Declarasion de indipendensa dei Stati Unii d'Amèrica

Da Wikipedia, l'ençiclopedia libara.
Infobox de AvegnimentoDeclarasion de indipendensa dei Stati Unii d'Amèrica
United States Declaration of Independence.jpg
Nome orizenałe(en) United States Declaration of Independence Cànbia el vałor in Wikidata
TipoDeclarasion de indipendensa Cànbia el vałor in Wikidata
AutoreThomas Jefferson e Timothy Matlack (it) Traduzi Cànbia el vałor in Wikidata
Data4 lujo 1776 Cànbia el vałor in Wikidata
Publegasion4 lujo 1776 Cànbia el vałor in Wikidata
LocałitàIndependence Hall (it) Traduzi Cànbia el vałor in Wikidata
StatoStati Unii de l'Amèrica Cànbia el vałor in Wikidata
Càuzarivoluzione americana (it) Traduzi Cànbia el vałor in Wikidata
Łénguainglezo Cànbia el vałor in Wikidata
PromulgaSecondo congreso continentałe Cànbia el vałor in Wikidata
PartisipantiThomas Stone (it) Traduzi Cànbia el vałor in Wikidata
Insignatari


La Declarasion d'indipendensa dei Stati Unii d'Amèrica (el cuało tìtuło inglezo formałe el ze The unanimous declaration of the thirteen United States of America) ła ze sta un documento che el ga segnà ła nàsita e l'indipendensa de sta federasion inte el 4 de lujo del 1776, data che inte un secondo momento ła saria devegnesta festività nasionałe statunitense (el famozo Dì de l'Indipendensa. In sto documento cuà, trèdaze cołònie britàneghe de ła costa atlàntega nordamericana łe ghea declarà ła so indipendensa da l'Inpero britànego motivando el parché de sto ato; i ze cusita nasesti ufisalmente i Stati Unii d'Amèrica.

Istòrego[canbia | canbia el còdaxe]

Par cuanto ghe fuse za stai racuanti scontri intrà i cołoni rebełi e l'ezèrsito britànego, ła declarasion de indipendensa ła ga segnà el vero scumìsio de ła Revołusion americana che 7 ani dopo ła se sària conclundesta co ła vitòria de l'ezèrsito continentałe de George Washington contro cheło de Zorzi III.

De fato, ła reunion del Congreso de Fiładelfia de John Adams, uno dei pì grandi lìder americani che el ghea conbatesto par l'indipendensa americana, ła ze stada un momento fondamentałe inte ła lota dei cołoni contro de ła Gran Bretagna, tanto che ła ga portà ła situasion a finir inte na vera e pròpia revołusion pensada par roersare ła pułìtega che ghe zera, metindo cusita in rezalto i deriti dei cołoni che finmente a chel momento no i zera mai stai respetai da ła marepàtria.

El documento, dimandà e scrivesto da Thomas Jefferson, no el ghea mirà propiamente a definir na nova forma de goerno e par tanto no el va confondesto co ła futura Costitusion dei Stati Unii d'Amèrica. El fin el ze sta invese cueło de rinforsare el suporto interno a ła so bataja, favorindo cusita l'intervento de racuante potense eoropee in so sostegno, in partegołare ła Fransa, che de sevente ła se ghea de fato unio al conflito.

La declarasion[canbia | canbia el còdaxe]

La declarasion ła ze sta scrizesta da ła denomenada Comision dei Sìncue, conponesta da Thomas Jefferson, che el ze sta el prinsipałe redator de ła prima version, de consevensa John Adams, Benjamin Franklin, Robert R. Livingston e Roger Sherman. Anca se za do dì prima, el secondo congreso continentałe el gaveva votà par aprovar ła resołusion d'indipendensa proponesta da Richard Henry Lee, el documento el ze sta ratìfegà formalmente su carta de cànevo inte ła sera del Zoba nùmaro 4 de lujo del 1776 inte ła sała congresi de Philadelphia. Sincuantasincue dełegai del secondo congreso continentałe, ciamai Pari Fondadori (Founding Fathers), i se ghea unio inte i dì drioman par poner ła so firma de fianco a cueła del pułìtego John Hancock, el primo firmatàrio de ła carta. Inte l'isteso documento, se acuzava el rè (e no pì i so cołaboratori, cofà che se fea prima) de èsar l'ùgnoło ligo che ghe ze intrà i cołoni e ła Gran Bretagna.

L'orizenałe de ła declarasion, tantormai cuazi iłezìbiłe, el ze esponesto inte i National Archives de Washington, inte ła sała pì prestijoza del muzeo: Ła Rotunda, cusita denomenada par via de ła so forma sircołare.

Notasion[canbia | canbia el còdaxe]

Altri projeti[canbia | canbia el còdaxe]

Linganbi foresti[canbia | canbia el còdaxe]


Controło de autoritàVIAF (EN179420344 · LCCN (ENn79029194 · GND (DE4187277-0 · BNF (FRcb125091927 (data) · NLA (EN35068086 · WorldCat Identities (ENn79-029194


Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Declarasion_de_indipendensa_dei_Stati_Unii_d%27Amèrica&oldid=1081348"