Congregasion de Maria Rexina Imacołada

Da Wikipedia, l'ençiclopedia libara.
Jump to navigation Jump to search
Congregasion de Maria rexina imacołada (bandiera, Scheveningen)

Ła Congregasion de Maria Rexina imacołada (in latin: Congregatio Mariae rexinae Immacolata, CMRI) ła xè na congregasion de poxision catòłega tradisionałista che sostien eł sedevacantismo, de conseguensa ła defenise che ł'ułtimo papa xè stà Pio XII; ła xè dedicà a ła promosion de eł mesajo de Nostra Sióra de Fátima e ła devosion de ła Vèrxene Maria secondo ł'insegnamento de Luigi Maria Grignion de Montfort che eła ła considera eł so fondator spirituał. Ła cogregasion, ntè' corso de i ani, ła xè sta conosua anca come Cruciati de Fátima e Obłati de Maria imacołada rexina de ł'Universo.

Storia[canbia | canbia el còdaxe]

Ła Congregasion de Maria rexina imacołada ła xè sta costituia nteł' 1967 a Coeur d'Alene da Francis Schuckardt e eł so asistente Denis Chicone.

Nteł' 1969, co ł'aprovasion de eł vescovo Sylvester William Treinen de ła diocesi de Boise City, xè sta fondà on grupo de na congregasion rełigiosa de fradei e sorełe. Co ł'ativasion de łe riforme de eł Conciłio Vatican II Schuckhardt e eł so grupo i gà definiò che Pagoło VI non eł xè on łegitimo papa e łora i xè nà in serca de preti che i condivise la posision teołogica de eł sedevacantismo. Ntei primi ani 1970 Schuckhardt eł se gà fato consacrar prete e vescovo da Daniel Q. Brown e eł ga comprà eł vecio seminario gesuita Mount Saint Michael a Spokane e ła xè vegnù eł centro de ła congregasion.

Nteł' giugno 1984 Chicoine con eł sostegno de ła magioransa de eł cłero e łaici de ła congegasion i gà deciso de butare fora Schuckardt par dei scandołi; nteł' utuno de eł steso ano i preti sercava on vescovo par chi i ghea l'aspirasion a diventar prete e i ga trovà George Musey de la łinea episcopał Thục. Eł vescovo Musey eł gà riordinà sub condicione łe ordinasion fate prima.

Nteł' 1986 ła CMRI ła gà tenù eł so primo capitoło xenerałe stabiłendo ła regoła e costituxion; nteł' steso ano, ła regoła ła xè sta aprovà da eł vescovo domenican Robert McKenna.

Nteł' 1989 Mark Pivarunas eł xè stà ełeto superior xenerał de ła congregasion e nteł' 1991 eł xè sta ordinà vescovo da Moisés Carmona.

Superiuri xenerałi[canbia | canbia el còdaxe]

  • Francis Schuckardt (1967–1984)
  • Denis Chicoine (1984–1989)
  • Mark Pivarunas (1989–1991)
  • Casimir Puskorius (1991–1995)
  • Mark Pivarunas 1995

Ła Congregasion de Maria rexina imacołada in tel mondo[canbia | canbia el còdaxe]

Ła Congregasion de Maria rexina imacołada ła uficia mese tridentine (o de San Pio V) in 29 cese nte Stati Uniti, Canada, Austrałia e Nova Zełanda. Òpara anca nteł' seminario Mater Dei de Omaha, ła casa mare ła xè a Spokane, Washington (Mount Saint Michael); ła xè presente nteł' Merica latina e Eoropa.

Bibliografia[canbia | canbia el còdaxe]

Vose coredà[canbia | canbia el còdaxe]

Altri projèti[canbia | canbia el còdaxe]

Linganbi foresti[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Congregasion_de_Maria_Rexina_Imacołada&oldid=777816"