te risulti l'autore de 'na voxe creà da altri e 'dèso me toca domandare a un admin de unire le cronologie de le do pagine).

Par spostare el titolo de 'na pagina, bixogna doperare la funsion "Sposta" e lo pole fare un utente registrà da almanco 4 giorni (v. Ajuto:Sposta).
Se te te registri, te podaré usufruire anche de 'sta funsion, che, la permete anca de colegare automaticamente i interwiki xà colegà (par come che te ghe fato ti, anca co altre pagine creà da ti, go dovudo risistemarli manualmente su Wikidata [5] [6] [7] [8]).
Se invexe te preferisi no registrarte, xe mejo domandare lo spostamento scrivendo a qualche utente registrà o richiederlo inte la pagina de discusion de 'na voxe.

Ciao e grasie ancora par i to contributi e, me racomando, de no fare pì 'sti lavori, parché dopo bixogna meterghe man par sistemare. Serca anca de xontare i colegamenti co le altre Wikipedie, entrando su Wikidata (come che te go dito sora). davide --Davy1509 (msj) 17:57, 15 feb 2019 (CET)

"Spostamenti" (2)/Interwiki (2)/Mesaji de altri utenti[canbia el còdaxe]

Ciao!

1) Te ripeto ancora 'na volta che no xe coreto "spostare" le pagine in 'sta maniera qua[9][10]: i copia-incola da altre pajine existenti no i se fa (così te risulti l'autore de un testo inserìo da altri e bixogna 'dèso unire le cronologie de le pagine [11]).
Quindi par piasere, anca se un titolo no xe coreto, no sta' pì farlo: se te voi spostare un titolo, te ghe da registrarte e usare la funsion "Sposta" (che la permete anca de ricolegare automaticamente i interwiki: go dovudo sistemarli mi a man, parché senò i restava tacà al redirect) o se no te voli registrarte (mi te consigliaria de farlo) e te voi che un titolo vegna spostà, meti un mesajo a un altro utente o inte la pagina de discusion de la voxe.
Tra l'altro, te ghe lasà la categorixazion 'nte 'l redirect (dove che no la ghe va) e no te la ghe gnanca mesa nela nova pagina che te ghe creà.

Dopo, quando che vien spostà un titolo, el va anca coreto in un model, se el ghe xe, come qua: serca de ricordarte de fare sto lavoro co altre pajine che te ghe spostà

2) Te rinovo anca l'invito a colegare le pagine a le altre Wikipedie, entrando su Wikidata [12]] (te ricordo che, par farlo, te ghe da vixualizare Wikipedia ne la version clasica e no in quela par mobile: par canbiare, te ghe da clicare in fondo a 'na pagina su Desktop).
Se no ti si gnancora bon a farlo, te invitaria, se no te dispiaxe, a creare manco voxi (dirìa no pì de 4-5 a setimana: no ghe xe freta, ma naturalmente nesuni pole dirte quante voxi creare e in 'sto caso te si libero de fare come che te voli, solo che te capisi anca ti che dopo ghe toca meter man a altri utenti e qua se xe anca in pochi e i interwiki sarìa sempre mejo méterli el prima posibile).

3) Tersa roba: te devo ricordare che Wikpedia el xe un projeto colaborativo. Questo vole dire che i utenti i interagise tra de lori e che, anca se no ghe xe l'obligo de rispondere ai mesaji, te devi dimostrare almanco de ver capìi i consigli che te vien dà e no continuare a fare 'na roba anca se te xe xà stà dito che così no se fa (faxendo così, te podarisi vigner adità de "write only", 'na roba che su Wikipedia no xe vista de bon òcio e che pole portare anca a blochi temporanei de 'na utensa).

Te ringrasio par i to contributi e se ghe xe qualcosa che no xe chiaro, domanda pure. Ciao. davide --Davy1509 (msj) 11:33, 16 feb 2019 (CET)

Projeto colaborativo (2) e basta coi svodamenti de le pagine e i "spostamenti" in copia-incolla[canbia el còdaxe]

Ciao! Te ripeto ancora 'na volta che Wikipedia xe un projeto colaborativo e che se te vien dà qualche sugerimento o se te vien fati notà dei sbagli el xe par el ben de Wiki e parché 'nte 'l futuro te posi procedere nel migliore dei modi.

Inoltre, no se pole dispore de le pagine a piacimento, svodando le pagine existenti e creando pagine co titoli canbià e riversando i contenuti de altre pagine già esistenti, come qua e par fare serte ròbe ghe vorìa 'na discusion.
'Na voxe pole èsere modifica e el so contegnà pole anca cambià sensibilmente, ma bixogna sempre lavorare su la pagina che existe xà e se un titolo no xe coreto, se usa la funsion "Sposta", che pole utilixare i utenti registrà da almanco 4 jorni.

Se no te voli registrarte e te ritien che el titolo de 'na pagina no sia coreto, te poli segnalarlo de la pagina de discusion, ma no 'sta pì a fare de testa tua e a svodare le pagine xà existenti (ghe vole anca rispeto par i utenti che su chele pagine ghe ga lavorà prima).

Ciao e grasie par i to contributi, ma scolta quelo che te vien dito e serca anca de categorixare le voxi che te crei e de colegarle a le altre wiki. davide --Davy1509 (msj) 10:35, 17 feb 2019 (CET)

Dopioni[canbia el còdaxe]

Ciao! E darghe un'ociada a le altre Wiki (es. it:Indipendente (politica)/[13]), el xe anca un bon modo par evitare la creasion de dopion, come Indipendente (pułitega) e Presidente deła Republica Itałiana, che xà le existeva co altro titołi. Ciao --Davy1509 (msj) 10:44, 17 feb 2019 (CET)

P.S.: par "unire" le pagine, sarìa mejo che te riversasi i testi novi che te ghe scrito inte łe pagine xà existenti e no fare l'inverso (anca parché le altre pagine le xe xà colegà co i interwiki e parché normalmente va sempre privilegià la pagina che ghe gera xà). Ciao --Davy1509 (msj) 10:46, 17 feb 2019 (CET)

Prima de 'ndar vanti...[canbia el còdaxe]

Ciao! Prima de 'ndar vanti co altre modìfeghe "poco ortodose" (in particolare, isvodamenti de pajine e i riversamenti de testo in pajine creà ex-novo), te consigliarìa de ciaparte un poco de tenpo par lèxere tuto quelo che te xe stà dito fin 'dèso e de rivardare i to contributi co tute le modìfighe che te ghe fato e che te xe stà anulà. [14].

Te ricordo anca che la pagina de discusion de un utente su Wikipedia no la funsiona come un profilo social, dove che uno pole decidere de rispondere ai mesaji che la gente ghe mete se 'l ghe ne ga vòja. E ricordate che qua i mesaji i te vièn mesi solo par 'l bèn de Wikipedia e par migliorare tante picole robe (anca un poco a la volta) e no parché se vole èsere dei scociatori.
Oviamente, no ti si obligà a rispondere, però xe sempre bòna norma de ciaparse un po' de tempo par rilexerse quelo che vien dito e par no ripetere i stesi sbaji. E se ti invese no te lexi i mesaji e/o te continui a no seguire i consigli e a fare de testa tua, el pole èsere considerà "write only", che 'l pole èsere anca 'na motivasion par blocare temporaneamente 'na utensa.

Dopo, no ghe xe tuta sta freta de fari tanti cambiamenti, se no i xe proprio necesari (come modifighe de utenti improprie da anulare): mejo far poco e fato bèn, che tanto co tante ròbe da sistemare (così el diventa un lavoraso par i altri).

Ciao e grasie ancora par le voxi nove che te ghe creà (me racomando però de categorixarle e de colegarle co le altre Wikipedie seguendo quanto che te go dito sora). davide --Davy1509 (msj) 11:26, 19 feb 2019 (CET)

Tradusion[canbia el còdaxe]

Ciao! 'N'altra picola ròba: quando che te crei 'na pagina tradota pari pari da 'n'altra wiki, sarìa de métere el Modèl:Tradoto da inte la pagina de discusion de la voxe, in 'sto modo qua.
Ciao e grasie par la nova voxe. --Davy1509 (msj) 13:14, 19 feb 2019 (CET)

Ciao! Lo go meso anca par sta voxe [15]. Ste robe qua però te dovarisi scumisiare a farle ti, così come categorixare le voxi, xontare i interwiki e métere la sezion "Note" (par migliorare tante picole robe, bixogna darghe 'n'ocià a i cambiamenti che fa i altri utenti). Ciao e grasie ancora par i contributi. --Davy1509 (msj) 13:53, 19 feb 2019 (CET)

Voxi che existe xà[canbia el còdaxe]

Ciao! Grasie par le to nove voxi e par i ampliamenti, ma se 'na voxe existe xà, te ghe da lavorare su la pagina che existe xà e no crearghine una de nova, faxendo copia-incola da quela xà existente e ampliando quela lì creà da ti (questo par rispetare le cronologie de le modifighe precedenti e par no inficiare i colegamenti co le altre Wikipedie). Ciao --Davy1509 (msj) 10:23, 20 feb 2019 (CET)

P.S.: forse no te xe chiaro cosa che vole dire "enciclopedia lìbara". Vole dire che ognuno pole sentirse lìbero de xontare informasion, migliorare un testo, cambiarlo anca sensibilmente, ma questo no vole dire che se posa dispore a piacimento de le pagine, copiando el testo in pagine creà ex-novo co un titolo un po' difarente: infati, anca se 'na pagina co 'l tempo la pole vigner anca sensibilmente modificà, ghe xe 'na cronologia che permete de "preservare" in qualche modo le modifighe dei utenti che gaveva xà lavorà prima su chela pagina (invexe, faxendo come che te continui a fare ti, te risultarisi l'unico autore anca de contributi che ga creà altri; oltre tuto, no te preocupi gnanca de risistemare el colegamento a vec.Wiki su Wikidata e go dovudo sistemarlo ancora 'na volta mi).
Te ricordo infine che se te ghe dubi e se te voli imparare come "mòverte" mejo 'nte 'l mondo de Wiki e migliorare, xe consijabile relasionarse coi altri utenti e domandare le robe che no se sa (che xe anca normale che le sia tante par un utente novo). Ciao --Davy1509 (msj) 10:56, 20 feb 2019 (CET)

S preconsonantega[canbia el còdaxe]

La S "dolse" preconsonantega, che vien pronuncià /z/, la se scrive S in scuaxi tute le grafìe. Se te vui doparar la X anca in chel caxo eƚora te ghe da scrivare co la grafìa dita Vèneta Reformada, e no me par che te sia drio doparar cueƚa... PS: ah, par discutare de ste ròbe no se dopara el ogeto de la modifega ma ƚa pàgina de discusion de ƚa voxe...--GatoSelvadego (msj) 13:36, 20 feb 2019 (CET)

@2.44.70.249: Ciao! E anca se fusi giusto queƚo che te sostien, 1) par far 'sto tipo de spostamenti, sarìa mejo verxere 'na discusion; 2) i spostamenti no i va mai fati in 'sta maniera qua e se te voli spostare un titolo che xe sbajà, te ghe da registrarte e così (dopo 4 jorni da la registrasion) te poƚi uxare la funsion "Sposta" (v. Ajuto:Sposta) come che te go xà dito, che xe l'unico modo coreto par spostar un titolo de 'na pàgina: faxendo come che te fe ti, te risultarisi dopo l'autore de un testo scrito da altri (e no sarìa giusto) e i interwiki (cioè i colegamenti co le altre Wikipedie) i resta tacà al redirect e no a la pagina co 'l contenuto (oltre tuto, visto che gnanca te te preocupi de risistemarli come che te go mostrà).
E come che te vedi, le modifiche no corete le vien anulà: quindi queƚo che ti si drìo fare el diventa anca un lavoro inutiƚe. Quindi, va' 'vanti pure co la creasion de pagine nove, ma no co 'sti spostamenti, che i finise par creare altro che problemi e dare da fare a altri utenti che dopo i ga da sistemare un saco de ròbe [16].
Ciao --Davy1509 (msj) 14:40, 20 feb 2019 (CET)

Interwiki e dopioni[canbia el còdaxe]

Ciao! Grasie ancora par i to contribuiti. Te dovarisi, par piasère, sercare de vignerne incontro anca xontando i colegamenti co le altre Wikipedie (interwiki) ogni volta che te crei 'na pagina nova (voxe, categoria, tmp, ecc.)

Par farlo, te ghe da entrare su Wikidata, dove che te trovi 'na pagina come 'sta qua. Se te vè a vardare, ghe xe 'na tabela con l'elenco de tute le Wikipedie colegà fra de lore: te basta clicare su "Modifica" e dopo scrivere sul lato sinistro "vec" par "vec.Wiki" e sul lato destro el titolo de la pagina de vec.Wiki che te voli colegare.
Se te te registi, el sistema el xe anca pì veloce, parché te basta clicare inte la colona de sinistra de le pagine soto "Lengue" su "Xonta link" e scrivere anca solo una de le Wikipedie da colegare (es. "it" e la voxe corispondente"). No te ghe però da restare 'nte la vixualizasion par dispositivo mobile (par cambiare te clichi in fondo a la pagina su "Desktop") se te voli vixualizare la colona de sinistra co scrito "Lengue" e "Xonta link".
Te poli anca léxere it:Aiuto Interlink.

Xontare i interwiki no xe un optional parché le wiki no le xe ixolà fra de lore e serve anca par savere vardando 'n' altra wiki se 'na voxe ghe xe o no. El xe anca un bòn modo par evitare la creasion de dopioni come Stati federai de ła Xermania, che la existeva xà co 'l titolo Stati federai de ła Germania (go dovudo métere "Unire" su le do pagine).

Ciao e bòna giornata. --Davy1509 (msj) 09:59, 21 feb 2019 (CET)

Sezion "Note"[canbia el còdaxe]

Ciao! Se ghe xe de le note 'nte 'l testo, bixogna anca métere la sezion "Note" in 'sta maniera qua.

Te rinovo ancora 'na volta l'invito a categorixare le pagine e a colegarle co le altre wiki, altrimenti el diventa un lavoro che dopo se acumula par ti o par altri utenti. Ciao --Davy1509 (msj) 19:14, 21 feb 2019 (CET)

Grasie par i contribuiti, però de te ghe da metere i Interwiki e le Categorie/Cosa vole dire "Projeto colaborativo"[canbia el còdaxe]

Ciao e grasie par i novi contribuiti.

Te ricordo 'n'altra volta, par piasere, de colegare le pagine che te crei co le altre Wikipedie: xontare i interwiki no xe 'na roba opsionale, ma una de le robe fondamentali ne la creasion de le pagine.

Te ricordo anca che le pagine le va sempre categorizà.

Te ripeto: el to impegno el xe lodevole e xe anca normale che tante funsion no te sia conosude (anca se me sembra che te sapi xà moverte bèn nel mondo wiki), però se no te si gnancora bon a metere ste do robe importanti, te consigliare de ciaparte el tempo necesario par riveredere la pagine xà creà e categorizarle, parché xe mejo creare manco voxi fate co tute le robe che ghe xe da métere che crearghine tante e che dopo i altri utenti gapia da méterghe man.
Stanote, par exempio, te ghe creà 10 pajine: te ringrasio par questo, ma go dovudo colegarle tute mi co le altre Wiki so Wikidata [17] e el xe un lavoro pitosto noioxo da fare. Quindi se ti te crei 50 pajine ogni setimana che xe tute da colegare ai interwiki, xe fadiga a starte drìo e el tempo xe presioxo par tuti quanti.

Serca quindi de vignerne incontro anca ti anca ti. E te ricordo 'n 'altra volta che Wikipedia el xe un projeto colaborativo e quindi se te voli far parte del mondo wiki te dovarisi anca sercare de comunicare co i altri utenti se qualcoxa no te xe chiaro e che se i altri utenti i se mete in contato co ti (qua no funsiona come i social network, dove uno su el so profilo pole anca no rispondere a gnanca uno dei mesaji/comenti) par darte dei consiji, no te ghe da far finta de gnente, come se i altri utenti no i existese, come che ti si drìo far fin dèso.
E anca se no te si rejistrà, te ghe i stesi - ciamemoli così - diriti e doveri de tuti i altri utenti (l'unica difarensa, xe che i utenti rejistrà i pole uxufruire de qualche funsion in più, così come i aministratori i ga ulteriori funsion in più).

Ciao. davide --Davy1509 (msj) 10:14, 23 feb 2019 (CET)

Ciao Davide, no so come che funsiona le discusion utente, no so njianca come se xonta le lengue de che altre wiki.. Mi serco de far del me mejo, dato che me piaz tanto la me lengua, ghin vago fiero de esar veneto. Le categotrie no le xonto solo parche prima serco de fare le pajine, on aboso, dopo xonto informasion pian pianeo.. in maniera che se anca altra xente varda, la pole suito modificare alguni contegnui magari che poso ver xbaja o xontare robe che podaria darse che mi no sapia. N'altra roba, no so chi che ve gapia insegnà la grafia a ti e a Gatoselvadego!!!! Parole italiane come "Riformismo", "Comunismo" ecc.. le se scrive con la X.. no le xé de le S dure, ma le xé na Z.... riformiXmo, comuniXmo ecc... se se ga da fare e robe le se fa ben... altrimenti scrivare sbajà, no solo el mete dubi a la xente che ste robe no le sà, ma anca el rende pì difisie el capire la grafia veneta... de conseguensa, par cortexia, fè on bon laoro e serchè de portar pal mondo el vero veneto... no chelo che xe pi bel da vedar scrito. Un embraso.

@2.44.70.249 Ciao e grasie a ti par la risposta.
Sul discorso de la "x", no me pronuncio e te dovarisi domandarghe a GatoSelvadego (lu xe qua da pì tempo de mi e probabilmente xe stà stabilìe de le convension par i titoli). Te poso solo dire che me sembra però strano come che te ghe scrito ti, sopratutto se la /z/ xe a inisio parola come in "Xvìsera".
Mi comunque me ategno a le convension che xe stà stabilie, che però no xe dito che no se posa cambiare e se te voli te poli anca vèrxere 'na discusion su Wikipedia:Ciàcołe.
Dopo, nel testì de 'na voxe ognuno scrive come che 'l parla ne la so variansa.

Quelo che mi te dixevo che no se pole fare xe i spostamenti co i copia-incola (ogni tanto qualchedun lo fa anca su it.wiki, ma xe sbaglià): l'unico modo par spostare 'na pagina xe come che go fato mi qua, cioè utilixando la funsion "Sposta" (se te te registri, te poli utilixarla anca ti dopo 4 giorni da la registrasion).

Par comunicare diretamente co un qualsiasi utente, te basta clicare a fianco del nome de un utente che compare o in na pagina de discusion come questa su "mesajo" en 'na cronologia de 'na pàgina su "discusion".

Par quanto riguarda i interwiki, te go spiegà sora come fare e che se te trovi 'nte la version mobile, par poderli xontare, te ghe da pasare da la version par dispoxitivo mobile a la version "clàsica", clicando in fondo a 'na pàgina su "Desktop".
Se te te registri, el sistema xe anca pì veloce (v. it:Aiuto:Interlink).
Se te vien pì façile, te poli utiixare el vecio sistema, cioè te basta scrivere in fondo a la pàgina che te crei it: seguìo dal titolo de la pagina corispondente de it.wiki, il tuto scrito tra parentexi quadre (es. it:Glossario politico e sociale sensa i do punti davanti a "it". In 'sto modo un "bot" dovarìa dopo un poco de tempo colegare la pagina su Wikidata.

Infine, mi capiso benisimo che te posi ai inisi trovare de le dificoltà (ma nesuni xe nati maestri, come che se dixe) e tante robe se impara anca dopo ani. Magari tote un poco de tempo par rilexerte le pagine de ajuto che te go consiglià e se no te xe chiaro qualcosa, domanda pure.
Tien anca prexente che qua se xe in pochi e che non sempre pasemo a controlare le nove voxi; quindi magari te consigliarìa, finché no te ghe dimestichesa su 'ste robe, de creare qualche pàgina in manco, in modo de darne el tempo de sistemare se ghe xe qualcosa da sistemare (tipo i interwiki) e magari de lavorare su le pàgine che te ghe xà creà (xontando ad es. le categorie).
Mi, par es., so de più su it.wiki che qua e son pasà qua par caxo qualche giorno fa e me so trovà co 'na çinqunatina de pagine che te gavevi creà che no gera stà colegà co le altre wiki.

Ciao e grasie par el lavoro che ti si drìo fare. Un saludo da Vicensa. davide --Davy1509 (msj) 18:12, 26 feb 2019 (CET)

Me so iscrito. Te ringrasio. Come che te pol vedar, deso so drio ndar vanti a arichir le pajine che gaveo creà co nove robe. Se go nove robe da dir xe nadural che me toca farghine una de nova. Dita sta roba, deso go capio come che se inserise le pajine drento a wikidata. Te ringrasio. Me jutarà a rendar le pajine che creo pì vixibili fin da suito.. oncor prima che rivè voialtri aahah. Che te para stran el discorso de la X come so "Xvisera" no xé cuestion de oci, ma cuestion de coerensa. Se d'oparemo on tipo de scritura, chela garisimo da portar vanti. No podemo far pajine scrite n'tuna manjiera e n'altra in altra oncora... Se podaria doparar anca la Z, che saria in vixentin, ma saria mejo la X, dato che toemo senpre come ponto de riferimento la scritura venesiana, la cavedal del Veneto. Bho, i consejo e digo a mia, dopo vedì voi'altro cosa fare.. ma me piaxaria che ghe fuse ordine e coerensa n'te le pajine. Tuto qua. Grasie par la disponibilità e la voja de contarme come che se fa. Grazie oncora. Un enbraso da Padova. Manuel --

[Risposta@Fierodelveneto] Ciao, Manuel e grasie par ła risposta. Sì, me sembrava, infati che te te fusi registrà.
Dirìa che te ghe fato bèn a registrarte: in 'sto modo qua te połi utiłizare de łe funsion in più (come spostare i titołi o caricare foto fate da ti) e, tra un poco de tempo, i to contributi (se i continua a èsere bòni) i podarà èsere automaticante verificà dopo che un aministratore te gavarà asegnà un apoxito flag. 'Na ròba che no podèmo fare xe scansełar le pagine (queło połe farlo soło i aministratori come, ad es. GatoSelvadego), però podemo far richiesta de scansełasion (v. [18])

El to acount el vałe anca par le altre wiki e par i altri projeti (Wikisionario, Commons, ecc.). Mi te devo dire che go contribuìo par quaxi 4 ani su it.wiki prima de deciderme a registrarme.

Riguardo a le varianse, no existendo un vèneto univoco, qua xe conceso a ogni utente de poder scrivere 'na voxe ne ła so variansa (v. Categoria:Voxe de Wikipedia par variansa; te połi inserire łe to voxi in una de łe categorie par variansa utiłixando el Modèl:Variansa) e anca el titoło de 'na voxe xe sołitamente meso ne ła variansa in cui xe scrita la voxe (dopo va fato le pàgine de rimando in altre varianse). E anca mi serco de scrivere come mejo che poso, ma convegno che no xe façiłe scrivere in vèneto, parché lo nojaltri lo parlemo soło.
Diverso xe probabilmente el discorso de ła /z/ preconsonantica: lì credo che ghe sia de łe convension che non dipende da ła variansa (però su 'sta roba qua te dovarisi domandarghe a GatoSelvadego e, come che te go dito, te połi anca vèrxere 'na discusion).

In ogni caxo mi resto a disposizion par chiarimenti su 'l funsionamento de Wikipedia e, come che te go dito, se te dòperi un tełefonin, par vèr 'na navigasion migliore e anca par xontare i interwiki (te basta 'ndare su "Zonta link" soto "Lengue"), te convien clicare su "Desktop" in fondo a 'na pàgine e te ghe la vixuałizion che de vien fora vardando Wikipedia al computer.
Dopo, par robe che riguarda pì nel speçìfego l'organxasion de vec.Wiki, te convien domandarghe a GatoSelvadego o a qualche altro aministratore (es. Vajotwo).

Ciao e benvegnù e bòn wikilavoro! davide --Davy1509 (msj) 10:33, 27 feb 2019 (CET)

P.S.: ricordate anca de firmare sempre i mesaji (te basta clicare sul simbolo co la "x" e e un ghirigoro a lato de "C"; v. anche Ajuto:Uxo de ła firma).

Ciao, grasie par la risposta. Si, te ghe raxon, se pole far in tute le so varianse, ma ad ogni modo, pajine come "Riformismo, comunismo ecc.." le garia o la X la Z, dato che n'te la grafia veneta la S dolse no la ghe xé. Grasie par verme insenjà come che se firma n'te la discusion profilo. Se no so scortexe, vuria domandarte cuanti ani che te ghè, dato che no te me pari mia masa vecio. Saria beo saverlo, e magari far projeti in colaborasion. Se saria pi xbrigativi e riusirisimo scrivare pi pajine, fate mejo e de qualità. Manuel --Fierodelveneto (msj) 13:30, 27 feb 2019 (CET)

[Risposta@Fierodelveneto] Ciao, Manuel e grasie a ti. Su 'sta questione de la /z/ preconsonantica, no savarìa dirte e xe mejo che te ghe domandi a GatoSelvadego o altri pì esperti de mi su vec.Wiki.
Oviamente su Wikipedia no ghe xe bixogno de savere i dati personali dei utenti par colaborare insieme ('na ròba che Wikipedia garantise xe proprio la privacy, anche se ghe xe utenti che mete dati personali ne la pagina utente, ma ognuno oviamente fa quelo ch'el vole).
Dopo, vedendo le pagine che te ghe creà fin dèso, mi su Wikipedia no me ocupo dei stèsi argomenti (tipo politica, economia, dirito, ecc.) che te ocupi ti, ma de in genere de argomenti che riguarda le materie umanistiche (te poli vedere pì nel speçificio su it:Utente:Davy1509). Te poli comunque dare 'n'ociada sui Projeti (Categoria:Projeti) par vedere queli che te pole interesare, anca se no ghe xe nesun obligo de iscriverse a nesun projeto par scrivere le voxi a esso relative (qua, tra l'altro, se xe in pochi e no pole gnanca eserghe la stesa organixasione dei projeti su it.Wiki). Te segnalo p. es. el Projeto:Tełevixion, che me sembra ch'el posa interesarte (in quelo me son notà anca mi)
Infine, mi me ocupo solo saltuariamente de la creasione de nove voxi su vec.Wiki e lo faso un po' pì speso su it.wiki. E come che te vedi, questa la xe 'na wiki picola, che no ga el steso nùmero de partecipanti che ga it.Wiki e quindi te ringrasio in anticipo par el lavoro che te ghe intension de fare. Ciao e bòn proseguimento! davide --Davy1509 (msj) 14:11, 27 feb 2019 (CET)

Inportansa de categorie e interwiki[canbia el còdaxe]

Ciao! Grasie ancora par i to bòni contributi. Te ricordo ancora che xe però importante che le pagine sia categorizà e che le sie colegà a le altre Wikipedie (interwiki). Te ilustro l'importansa de 'ste do ròbe:

1) Categorie: xontando le categorie, xe pì facile trovare le voxi che te ghe creà, partendo da 'na voxe similare che fa parte de la stesa categoria.

2) Interwiki: vardando i interwiki su le altre Wiki (es. it.Wiki), te poli vedere se 'na voxe existe su vec.wiki o no. Se 'na pagina de vec.wiki non vignese colegà, ghe xe el ris-cio che posa vigner creà un dopion.
Tra l'altro, ti, traducendo da it.wiki, te se xà a quale pagina colegare la pagina che te ghe creà qua (mi go trovà solo dèso la pagina corispondente su it.wiki a Disionario pułitego e sociałe che te gavevi creà xà da qualche giorno: se te gavesi almanco mèso "Tradoto da" sarìa stà anca pì facile trovarla, ma te contini a no métere gnanca quelo).

Ciao e bòn proseguimento e se ghe xe dubi, domanda pure (le ròbe da imparare le xe tante, ma almanco ste do picole robe, se te voli 'ndar vanti a contribuire in modo frequente sarìa mèjo che te scumisiasi a impararle: mi par es. go provedù a xontare i interwiki a tute le pagine che te ghe creà fin dèso, ma par le categorie lo go fato solo su qualcheduna e così come par el "Tradoto da" par mostrarte come che se fa; te dovarisi quindi èser ti, par piasere a categorizare le voxi che te ghe creà fin dèso). davide --Davy1509 (msj) 14:07, 26 feb 2019 (CET)

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Discusion_Utensa:2.44.70.249&oldid=598674"