Dino da Sandrà

Dino da Sandrà el xe on dexegno animà e fumeto nato da ła fantaxia de Nicola Brusco. El xe on personajo che el pasa ła gran parte de la so jornada al bar del paese, çercando de bear na bira che l'Oste nol ghe porta mai. Celebre par i diti e proverbi senpre justi a ła situasion, el so cavało de bataja el xe la serie de parole: "Oste, na bira!".

Inte el 2010, in colaborasion col Consejo Rejonałe del Veneto, el xe sta fato on DVD dal nome "A la descuerta del Veneto", na serie de cartoni animati didateghi so ła cultura, ła istoria e ła lengua del veneto.