Crize petrołìfara del 1979

Da Wikipedia, l'ençiclopedia libara.
Infobox de AvegnimentoCrize petrołìfara del 1979
Tipocrìze petrołìfara Cànbia el vałor in Wikidata
Data1979 Cànbia el vałor in Wikidata
Càuzarivoluzione iraniana (it) Traduzi e guerra Iran-Iraq (it) Traduzi Cànbia el vałor in Wikidata


La crize petrołifera del 1979, conosesta anca cofà ła seconda crize petrołifera, dopo de ła crize petrołifera del 1973, ła se ga verifegà soto dei efeti cognugadi de ła revołusion iraniana e ła guera Iran-Iraq. El preso del petrojo el se ga molteplegà par 2,7 da ła metà de l'ano 1978 finmente al 1981.

Istòrego[canbia | canbia el còdaxe]

Inte l'8 de setenbre del 1978 ghe ze el Vènare Nero a Teheran: łe se produze revolte contro del Sha duramente reprimeste da l'ezèrsito (siben che ła fuse stada declarada leje marsiałe). A novenbre 37.000 lavoratori de łe rafinarie iraniane i ga scioperà, fazendo sbasar ła produsion petroliera da 6 miłioni de bariłi al dì a 1,5 milioni, e tanti lavoratori stranieri i ga dasà el Paeze. Inte-ła-fin, su sołèsito del Primo Ministro Shapur Bajtiar, el Scià el ga dasà el paeze inte el 16 de zenaro del 1979.

La guera Iran-Iraq ła zera scumìsiada inte el 22 de setenbre del 1980. El costo de un bariłe de petrojo el zera rivà costar $39, che in considerasion de l'inflasion el corisponde a $92,5 inte el setenbre del 2005. El conzełamento de łe esportasion iraniane el pròvoca l'erlevamento cuazi istantàneo dei presi, che i colpise el marcà petrołìfaro mondiałe.

In sto novo contesto:

  • El Japon el ze privà de na parte considerévoła dei so provizionaminti
  • Dopo 2 ani de rełativa bondansa e granda stabiłità dei presi, el liveło de łe reserve el ze tanto baso in tuti i paezi

Partanto, l'ałarme el ze drio spàndarse e i paezi de tuto el mondo i ze drio sercar de recostituir el so capitałe. Łe vien adotae mezure: restrision al consumo, susìdio a l'inportasion (Stati Unii); simultaneamente i specułatori i profita de ła situasion par far afari, tuti sti avegniminti si bè che ghe fuse sta l'incresimento de ła produsion saudia e el parsiałe rescumìsio de łe esportasion iraniane. Sia l'OPEC che altri paezi produtori i ze drio profitar de ła situasion, fazendo erlevar cusita i presi de marcà.

Inte ła fin del 1981, par finir, ła situasion el ghea scumisià normałizarse col cało zenerałizà dei presi del grezo da parte dei paezi produtori.

Notasion[canbia | canbia el còdaxe]

Altri projeti[canbia | canbia el còdaxe]

Linganbi foresti[canbia | canbia el còdaxe]


Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Crize_petrołìfara_del_1979&oldid=1080822"