Dialeto triestin
| Tipo | diałeto  |
|---|---|
| Diałeto de | vèneto |
| Parlà in | Italia |
| Parlanti | |
| Totałe | tra 200 000 e 300 000 |
| Caratarìsteghe | |
| Clasifegasion lenguìstega | |
| łéngua umana łéngue indoeoropee łéngue itàłeghe łéngue latino-fałische łéngue romanze łéngue ìtało-osidentałi vèneto | |
| Còdazi | |
| ISO 639-2 | roa (lengue romanze) |
| Glottolog | trie1242 |
El Triestin xe un dialeto local del vèneto che el se parla a Trieste. El xe fortamente influenzà par un sotostrato furlan, principalmente dovudo a la coesistenza inte el otocento col defunto dialeto tergestin, che el triestin gaveva sostituido e che jera tanto vicin al furlan.
El triestin el ga tiolto anca tante parole de altre lingue. Za che Trieste xe sul confin co la Slovenia e xe stà soto la monarchia dei Habsburg par sei secoli, alcune parole del triestin xe de origine tedesco e sloveno. Dovudo ala grande emigraziòn inte ła cità a la fin del XVIII sècolo e inte el IXX, alcune parole del triestin xe anca de altre lengue, come el greco ed el serbo.
Storia
[canbia | canbia el còdaxe]Fin al desdotèximo sècolo (overo fin quando la sità la xera incora circondà tra le mura stòreghe e no la xera stà incora diciarà Porto Franco) a Trieste se parlava el tergestin, che xera un dialeto de tipo ladin, fortemente relasionà co i dialeti friulani de la pianura, dai quali el xera separà da l'arcaica enclave vèneta dei dialeti bisiaco e gradese e da la fasa de dialeti sloveni del Carso, dai quali el xera conpletemente sircondà a partire dei primi secoli del Baso medioevo. La fondasion de la nova sità la ga avùo come conseguensa l'imigrasion de persone vegnue dal basino del Mar Mediteraneo e da l'inpero Asbùrxego. Na parte consistente de popolasion imigrada la provegneva dal Friuli, dal Veneto, da l'Istria e da la Dalmazia. El xe stà inte sto momento che se ga afermà el triestin e el xe sconpario el terxestin. Le ipotesi dei studioxi so questo proseso de sostitusion linguìstega le xe raquante. El dialeto "vèneto comun" (in te la variante venesiana, nota in tuto l'Adriatico orientale, Mediteraneo orientale fin a Sipro, che Venesia utilizava come lengua "franca" ) podaria esar sta selto come koinè linguistega tra popoli de etnie diverse, opure podaria esar sta el dialeto dominante dei imigrati. El dialeto triestin el se ga diferenzià majormente dal vèneto intei sècoli susesivi. In chel periodo Trieste la xera la prinsipale sità de lengua italiana de l'inpero, de conseguenaa el dialeto triestin sostituiva conpletamente la lengua italiana in tuta l'Austria-Ungheria e el vegneva utilizà anca in comunicasioni ufisiali .
La vitalità del dialeto triestin emerxe anca da alcune afermasioni de lo scritore Italo Svevo intel romanxo La coscienza di Zeno:
(Italian)«Quell'uomo d'affari avrebbe saputa la risposta da darmi non appena intesa la mia domanda. Mi preoccupava tuttavia la quistione se in un'occasione simile avrei dovuto parlare in lingua o in dialetto.»— capitolo 5
(Italian)«Il dottore presta una fede troppo grande anche a quelle mie benedette confessioni che non vuole restituirmi perché le riveda. Dio mio! Egli non studiò che la medicina e perciò ignora che cosa significhi scrivere in italiano per noi che parliamo e non sappiamo scrivere il dialetto.»— capitolo 8
Anca James Joyce durante la so permanenaa a Trieste a l'inizio del 1900 el ga inparà a parlare e a scrivare el dialeto triestin. De questo le xe testimoniansa alcune de le so létare a Svevo.
Atualmente el triestin, a difarensa de altri dialeti, no'l se xe ridoto par difuxion intel corso dei ùltimi deseni e el xe conosesto da quaxi tute le persone orixinarie de la provinsa o ivi residenti da longo tenpo. A questo propòxito contribuisce forse la so relativa somejansa co la lengua italiana, che intei ùltimi deseni la xe 'ndà progresivamente intensificando.
Existe un serto nùmaro de òpare teatrali, poetiche o letararie scrite in triestin, molte de le quali le xe òpara de Virgilio Giotti e Carpinteri & Faraguna. Inoltre se deve ricordar Nereo Zeper, che el ga traduxesto l'Inferno de Dante Alighieri in triestin.
Svilupo del triestin moderno
[canbia | canbia el còdaxe]Dopo l'espansion de la Repùblega de Venèsia, dal medio evo in vanti, el Venesian el se ga pin pianelo afermà fa lengua franca in alcune parti del Mediteraneo orientale e intel Mar Adriàtego, sostituendo o influensando profondamente diverse lengue costiere come i dialeti de Trieste e del'Istria e anca i dialeti dàlmati de Zara e Raguza. A Trieste, sto fato ga determinà la graduale sostitusion del'ex dialeto terxestin (inparentà col furlan all'interno del sotogrupo retico de le lengue romanze) e dei vicini dialeti sloveni co na lengua de orixine vèneta. Questo fenomeno el ga tacà a verificarse prima tra pescadori e marinai, mentre la borghexia tradisionale la ga continuà a parlare el terxestin fino a l'inizio del XIX secolo. A chel tenpo, el terxestin el xera praticamente na lingua morta, e ga tacà el periodo del triestin moderno.
Distribusion xiogràfega
[canbia | canbia el còdaxe]El dialeto triestin el xe parlà inte la sità de Trieste. Intei comuni limìtrofi del Carso de lingua slovena el xe usà come lengua veicolare. El dialeto vèneto de Gorisia el xe considerà un’iradiasion del triestin pitosto che del dialeto bixiaco, anche se questo el xe xiografegamente pì visin.
Fonoloxìa
[canbia | canbia el còdaxe]El triestin prexenta sinque vocali fonoloxicamente distintive: [i], [e], [a], [o], [u]. A livelo fonèteco el grado de apertura de le vocali medie el poe variare, senaa che questo el gabie valore fonoloxicamente distintivo.
Le consonanti fonolòxeghe le xe:
- le oculsive [b], [p], [d], [t], [g], [k]
- le fricative [z], [s], [v], [f]
- le africate [tʃ], [ts], [dz]
- le naxali [m], [n], [ɲ]
- la laterale [l]
- la vibrante [r]
A livelo fonètego i va zontai la naxale velare (che la se ga par asimilasion davanti a consonante velare) e la laterale aprosimante palatalizà (che el xe alòfono de la laterale alveolare).
El triestin no ga consonanti xeminàe. La grafia “ss” no indica na consonante xeminà ma la fricativa alveolare sorda in poxision intervocalica.
Gramatega
[canbia | canbia el còdaxe]La Gramatega del triestin la xe acuratamente descrita in te na serie de studi linguisteghi (vedi bibliografia). Le so carataristeghe pì inportanti, in particolar modo in confronto co i dialeti eugànei de la lèngua vèneta, le xe le seguenti:
- tendensa a sostituirs el conjuntivo co el condizionale e viseversa. Par exenpio le xe considerae corete sia la fraxe se fusi libero, ‘nderia sicuro, sia la fraxe se saria libero, ‘ndasi sicuro, come pure parfin se saria libero, ‘nderia e se fussi libero, ‘ndassi.
- l'elision de la vocale finale par le parole che le finise par "no", "ne", "lo", "le" e altre (solo maschili) e par l'infinito dei verbi, ad exenpio:
- vagòn
- pan
- quel
- gavèr
- la coniugasion del verbo èsare, indicativo prexente:
- mi son
- ti te son
- lui el xe/ela la xe
- noi semo
- voi se
- lori i xe/lore le xe
- la coniugasion del verbo èsare, indicativo inperfeto:
- mi jero
- ti te jeri
- lui el jera/ela la jera
- noi jerimo
- voi jeri
- lori i jera/lore le jera
- la coniugasion del verbo avere, indicativo prexente:
- mi go
- ti te ga
- lui el ga/ela la ga
- noi gavemo
- voi gavè
- lori i ga/lore le ga
- la coniugasion del verbo avere, indicativo inperfeto:
- mi gavevo
- ti te gavevi
- lui el gaveva/ela la gaveva
- noi gavevimo
- voi gavevi
- lori i gaveva/lore le gaveva
Sistema de scritura
[canbia | canbia el còdaxe]El triestin se scrive co l’alfabeto latin. La grafia del triestin no la ze sta standardizà o fisata normativamente. Le resenti proposte de standardizasion ortografega de la lèngua vèneta no le xe stae resepie par el triestin, par el quale el modelo ortogràfego de riferimento rimane quelo de l’italian. Da quest’ultimo, tutavia, el triestin se discosta par alcuni aspeti:
- la letera x la vien uxà par indicare la fricativa alveolare sonora in posision intervocalega o iniziale de parola, come inte el xe.
- El digrama ss el vien uxà par indicare la fricativa alveolare sorda in posision intervocalega, come inte le parole 'cossa' (che cosa?) e rossa (rosa). Tal digrama no indica, come invese avien in italian, un sono dopio.
- s’c indica la susesion de la fricativa alveolare sorda e della africata palatoalveolare sorda, come inte le parole s'cioca, s'cenza (sgrexenda), s'cinca (bija).
- No se uxa i digrami gl e sc de l’italian, in quanto no existe i soni corispondenti (anca se i tende a conparir inte i prestiti lesicali pì resenti da l’italian).
Vocabolario
[canbia | canbia el còdaxe]El lesico del triestin el xe in major parte de orìxene latina. Tutavia presenta influenze di altre lingue, soprattutto dello sloveno, del croato e del todesco. Sono presenti anche parole derivate dal greco moderno a causa della presenza storica di una comunità greca nella città.
Confronto fra triestin e altre léngue
[canbia | canbia el còdaxe]| Triestin | Dàlmata | Raguzan (Dubrovnik) | Italian | Inglexe |
|---|---|---|---|---|
| piròn | pirun | forchetta | fork | |
| carèga | katriga | sedia | chair | |
| scovàze | škovace | immondizia | rubbish | |
| mona | mona, crazy person monàda, stupid-crazy act of one person |
|
| |
| impizàr | accendere | to light | ||
| lugàniga | luganige | salsiccia | sausage | |
| spagnolèto | španjulet | sigaretta | cigarette |
Etimoloxìa de parole triestine con tradusion in altre varianse vènete
[canbia | canbia el còdaxe]| Triestin | Vèneto (altre varianse) | Orìxene |
|---|---|---|
| Armeròn o Armèr | armaro | dal fransexe armoire, steso significà |
| Brixiòla | braxola de porselo, cotoleta | dal latin "*brasiata", cota so la braza |
| Chèba | càrsare o gabia | dal latin cavea, comune a tuto il vèneto |
| Cìsto | privo de denaro, in mixeria | da lo sloveno o croato čist, neto |
| Clùca | manija | dal croato e sloveno kljuka |
| Cocàl | gabian | dal greco kaukalias. Comune al friulano e al vèneto. Ghin deriva el carataristego ajetivo 'incocalido' che el xe prexente inte la forma venesiana 'incocalio' in Goldoni, par indicare instupidio, frastornà ecc. |
| Cofe | stùpido, incosente | dal tedesco Kopfweh, mal de testa. Senbra che el termine risalga al la I Guera Mondiale e se riferisa ai soldà scartai a la vixita de leva in quanto malai de mente |
| Daùr | indrio o deretan | dal furlan daûr, indrìo; manco uxà de indrìo o dedrìo |
| Flosca | sc-iafa | dal tedesco vienese Flazka, colpo di man |
| Mùlza | paneta de graso, graso adipoxo so i fianchi (maneje de l'amor) | dal dialeto sloveno del Carso "mulica", pronunsà mùliza con la "z" sorda, cioè sanguinaso |
| Papùza | savata | dal turco papuç, a so volta dal persian papus, quelo che coverze el pie. La parola la xe prexente intel venezian. |
| Patòk | rosta | dal sloveno potok (patok nel dialetto del Carso), steso significà |
| Chez | sciò | dal tedesco dialetale getz, "sciò", "pusa via"; dar el chez = mandar via, far scapare |
| Macaco | puareto, stupidin, ùmile | da l'aramaico makiko, umile, povaro |
| Peteseria | mèsita de vini e alcolici | da petes, che sta in xènare par vin o alcolico, derivà da peto. |
| Plafòn | sofito | dal fransexe plafond, steso significà |
| Remitùr | caos, confuxion | dal lat. repeditare con suffisso -orio- in forma furlana -ur
derivà da la confuxion cauxà dal batare par tera co i scarponi inte l'execuzion del "demi tour"(dietro front) che i faxeva le trupe fransexi de Napoleon de pasajo a Trieste |
| Ribòn | spese ds pése | dal lat. rubrone(m), pése dal colore rosastro, cfr. la denominasion greca erythrinos |
| Scàfa | seciaro | (dal greco skaphe, medià dal latin scapha, basin, conca, tinosa; scafo, canoto, salùpa |
| Scurton | mosicon | |
| Sina | rotaia | dal tedesco Schiene, rotaia |
| Spàrgher | cuxina economega | dal tedesco Sparherd, focolare o fornelo |
| Slàif | fren | dal tedesco schleifen, frenare (in uxo inte le Ferovie) |
| Sluc | sorso, sorsada | dal tedesco Schluck, sorso |
| Trapoler | intralasador, trufador (ma con un'asesion no esesivamente negativa) | deriva probabilmente da l'italian trapola. El xè un trapoler: la xe na persona che intralasa par so natura. |
| Tùmbaro - Tùmbano | Pànpano, senplisoto | da l'alto tedesco medio tumb (ora dumm), steso significà |
| Puf | debito | voxe xergale de orijine inserta |
| Vixavì | de fronte | dal franseze vis-à-vis |
| Vitz | spiritosajine, xugo de parole | dal tedesco Witz, steso significà |
| Zìma ("z" sonora) | fredo (con "z" sorda significa "sima", come quela de la montagna) | da lo sloveno o dal croato zima, inverno |
Altri projeti
[canbia | canbia el còdaxe]
el detien schemi gràfeghi so
Bibliografia
[canbia | canbia el còdaxe]- Collussi, G. Osservazioni sul triestino di Carpinteri e Faraguna: la concordanza dei tempi, in Holtus - Metzeltin, Linguistica e dialettołozia, G. Narr Verlag, Tübingen, 1983, pp. 49–53.
- Doria, M. Grande dizionario del dialetto triestino. Trieste, Il Meridiano, 1987.
- Doria, M. Sugli slavismi del dialetto triestino giunti par intermediazione friulana, in Studi forogiuliesi in onore di C. C. Mor, Udine, 1983.
- Fontanot, R. Gli elementi turchi inte el dialetto triestino, in Trieste e la Turchia. Storie di commerci e di cultura, a cura di G. Pavan, Trieste 1996, pp. 122–125.
- Fontanot, R. Integrazioni semantiche ed idiomàteghe al GDDT, in “Archeografo Triestino”, CIII, 1995, pp. 11–52.
- Fontanot, R. Noterelle etimologiche triestine, in “Atti e Memorie della Società Istriana di Archeołozia e Storia patria”, XCV, 1995, pp. 423–427.
- Fontanot, R. Nuovo supplemento al dizionario del dialetto triestino, in “Atti e memorie della società istriana di archeołozia e storia patria”, XCIII, 1993, pp. 341–396.
- Fontanot, R. Sui suffissi inte el dialetto triestino, in “Quaderni del Dipartimento di Linguistica – Università di Firenze”, 6, 1995, pp. 55–94.
- Kosovitz, E. Dizionario-vocabolario del dialetto triestino e della lingua italiana, Trieste, Tip. figli di C. Amati, 1889.^
- Loffredo A. Morfołozia flessiva del dialetto triestino: tesi di laurea in dialettołozia, Trieste, Università degli Studi, 2001-2002.
- Pinguentini, G. Dizionario storico etimologico fraseologico del dialetto triestino. Trieste, Borsatti, 1954.
- Rosamani, E. Vocabolario giuliano. Trieste, Lint Editoriale, 1990.
- Tamas R. Cenni sul dialetto triestino, in Par seguir virtute e canoscenza: miscellanea di studi par Lajos Antal. Szombathely, Berzsenyi Daniel Foiskola, 2004, pp. 299–321.
- Vidossich, G. Studi sul dialetto triestino. Trieste, Caprin, 1901.
- Pellegrini Renzo, Par un profilo linguistico', in Storia econòmega di Trieste, vol.I La città dei gruppi 1719-1918, Trieste 2001, pp. 293–316
Liganbi foresti
[canbia | canbia el còdaxe]- Cogoy's Triestine-English Dictionary at Babylon Archivià il 27 de setenbre 2007 in Internet Archive.
- Ethimological studies of the Triestine Dialect (ligo ronpesto dispunìbiłe in Internet Archive; védarse el istòrego, la prima version e ła ùltema).